ངོས་དང་པོ > ཆེད་དོན། > མཚོ་སྔོན་པོའི་ཞོགས་ཟེར། > བུ་མོ་ཚོ་མདུན་དུ་འགྲོ།

བུ་མོ་ཚོ་མདུན་དུ་འགྲོ།

རྩོམ་པ་པོ།：སྐལ་བཟང་མེ་ཏོག ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2011-05-20 14:54:00 ཀློག་གྲངས།：

རུས་མིང་།    སྐལ་བཟང་མེ་ཏོག
འཛིན་གྲྭ     སློབ་ཆུང་ལོ་རིམ་དྲུག་པ།
ཕ་ཡུལ།     མཚོ་སྔོན་རྐང་ཚ་རྫོང་།

　　　　　　　　　　　　　　　　　སྐལ་བཟང་མེ་ཏོག

　　　　　བུ་མོ་ཚོ
　　　　　ལུས་ལ་གཉོམ་ཞིག་ཁུར་ནས
　　　　　སེམས་ལ་བརྣག་ཅིག་བཟུང་ནས
　　　　　ཁ་རོག་གེར་འདུག་དོན་ཅི
　　　　　ང་ཚོར་རིག་གནས་སྦྱོང་བའི་བློ་གྲོས་མེད་པ་ཡིན་ནམ
　　　　　མདུན་སྐྱོད་ཀྱི་མིག་ཟུང་དང་རྐང་ལག་མེད་སོང་བ་ཡིན

　　　　　ང་ཚོའི་སེམས་ཁུངས་སུ
　　　　　ང་ཚོ་ནི་རླབས་ཆེ་བའི་མ་ཡུམ་ཡིན
　　　　　སྐྱེས་པ་ཚོར་ཡོད་པའི་རིག་གནས་དེ་ང་ཚོར་ཡོད་ལ
　　　　　སྐྱེས་པ་ཚོར་ཡོད་པའི་བློ་སྤོབས་དེ་ཡང་ང་ཚོར་ཡོད་འོས

　　　　　དེས་ན་བུ་མོ་ཚོ
　　　　　ང་ཚོ་ནི་མ་འོངས་བའི་གདུང་འདེགས་ཀྱི་ཀ་བ་དང་
　　　　　མ་འོངས་པའི་རེ་བ་ཞིག་ཏུ་འགྱུར་བར་ཧུར་བརྩོན་བྱས་ནས
　　　　　ཕོ་མཆོག་མོ་དམན་གྱི་ལྟ་བ་རིང་དུ་དོར་བཞིན
　　　　　རླབས་ཆེན་གྱི་མ་ཡུམ་ཞིག་ཏུ་འགྱུར་བར་ཡིད་ཆེས་ཀྱིས
　　　　　མདུན་ནས་མདུན་དུ་འགྲོ་ཡ བུ་མོ་ཚོ