མདོ་དབུས་མཐོ་སྒང་གི་རྩྭ་ས་སྲུང་སྐྱོབ་བྱེད་ཐབས།

   དང་པོ་བྱི་ལོང་དང་ཨ་བྲས་གནོད་འཚེ་གཏན་འགོག་བྱེད་དགོས།  བྱི་ལོང་དང་ཨ་བྲའི་གནོད་འཚེ་བཏང་བ་དེ་རང་བྱུང་རྩྭ་སར་མཆོན་ན་ཧ་ཅང་ཚབས་ཆེན་ཡིན། ས་ནག་ཐང་མང་ཆེ་བ་བྱི་ལོང་དང་ཨ་བྲས་བྲུས་པ་རེད། དེའི་ཕྱིར་སྲིད་གཞུང་གི་འཆར་གཞི་ལྟར་བྱི་ལོང་དང་ཨ་བྲའི་གནོད་འཚེ་ཇེ་ཉུང་དང་ཡང་ན་གཏན་འགོག་བྱེད་རྒྱུ་ནི་རྩྭ་ས་སྲུང་སྐྱོབ་བྱེད་པའི་གནད་འགག་ཡིན།

   གཉིས་པ་ས་རྒོད་མི་སློག་པ་དང་རྨོ་བསྐྱུར་རྩྭ་འདེབས་ལ་ཤུགས་སྣོན་རྒྱག་པ་ནི་རྩྭ་ས་མྱུར་སྐྱོབ་ཀྱི་ཐབས་བཀོད་གལ་ཆེན་ཞིག་ཡིན། དེ་ལྟར་བྱས་ན་ཕྱུགས་ཟོག་ཚོད་འཛིན་བྱེད་ཐུབ་ལ་རྩྭ་ཐང་གི་ཁུར་པོ་ཇེ་ཡང་དུ་གཏོང་ཐུབ་པ་དང་རྩྭ་སའི་བཀོལ་སྤྱོད་ཀྱང་ལུགས་མཐུན་ཡོང་ཐུབ།