ཐུན་ཏེ་རྫོང་གིས་ཁོར་སྲུང་ལེགས་བཅོས་བྱ་འགུལ་སྤེལ།

    ཉེ་སྔོན། ཐུན་ཏེ་རྫོང་གིས“སྐྱེ་ཁམས་ཁོར་ཡུག་ལ་སྲུང་སྐྱོང་བྱེད”ཅེས་པ་བརྗོད་གཞི་བྱས་ནས།ཧུར་ཐག་སྒོས་ལམ་འགྲམ་གྱི་ཁོར་ཡུག་དག་ཐེར་བྱ་འགུལ་སྤེལ།
     ཐེངས་འདིའི་དག་ཐེར་བྱ་འགུལ་གྱིས་རྫོང་ནང་ཁུལ་གྱི་ཞིང་ཆེན་གཞུང་ལམ་དང་སྤྱི་ལེ22ཡི་མཚམས་ཀྱི་གཞུང་ལམ་མཚོན་རྟགས་མ་ཡིན་པའི་བྱང་བུ་ལ་ཞིབ་བཤེར་གཏིང་ཟབ་བྱས་ནས། ཁྲིམས་ལྟར《ཁྲིམས་འགལ་བྱ་སྤྱོད་ཀྱི་བརྡ་སྦྱོར》19བཀྲམས།གཞུང་ལམ་མཚོན་རྟགས་མ་ཡིན་པའི་བྱང་བུ19མེད་པར་བཟོས།གསལ་སྟོན་ལམ་བྱང་དང་ཉེན་སྟོན་བྱང་བུ50ལྷག་དང་བཟོ་གྲྭའི་འཕྲུལ་ཆས25ལྷག་བཀོལ་སྒྲིག་བྱས། གཞུང་ལམ་འགྲམ་གྱི་གད་སྙིགས་ཏུན6.5ལྷག་དང་གཞུང་ལམ་ཨར་ལས་གད་སྙིགས་ལྷམ་པ128གཙང་བཤེར་བྱས།གཞུང་ལམ་འགྲམ་གྱི་ས་དོང་སྨི་གྲུ་བཞི་མ2380བདེ་སྙོམ་བྱས། ཁེ་ལས་གཙོ་བོ2སྤྱི་སྒྲོག་བྱས་ཤིང་།ས་དང་བྱེ་ཟེགས་འདྲུད་པའི་རླངས་འཁོར་སོགས་ཀྱིས་གཞུང་ལམ་སྟེང་བྱེ་ཟེགས་སོགས་གཏོར་བར་སྔོན་འགོག་བྱེད་པའི་འགན་འཁྲིའི་ཡི་གེ་སྟེང་མིང་རྟགས་བཀོད། བྱེ་མ་དང་ས་འདྲུད་རླངས་འཁོར45ལ་སྒྲིག་བཅོས་དང་། ཨར་ལས་ལས་ཁུངས་དང་ཁོར་སྲུང་མཉམ་འབྲེལ་ཡི་གེ་སྟེང་མིང་རྟགས་བཀོད་ཅིང་། གང་འདོད་དུ་ས་བརྐོ་རྡོ་སློག་བྱེད་པ་ནན་འགོག་དང་དུས་ཐོག་ཏུ་ས་དོང་བསྙམ་པར་ཁག་ཐེག་བྱས་ཏེ། གཞུང་ལམ་འགྲམ་གྱི་ཁོར་ཡུག་མཛེས་ཤིང་གཙང་ལ།གྲལ་དག་པར་བྱས།