བདག་ལ་མཚོན་ན།ཀ་བཤད་ལྷུག་རྩོམ་ནི་རྣམ་པའམ་ལུས་ཀྱི་ཐོག་ནས་ལྷུག་རྩོམ་ཡིན་པ་གང་ཞིགདེ་ཉིད་ཀ་མད་ཀྱི་རིམ་པ་བཞིན་བསྟར་བའི་ཐོག་ནས་དེ་ལྟར་མིང་དུ་བཏགས་པ་ཡིན་པས།སྔོན་ཆད་བཞིན་ཚིགས་སུ་བཅད་པ་ཁོ་ནའི་ཐོག་ནས་ཀ་བཤད་འབྲི་བའི་རྣམ་པ་དང་ཅུང་ཁྱད་པར་གཏོད་པ་ཙམ་ལས།ཕྲ་ཞིབ་བྱེ་བྲག་གི་ཐོག་ནས་ཁྱད་ཆོས་འདི་དང་དེའོ་ཞེས་མ་ལག་དང་ལྡན་པ།ཚགས་སུ་ཚུད་པ་ཞིག་ད་དུང་གསལ་བོ་ཞུ་རྒྱུ་མེད།འོན་ཏེ།ལྷུག་རྩོམ་ཞིག་ཡིན་ཚེ།བརྗོད་བྱའི་ནང་དོན་རྒྱ་ཆེ་ཞིང་རང་དབང་ཡིན་ཆོག་ལ།རྣམ་པའི་ཐོག་ནས་ཀྱང་སྲོལ་རྒྱུན་སྙན་ངག་ཇི་བཞིན་རྐང་གྲངས་སོགས་ཀྱི་ཚད་བཀག་མེད་མོད་ཀྱང་།དེ་ཉིད་སྒྱུ་རྩལ་གྱི་བརྩམས་ཆོས་ཤིག་ཡིན་པའི་ཆ་ནས།ངེས་པར་སྒྱུ་རྩལ་གྱི་ཐབས་འཕྲུལ་དུ་མ་སྤྱད་ཆོག་ལ།སྒྱུ་རྩལ་གྱི་ཐབས་འཕྲུལ་སྤྱད་པའི་ཐོག་ནས།ལྷུག་རྩོམ་དེ་ཉིད་ལ་མཛེས་ཉམས་ཐུན་མོང་མ་ཡིན་པ་ཞིག་བསྐྲུན་ཡང་ཆོགལྷག་པར་དུ་ཀློག་པ་པོས་གཟིགས་ཀློག་གནང་སྐབས་སྒྱུ་རྩལ་བརྩམས་ཆོས་ཤིག་ལ་མྱོང་རོལ་བྱས་པའི་སྣང་བ་ངོ་མ་ཞིག་སྦྱིན་ཐུབ་ངེས།དེ་མ་གཏོགས།དེ་ལྟ་བུའི་རྩོམ་རིག་གི་སྐད་ཆ་དང་རྣམ་པའི་ཐོག་ནས་སྒྱུ་འཕྲུལ་གྱི་ཐབས་འཕྲུལ་རེ་འདོན་མ་ཐུབ་ཚེ།ལྷུག་མ་བྲིས་པ་ཙམ་གྱིས་ལྷུག་རྩོམ་ཡིན་པའི་ངེས་པ་ག་ལ་ཡོད།ཡང་སྒྱུ་འཕྲུལ་གྱི་ཐབས་འཕྲུལ་གང་ཞིག་སྤྱོད་དགོས་མིན་ཐད།རང་གི་རྣམ་རྟོག་གམ་བློས་བསླངས་ལ་བརྟེན་དགོས་པ་བདེན་མོད།བདག་གི་བསམ་ཚུལ་ལ།ཐོག་མར་རང་གི་སྲོལ་རྒྱུན་རིག་རྩོམ་ནང་དུ་ཡོད་པའི་རྒྱུ་ཆ་དེ་དག་ལེགས་པར་གཞིབ་རྒྱུ་དེ་ནི་གལ་འགངས་ཆེ་བ་ཡིན་པར་སེམས་ཤིང་།《སྙན་གཞུང་མེ་ལོང་མ》ཡི་ནང་དུ་བསྟན་པའི་ཚིག་རྒྱན་དེ་དགདེང་གི་ཆོས་དང་མཐུན་པའི་དེང་གི་རྩོམ་རིག་བརྩམས་ཆོས་ནང་དུ་གདན་འདྲེན་ཐུབ་ནའང་།བསམ་པའི་ཡུལ་ལས་འདས་པའི་ཁྱད་ཆོས་དུ་མ་ཐོན་ཐུབ་སྙམ།...

རི་བྲག་ནགས་གསུམ་གྱི་འགག་ཕྲེང་མང་པོ་ཐོལ་གྱིས་བརྒལ་འོངས་པའི་གཙང་བོ་ཞིགགྲོང་ཁྱེར་གྱི་བས་མཐའ་རུ་འབབ་པའི་ཚེ་ན་སྟོབས་ཤུགས་ཀྱི་རླབས་སྒྲ་ཙམ་ཡང་མེད་ན་ག་ལ་འགྲིག་ཨང་།ང་རང་གཙང་འགྲམ་གྱི་རྡོ་ཐེམ་ཞིག་ཏུ་ཙོག་སྟེ་ཕྱོགས་ཕྱོགས་སུ་མིག་ཉུལ་ཐེངས་ཤིག་བྱེད་དུས།གཙང་བོའི་ཕར་ཚུར་གྱི་མིས་བཟོས་རྡོ་གཟུགས་དེ་དག་མིག་ལམ་དུ་མངོན་བྱུང་།ཨར་འདམ་གྱིས་འཇིམ་བཟོ་བྱས་པའི་རྡོ་བྲག་གི་གཟུགས་ཅན་ཞིག་རལ་དེ་ག་མཐོང་བའི་མོད་ལ།ངས་སྲ་ཞིང་མཁྲེགས་པའི་རང་བྱུང་གི་རྡོ་བ་དག་ཡིད་ལ་ཤར་ཞིང་།གཙང་བོར་ཆལ་ཆིལ་གྱི་རླབས་སྒྲ་མེད་པ་ནི་གཙང་བོ་རྫ་བྲག་གི་གཡང་གཟར་དང་ཕ་བོང་གི་གྲམ་འཛིང་ལ་མ་ཕྲད་པས་ཡིན་ལ།དེ་ནི་དཀའ་སྡུག་གི་ལས་མ་བྱས་ཚེ་བདེ་སྡུག་གི་སྐད་སྒྲ་མེད་པ་དང་ཀུན་ནས་མཚུངས།...

བརྟན་གཡོའི་ཆོས་ཀུན་ཚིམས་པར་མཛད་པ་སྣ་བརྒྱའི་མེ་ཏོག་སྙིང་དུ་སྡུག།སྡུག་གུར་བཞད་པའི་ལོ་འདབ་ཁུད་ན་ཚེ་སྲོག་འབུམ་ཕྲག་འདོད་པས་མྱོས།།མྱོས་རྣམས་ཅ་ཅོས་ཤང་ཤང་འབབ་ཆུ་སྐྱེངས་པའི་ཟོལ་གྱིས་སའི་འོག་ཡིབ།།ཡིབ་ཞུའི་ཆས་གོས་གསེར་གྱིས་ཤན་ཀྱང་གང་གི་དཔལ་ལ་མི་ཆགས་སུ།།...

ཁ་བའི་རྡུལ་བརྩེགས་སྤོ་མཐོར་བརྩེགས་པའི་རིར།།སྡེར་ཆགས་གདོང་ལྔས་སྲིད་པ་ལྡིར་བའི་སྒྲར།།ནགས་ཀྱི་འབའ་ལེས་ཀི་ཅོ་འབྱིན་པའི་དབྱངས།།འཇིག་རྟེན་བཞད་གད་འཆོར་བའི་རྒྱུ་མིན་ནམ།།ནམ་མཁའི་ཀ་བའི་ཟོལ་དུ་བརྫུས་པའི་རྫར།།ཞོལ་ཆེན་ཧུར་སྒྲའི་ལྕེ་དམར་བརྡབ་པའི་དབྱངས།།ཅེ་སྤྱང་བྱ་རྨྱང་བྱེད་པའི་ལྟེང་ཀ་ལ།།རྨིག་བཞིས་གོར་མ་རྫུ་བཞིན་མི་འགྲོ་འམ།།བྱིན་ཆགས་རྫ་གཡམ་འཐབ་པའི་ཀོ་རོན་ན།།ཐང་དཀར་གཤོག་རྩལ་སྟོབས་ཀྱིས་དྲེགས་པའི་ཚེ།།བྲག་རྩར་ཐི་བ་འཁུན་པའི་བཟོ་ལྟ་ལ།།རྗེས་ཆགས་ཕྱི་མིག་ལྟ་བཞིན་མི་འགྲོ་རི།།...

ཞི་བའི་ལེགས་མཛེས་ཡིད་འོང་དབྱངས་ཅན་མ།།སྙན་ཚིག་ཟག་མེད་དབྱངས་ཀྱི་མགུར་ཆེན་འདི།།རིག་བྱེད་ངག་གི་མཆོད་པའི་དབྱིངས་སུ་འདྲེན།།ལེགས་མཛེས་ཚིག་གི་སྙན་ངག་ཤིས་པར་སྩོལ།།ཚོགས་དྲུག་སྣང་བའི་མགུར་མ་ངག་གིས་གྱེར།།ཞི་བའི་ངག་གི་གདངས་གླུར་མཛེས་དཔལ་རྒྱས།།ཉམས་སྣང་ཀུན་རྟོག་སྒྱུ་མའི་ཆོ་འཕྲུལ་མཛེས།།སེམས་ཉིད་ངལ་དུབ་སངས་བའི་རྒྱུ་ཉིད་གྱུར།།...

བོད་ཡིག་ནི་རང་མི་རིགས་ཀྱི་སྲོག་རྩར་གྱུར་པའི་རྣམ་ཤེས་ཀྱི་རྒྱུན་ཐག་དེ་ཡིན་ལ།བོད་སྐད་ནི་རང་མི་རིགས་ཀྱི་ཟུངས་ཁྲག་ཏུ་ཐིམ་པའི་ཚེ་སྲོག་གི་དབུགས་རྒྱུན་དེ་ཡིན་པས།ང་ཚོས་བོད་སྐད་དང་བོད་ཡིག་ལེགས་པོ་ཞིག་སྦྱོང་རྒྱུ་ནི་ལོ་རྒྱུས་ཀྱི་འོས་འགན་ཡིན།ང་ཚོས་རང་ཡུལ་དང་རང་ཁྱིམ་གྱི་སྲོལ་བཟང་དེ་སྐྱོང་རྒྱུ་ནི་དུས་རབས་ཀྱི་འགན་འཁྲི་ལགས་པས།བུ་མོ་ཡ།ཁྱོད་ཡིན་གཅིག་མིན་གཉིས་རང་ཡུལ་ནས་འདུག་དགོས།ཁྱོད་ཀྱིས་ངེས་པ་དོན་གྱིས་བོད་ཡིག་འདི་སྦྱོང་དགོས།རྒྱུ་མཚན་དེའི་དབང་གིས།ཁྱོད་ལྷ་ལྡན་གྲོང་ནས་བསྡད་ན་ལེགས།ཁྱོད་བཅུ་ཕྲག་གནས་ལ་ཞུགས་ན་བཟང་།...

༄༅།།མདོ་ཁམས་ཀྱི་དགོན་སྡེ་དང་ཡུལ་གྲུ་ཁག་ཅིག་ལ་བསྐྱོད་པའི་ཟིན་ཐོ།...

མཐར་དེ་རིང་འདིར་ཡོད་པའི་སློབ་གྲོགས་ཚང་མས་རང་རང་གི་འདོད་པ་ལྟར་གྱི་མཐོ་འབྲིང་གི་སློབ་གྲྭ་ལ་འགྲོ་ཐུབ་ཅིང་རང་རང་གིས་སྦྱང་འདོད་པའི་ཆེད་ལས་དེ་གདམ་ཐུབ་པར་སྨོན།...

ཁྱོད་ཁོ་ནར་གོམས་པར་གྱུར་པས།ཁྱོད་ཁོ་ན་ངའི་ཚེ་གང་པོའི་ན་ཟུག་ཏུ་གྲུབ།གདུང་སེམས་སྐྱེ་བ་ལྟར་ཁ་རོག་གེར་འཁྱིལ་སྟངས་དེས།ང་རང་སེམས་ཚེགས་གཏད་པ་གྲངས་མེད།ཕར་ཅམ་ཚུར་ཅམ་བརྩེ་ཆེན་གྱི་རྦ་རླབས་རེ་རེ།ད་དུང་བདག་གི་སེམས་སུ་གཡོ་ཞིང་འཁྱོམས།...

༄༅།།ངོ་འབག་གི་སྒྲུང་།...