ངོས་དང་པོ > དམངས་སྲོལ། > སྲོལ་རྒྱུན་དུས་སྟོན། > ༄༅།།2020ལོའི་ཐེམ་ཆེན་རྫོང་གི་དྲུག་པའི་ཀླུ་རོལ་རིག་གནས་ཡུལ་སྐོར་སྒྱུ་རྩལ་དུས་ཆེན་གཟབ་རྒྱས་ངང་བསྡུས།

༄༅།།2020ལོའི་ཐེམ་ཆེན་རྫོང་གི་དྲུག་པའི་ཀླུ་རོལ་རིག་གནས་ཡུལ་སྐོར་སྒྱུ་རྩལ་དུས་ཆེན་གཟབ་རྒྱས་ངང་བསྡུས།

རྩོམ་པ་པོ།：དོན་འགྲུབ་ཚེ་རིང་། ཡོང་ཁུངས།：ཀྲུང་གོ་བོད་ཀྱི་དྲ་བ། དུས་ཚོད།：2020-08-10 09:22:49 ཀློག་གྲངས།：

མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཐེམ་ཆེན་རྫོང་ཨུ་དང་ཐེམ་ཆེན་རྫོང་མི་དམངས་སྲིད་གཞུང་གིས་གཙོ་སྒྲུབ་བྱས་པའི2020ལོའི་ཐེམ་ཆེན་རྫོང་གི་དྲུག་པའི་ཀླུ་རོལ་ཡུལ་སྐོར་རིག་གནས་སྒྱུ་རྩལ་དུས་ཆེན་དེ། སྟོན་ཟླ་བརྒྱད་པའི་དུས་བཟང་དང་བསྟུན་ནས་རྟ་མཆོག་གི་ཕ་སའམ་ལྷ་མཚོའི་འབྱུང་ཡུལ་དུ་གྲགས་པའི་ཐེམ་ཆེན་རྩྭ་ཐང་དུ་གཟབ་རྒྱས་ངང་བསྡུས།

དྲུག་པའི་ཀླུ་རོལ་གྱི་ཡུལ་སྐོར་རིག་གནས་སྒྱུ་རྩལ་དུས་ཆེན་ནི་ཐེམ་ཆེན་རྫོང་གིས་ལོ་རེར་བཞིན་བསྡུ་བཞིན་པའི་རིག་གནས་སྒྱུ་རྩལ་གལ་ཆེན་ཞིག་ཡིན་ལ། བྱ་འགུལ་འདི་བརྒྱུད་དེ་རྒྱ་ཆེའི་མང་ཚོགས་དག་འབྱོར་འབྲིང་སྤྱི་ཚོགས་ལ་བསྐྱོད་པར་སྐུལ་འདེད་དང་། མི་རིགས་མཐུན་སྒྲིལ་ཡར་ཐོན་ལ་སྐུལ་སྤེལ་བཏང་ནས། རྒྱ་ཆེའི་མང་ཚོགས་ཀྱི་རིག་གནས་ལས་དོན་འཕེལ་རྒྱས་སུ་གཏོང་བར་ནུས་པ་གང་ལེགས་ཐོན་ཡོད།

སྤྱི་ཟླ8པའི་ཚེས6ཉིན་གྱི་སྔ་དྲོའི་ཆུ་ཚོད་དགུའི་སྟེང་། རིག་གནས་སྒྱུ་རྩལ་དུས་ཆེན་གྱི་འགོ་བརྩམས་པ་དང་ཐོག་མར་འབྲེལ་ཡོད་འགོ་ཁྲིད་ཀྱིས་གཏམ་བཤད་གལ་ཆེན་གནང་ཞིང་རིག་གནས་སྒྱུ་རྩལ་དུས་ཆེན་གྱི་འགོ་རྩོམ་མཛད་སྒོ་ཁྱབ་སྒྲོག་བྱས།

དེ་ནས་ས་གནས་ཀྱི་གླུ་བ་གླུ་མ་དག་གཙོ་བྱས་ཏེ། གདན་ཞུའི་གླུ་བ་ཤེར་བསྟན་དང་། འཕྱོངས་ཞོལ་སྒྲོལ་མ། ལྷ་ལུང་མཚོ། རྡོ་རྗེ་བཀྲ་ཤིས་གཙོས་གླུ་བ་གླུ་མ་དག་གིས་སྔ་གཞུག་ཏུ《དམངས་གླུ》 དང《ཞབས་བྲོ 》《རྡུང་ལེན》《 གླུ་དབྱངས》《ཤོམ་འགྲོ 》སོགས་ནང་དོན་ཕུན་སུམ་ཚོགས་པའི་རིག་རྩལ་འཁྲབ་སྟོན་བྱས་པ་ལ་རྒྱ་ཆེའི་མང་ཚོགས་ཀྱིས་དགའ་བསུ་ཚད་མེད་ཐོབ།
བྱ་འགུལ་འདི་སྤེལ་བ་བརྒྱུད་ནས་ས་གནས་ཀྱི་མི་རིགས་རིག་གནས་དང་སྲོལ་རྒྱུན་རིག་གནས་དར་སྤེལ། མི་རིགས་ཕན་ཚུན་བར་གྱི་མཐུན་སྒྲིལ་བཅས་ལ་སྔར་ལས་ལྷག་པའི་གསོན་ཤུགས་གསར་བ་ཞིག་བསྣན་པར་མ་ཟད། ཚང་མ་འབྱོར་འབྲིང་སྤྱི་ཚོགས་སུ་བསྐྱོད་པར་སྐུལ་འདེད་ཀྱི་ནུས་པ་གང་ལེགས་ཐོན་ཡོད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com