༄༅།།བོད་ལུགས་ལོ་སར་གྱི་རྟ་རྩལ་འཁྲབ་སྟོན་དྲ་ལམ་དུ་འགྲེམ་གཏོང་བྱས།

ཚེས26ཉིན་བོད་རབ་རྒྱན་ལྕགས་བྱི་ལོའི་ལོ་སར་ཚེས་གསུམ་ཡིན་ལ། སྲོལ་རྒྱུན་ལྟར་ན། ཉིན་འདིར་བོད་ལྗོངས་ཀྱི་ས་ཁུལ་སོ་སོས་གཟབ་རྒྱས་ཀྱི་རྟ་རྩལ་འཁྲབ་སྟོན་སྤེལ་བ་ཡིན། པྲོག་གསར་རིམས་ནད་སྔོན་འགོག་གི་དགོས་མཁོའི་དབང་གིས། ད་ལོར་བོད་རང་སྐྱོང་ལྗོངས་ལུས་རྩལ་ཅུའུ་ཡིས་རང་སྐྱོང་ལྗོངས་རྟ་རྩལ་རུ་ཁག་རྩ་འཛུགས་བྱས་ཏེ་རྟ་རྩལ་འཁྲབ་སྟོན་དེ་དྲ་ལམ་དུ་སྤེལ་ལ། བརྙན་གཟུགས་ཕབ་སྟེ་སྤྱི་སྟེགས་སུ་འགྲེམ་གཏོང་སྒོས། དམིགས་བསལ་གྱི་རྣམ་པས་མི་རིགས་ཀྱི་ལུས་རྩལ་སྲོལ་རྒྱུན་འདི་རྒྱུན་མཐུད་བྱས། འཁྲབ་སྟོན་འདིར་བསྡོམས་པས་རྟ་ཐོག་ཞབས་བྲོ་དང་རྟ་ཐོག་མདའ་འཕེན་སོགས་རྣམ་གྲངས27འདུས་ཤིང་། རྟ་ཐོག་གི་ནུས་རྩལ་ཕུན་སུམ་ཚོགས་པ་ངོམ།