ཐོག་མར་བྲིས་མ་དང་དཔར་མའི་དབྱེ་བ་དེ་ནི་སྒོར་ཐིག་ལས་འཆད་ན་དོན་གོ་ཆེ་བ་ཞིག་ལགས།གནའ་དཔེའི་ལྡེབ་གྲངས་ཀྱི་ཉིན་སྲིབ་ཏུ་སྒོར་ཐིག་བྲིས་ཡོད་པ་དེ་དག་ནི་སྤྱིར་བཏང་བྲིས་མ་དང་སྒོར་ཐིག་མེད་པ་དེ་ནི་སྤྱིར་བཏང་བརྒྱ་ཆ་བདུན་ཅུ་ཡན་དཔར་མ་ཡིན་པ་ཐག་བཅད་ཆོགགང་ཡིན་ཟེར་ན།ཉེ་དུས་སྙེ་མོར་གནའ་དཔེ་བརྟག་དཔྱད་ལ་འགྲོ་སྐབས་སྤྱི་ལོ༡༤༠༧ལོར་སི་ཏུ་ཆོས་ཀྱི་རིན་ཆེན་གྱི་དགོངས་རྫོགས་ལ་དམིགས་ཏེ་སྲས་ལྷ་བཙན་སྐྱབས་ཀྱིས་ལ་སྟོད་ཤེལ་དཀར་རྫོང་དུ་དཔར་བཏབ་པའི་མངོན་རྟོགས་རྒྱན་གྱི་འགྲེལ་ཆེན་དྲི་མེད་འོད་དཔར་མ་ཞིག་མཇལ་བྱུང་བ་དེའི་སྟེང་དུ་སྔོན་གྱི་བྲིས་མ་ཇི་བཞིན་སྒོར་ཐིག་གསལ་བའི་རྐྱེན་གྱིས་གོང་ལྟར་འཆད་པ་ལགས།...

“བརྡ་ནི་གོ་བར་བྱེད་པ་སྟེ།ངག་གི་རྗོད་བྱེད་དང་ལུས་ཀྱི་རྣམ་འགྱུར་གྱིས་གོ་བྱེད་ཡིན”ལུས་ཀྱི་རྣམ་འགྱུར་གྱིས་གོ་བར་བྱེད་པ་ནི།ལག་བརྡ་དང་མིག་བརྡ།མགོ་བོ་གུག་པ་དང་གཡུགས་པས་འཐད་མི་འཐད་དང་དགའ་མི་དགའ་སྟོན་པ།མཐེ་བོང་བསྟན་པ་སོགས་ཀྱིས་དོན་ཅུང་ཙམ་གོ་སླ་བ་ཞིག་སྟོན་བཞིན་ཡོད།ངག་གི་རྗོད་བྱེད་ཀྱིས་གོ་བར་བྱེད་པ་ནི།ཁ་བརྡ་ལ་སྟོན་པ་སྟེ།དེ་ཡང་སྐད་ཀྱི་མཐོ་དམའ་དང་།རིང་ཐུང་།དྲག་ཞན།ཐེངས་གྲངས་སོགས་མི་འདྲ་བ་ལ་བརྟེན་ནས་དོན་མི་འདྲ་བ་སྟོན་བཞིན་ཡོད་མོད།“གཞན་ཡང་ཆོས་ཅན་སྟོན་པའི་མིང་ལའང་བརྡ་ཟེར་ཏེ།བརྡ་གསར་རྙིང་ཞེས་པ་ལྟ་བུ”ཞེས་པ་ནང་བཞིན།སྐབས་འདིར་བརྗོད་པའི་བརྡ་ཞེས་པ་ནི་མིང་ལ་བརྗོད་པ་དང་།བརྡ་དོན་ཞེས་པ་ཡང་མིང་གི་བསྟན་དོན་ནམ་མིང་གི་དོན་སྙིང་ལ་སྟོན་པ་ཡིན།...

གོང་གི་འདུན་པ། སྙིང་སྟོབས། བརྩོན་འགྲུས། ཤེས་རབ། ལག་ལེན་དང་བཅས་པའི་དོན་ཚན་ལྔ་བོ་དེ་རྣམས་གང་ཐུབ་ཅི་ནུས་ཀྱིས་ཉམས་སུ་བླངས་ན། དེ་ལ་བརྟེན་ནས་མི་སོ་སོའི་གོམས་གཤིས་ལ་འགྱུར་བ་འབྱུང་སྲིད་ཅིང་།དེ་ལ་བརྟེན་ནས་སོ་སོའི་རང་གཤིས་ལ་འགྱུར་བ་ཐེབས་སྲིད། རང་གཤིས་ལ་འགྱུར་བ་བྱུང་བ་དེས་ནི་ལས་དབང་ལ་ཁ་ལོ་བསྒྱུར་ཐུབ་སྲིད་པས། རང་གི་ལས་དབང་བསྒྱུར་བར་འདོད་ན་ཅིས་ཀྱང་འདུན་པ་སོགས་ལྔ་ལ་བློ་གོམས་པར་བྱའོ།།གོམས་ན་སླ་བར་མི་འགྱུར་བའི།།དངོས་དེ་གང་ཡང་ཡོད་མ་ཡིན།།ཞེས་སློབ་དཔོན་ཞི་བ་ལྷས་གསུངས་སོ།།...

«གཙང་འགྲམ་གྱི་ནོར་འཁྲུལ»ནི་ཀློག་མགོ་ཚུགས་མ་ཐག་གཏམ་རྒྱུད་ཀྱི་ཀློང་དུ་ཁྲིད་འགྲོ་བའི་བརྩམས་ཆོས་ཀྱི་རིགས་སུ་གཏོགས་ཤིང་།གློག་བརྙན་བརྙན་མིག་གི་ཚོར་བའང་སྟེར་བ་ཞིག་ཡིན་པས།ཚན་པ་རེ་རེ་བཀླགས་པ་ཙམ་གྱིས་དེ་འབྲེལ་གྱི་བརྙན་རིས་མིག་ལམ་དུ་འཆར་རྒྱུ་ཡོད་པ་ཞིག་རེད་མོད།གློག་བརྙན་པར་གཞིར་ལྟ་དུས་སུ་མགོ་རྨོངས་ནས་སྔ་གཞུག་སྦྲེལ་མི་ཐུབ་པ་ལྟ་བུར་འདུག་པ་དེ་ནི་གློག་བརྙན་བཤེར་འབེབས་ཀྱི་དུས་སུ་བཅད་གཏུབ་མང་དུ་བྱས་པས་ཨེ་ཡིན་བསམ་པ་བྱུང་།...

གྲལ་མགོར་བཞག་ན་འཇོན་ཐང་མེད།།གྲལ་གཞུག་བཞག་ན་ནུས་པ་མེད།།གཏམ་འགྲེལ།མི་ཞིག་ལས་རིགས་མཐོ་དམན་གང་དུ་བཞག་ཀྱང་ཕན་མི་ཐོགས་པའི་དོན།རྒན་པས་གང་བྱེད་གཞོན་པས་བྱེད།།གླ་བའི་ཕྲུ་གུ་བྲག་ལ་འཛེག།གཏམ་འགྲེལ།རྒན་པའི་བྱེད་སྟངས་ལ་གཞོན་པས་མིག་དཔེ་ལྟ་བའི་དོན།...

མིའི་རིགས་ལ་ཤུལ་དུ་བཞག་པའི་ཆེས་རྩ་ཆེ་བའི་དངོས་པོ་ནི་དཔེ་ཆ་ཡིན་ལ།མི་རབས་ནས་མི་རབས་ལ་ཕུལ་བའི་ལེགས་སྐྱེས་ཀྱི་མཆོག་ཀྱང་དཔེ་ཆ་ཡིན་པས།ཕུགས་བསམ་གྱི་འདོད་འདུན་རུམ་ནས་རེ་སྙེག་གི་གོམ་མཚམས་མི་འཇོག་པའི་དམ་བཅའ་བརྟན་པོ་དང་།རང་གི་རེ་འབྲས་ཡོད་ཚད་དོན་སྨིན་ཡོང་བའི་ཆེད་དུ་བརྩོན་འགྲུས་ཀྱི་རྟ་ཕོར་ལྕག་གིས་སྐུལ་བཞིན་ཤེས་རིག་གི་ཐང་ཆེན་འགྲིམ་ནས་ལྔ་རིག་གི་མེ་ཏོག་འཐུ་བ་ནི་འཇིག་རྟེན་འདིའི་ཆེས་བདེ་སྐྱིད་ཀྱི་འཚོ་བ་ཡིན་པ་སེམས་ལ་ཉར་དགོས།...

་བའི་ལོ་འདི་འགའི་རིང་དུ་རང་རྒྱལ་གྱིས་སློབ་གསོའི་ལས་དོན་ཐད་ལ་བཅོས་སྒྱུར་གྱི་སྲིད་ཇུས་རབ་དང་རིམ་པ་ཞིག་སྤེལ་བཞིན་ཡོད་ལ།དེར་མཐུན་བོད་སྐད་ཡིག་ལ་མཚོན་ནའང་མཛུབ་སྟོན་བསམ་བློ་དང་དམིགས་ཚད།བསླབ་ཚན་གྱི་ཚད་གཞི་དང་ནང་དོན་སོགས་ཕྱོགས་མང་པོ་ནས་འགྱུར་བ་བྱུང་དང་འབྱུང་བཞིན་ཡོད།སློབ་གསོའི་ལས་རྐང་དང་པོ་ན་ཡོད་པའི་བོད་ཡིག་དགེ་རྒན་རྣམས་ལ་མཚོན་ན།འགྱུར་བ་དེ་དག་ལ་ངེས་ཤེས་གསལ་བོ་ཡོད་པའི་སྒོ་ནས་དུས་བསྟུན་མཉམ་བསྐྱོད་བྱ་རྒྱུ་ནི་ཁ་ཚ་དགོས་གཏུགས་ཀྱི་དོན་ཞིག་ཏུ་གྱུར་ཡོད།...

སྤྱིར་ཁྱིམ་ཚང་གི་སློབ་གསོ་ནི་སློབ་གསོའི་རྨང་རྡོ་ཡིན་ལ།དགེ་རྒན་གྱི་སློབ་གསོ་ནི་སློབ་གསོའི་ཡང་དག་ཡིན་ཟེར།དེ་བས་དགེ་རྒན་གྱིས་སློབ་མ་ཚོའི་ཁྱིམ་ཚང་གི་གནས་ཚུལ་དུས་ཐོག་ཏུ་ཤེས་རྟོགས་བྱ་རྒྱུ་ནི་གལ་འགངས་ཤིན་ཏུ་ཆེ་བ་ཞིག་རེད།ངས་ནམ་རྒྱུན་དུས་ངེས་མེད་དུ་སློབ་མའི་ཁྱིམ་ཚང་ལ་འཚམས་འདྲིར་འགྲོ་བའི་རྣམ་པ་སྤྱད་ནས་སློབ་མར་རྒྱུས་ལོན་བྱེད་ཀྱིན་ཡོད།མདོར་ན་ཁྱིམ་བདག་དང་དགེ་རྒན་ཟུང་འབྲེལ་བྱས་ནས་སློབ་མའི་ཤེས་བྱའི་ཆུ་ཚད་མཐོར་འདེགས་བཏང་སྟེ་མ་འོངས་སྤྱི་ཚོགས་སུ་འོད་སྣང་ཕྲན་བུ་རེ་སྦྱིན་ཐུབ་པར་བྱེད་རྒྱུ་ནི་དགེ་རྒན་དང་ཁྱིམ་བདག་ཕྱོགས་གཉིས་ལ་འགན་འཁུར་ཡོད་པས་དེར་བརྩོན་ལེན་བྱ་རྒྱུ་གནད་གཙོ་བོར་འཛིན་དགོས་ཀྱི་འདུག...

སློབ་མའི་བློ་ཁ་དང་འཚམ་པའི་དཔེ་ཆ་འདོན་སྤྲོད་བྱས་ཏེ་ལྟ་ཀློག་གི་སྤྲོ་བ་ཇེ་ཆེར་གཏོང་རྒྱུ་ནི་སློབ་མ་རྣམས་དཔེ་ཀློག་གི་ལམ་ལ་འཇུག་པའི་གོམས་གཤིས་བཟང་པོའི་ཉེར་ལེན་གྱི་རྒྱུ་ཡིན་ལ།དེ་བས་ཀྱང་བསླབ་ཕྱིའི་ལྟ་ཀློག་གི་བྱ་བ་སྐད་ཡིག་གི་སློབ་ཁྲིད་ཁྲོད་དྲངས་ཏེ་སློབ་མའི་ལྟ་ཀློག་གི་ནང་དོན་ཕུན་སུམ་ཇེ་ཚོགས་སུ་བཏང་ནས།སློབ་བུ་ཚོའི་ལྟ་རྒྱ་ཇེ་ཡངས་སུ་གཏོང་རྒྱུ་ནི་སྐད་ཡིག་གི་རྨང་གཞི་སྲ་བརྟན་དུ་གཏོང་བའི་མཐུན་རྐྱེན་དུའང་འགྱུར་སྲིད།...

དབྱེ་ཞིབ་དང་འབྲེལ་བའི་དཔེ་ཀློག་གི་ཐབས་བརྟེན་པའི་སྐབས་སུ་ཀློག་པ་པོས་དཔེ་དེབ་གཅིག་མགོ་ནས་མཇུག་བར་ཆ་ཚང་བར་བཀླག་དགོས་ཤིང་།དེ་ཡང་ཚད་མེད་པའི་དུས་ཚོད་ཀྱི་ནང་དུ་དཔེ་དེབ་གཅིག་མགོ་མཇུག་བར་གསུམ་ཆད་ལྷག་མེད་པར་བཀླག་དགོས་པ་ཡིན།འདིར་གཙོ་བོར་དབྱེ་ཞིབ་དང་འབྲེལ་བའི་དཔེ་ཀློག་ནི་དུས་རྟག་ཏུ་ཆེད་དམིགས་རང་བཞིན་དང་ཆེད་སྦྱོང་དང་འབྲེལ་བའི་དཔེ་དེབ་ཀློག་པར་གོ་དགོས།དེ་ལས་གཞན་འདིར་མཁྱེན་དགོས་པ་ཞིག་ནི་གལ་ཏེ་ཁྱེད་ཀྱིས་དཔེ་དེབ་གང་ཞིག་ཀློག་པ་ནི་དཔྱད་གཞི་འཚོལ་བ་དང་སྐྱོ་སངས་ཙམ་གྱི་ཆེད་དུ་ཡིན་ན།དབྱེ་ཞིབ་དང་འབྲེལ་བའི་དཔེ་ཀློག་གི་ཐབས་བརྟེན་དགོས་པ་མ་ཡིན་ཞིང་།དེ་ལས་བརྗོད་བྱ་གཙོ་བོ་དང་འབྲེལ་བའི་དཔེ་ཀློག་གམ་གཤིབ་བསྡུར་གྱི་དཔེ་ཀློག་གི་ཐབས་བརྟེན་དགོས་པའི་རྒྱུ་མཚན་མེད་དོ།།...