རང་སྡོམ་ནད་ནི་ལྟེ་བའི་དབང་རྩའི་མ་ལག་ལ་གནོད་སྐྱོན་ཐེབས་ནས་བསླངས་ཤིང་འཕེལ་རྒྱས་ལ་བཀག་འགོག་ཐེབས་པ་ཞིག་རེད།རྒྱུན་པར་བརྒྱལ་གཟེར་དང་འགུལ་རྒྱུ་མང་བ།ཕྱི་སྣུར།སེམས་ཁམས་འགོག་རྐྱེན་སོགས་ཀྱི་ནད་རྟགས་ཡོད།དུས་རྒྱུན་འཚོ་བའི་ཁྲོད་ཀྱི་དཀའ་ཁག་གཙོ་བོ་ནི་སྤྱི་ཚོགས་འབྲེལ་འདྲིས་དང་བརྗེ་རེས་ཉུང་བ།སྐད་ཆའི་གླེང་མོལ་ནུས་པ་རྒྱུན་ལྡན་མིན་པ།ཨུ་ཚུགས་ཀྱི་བྱ་སྤྱོད་དང་ཚོར་ཤེས་རྒྱུན་ལྡན་མིན་པ་སོགས་ཡིན།རང་སྡོམ་ནད་ཀྱི་འབྱུང་ཚད་ནི་ཕལ་ཆེར་ཁྲི་ཆའི་ལྔ་ཙམ་ཡིན་ལ།སྐྱེས་པར་བྱུང་ཚད་ནི་སྐྱེས་མའི་ལྡབ4ཡིན།སྤྱིར་བཏང་གི་རང་སྡོམ་ནད་ནི་ཚེ་གང་བོར་སངས་དྲག་འབྱུང་ཐབས་མེད།ནད་པ80%ལ་རིག་ནུས་དམའ་བའི་སྣང་ཚུལ་ཡོད་ལ།ཕྲུ་གུའི་དུས་སྐབས་ལ་ནད་རྟགས་མངོན་གསལ་ཡིན་ཞིང་།ན་གཞོན་སྐབ...

སྤྱིར་འཛམ་གླིང་གི་ཡུལ་གྲུ་གང་ལ་མཚོན་ནའང་སློབ་གསོ་དར་བ་ནས་མི་རིགས་འཕེལ་རྒྱས་ཀྱི་ཁ་ཕྱོགས་སུ་གོམ་སྟབས་བསྒྱུར་བ་ནི་གཅིག་མཐུན་དུ་སྣང་ཞིང་།རང་གི་རིག་གནས་རྒྱུན་འཛིན་དང་དར་སྤེལ་གཏོང་བ་ནི་སློབ་གསོ་ཡར་རྒྱས་སུ་འགྲོ་བའི་རྨང་རྡོ་ལྟ་བུར་གྱུར་ཡོད།རང་རེའི་བོད་འདིར་ལོ་ངོ་སྟོང་ཕྲག་དུ་མའི་ལོ་རྒྱུས་ཀྱི་འཕེལ་འགྱུར་དང་རིག་གནས་རྒྱུན་འཛིན།སློབ་གསོའི་ལས་དོན་ཁྲོད་པར་བརྐོའི་ལག་རྩལ་དང་པར་སྐྲུན་ལས་རིགས་ཀྱིས་གོ་གནས་གལ་ཆེན་ཞིག་ཟིན་ཡོད་པར་འདོད་པས།རྩོམ་ཡིག་འདིར་བོད་ཀྱི་ཡུལ་དུ་ཐོག་མར་པར་བརྐོའི་ལག་རྩལ་ཇི་ལྟར་དར་བ་དང་།པར་བརྐོའི་ལག་རྩལ་གྱིས་བོད་ཀྱི་སློབ་གསོའི་འཕེལ་རྒྱས་ལ་ཐོན་པའི་ནུས་པའི་སྐོར་རགས་ཙམ་གླེང་ཡོད།...

བཤེས་གཉེན་མ་བསྟེན་པ་ཡི་ཉེས་དམིགས་ཀྱི་སྐོར་ལ་ལེགས་བཤད་དུ་བླུན་པོའི་སྤྱོད་ཚུལ་དུ་བསྡུས་ཏེ་གསུངས་ཡོད་ལ།“གང་ཞིག་མཁས་པ་ཡོད་བཞིན་དུ།།དེ་ལ་ཡོན་ཏན་མི་སློབ་ན།།མི་དེ་གདོན་གྱིས་བཏབ་པའམ།།ཡང་ན་ལས་ཀྱིས་མནར་བ་ཡིན།།”ཞེས་པས་བོགས་འདོན་གྱི་ཚུལ་དུ་ལེགས་ཚོགས་ཐམས་ཅད་ཀྱི་འབྱུང་གནས་ལ་རྒྱབ་ཏུ་ཕྱོགས་ན་འབྲས་བུ་སྡུག་བསྔལ་ལས་བསྐྱེད་རྒྱུ་མེད་པ་སྟེ།དགེ་རྒན་གྱི་སྐྱོན་ལ་བརྟག་ནས་ཡོན་ཏན་ལ་མ་བསྟེན་ན་རང་ཉིད་ཀྱི་སྐྱོན་འཕེལ་བ་དང་ཡོན་ཏན་འགྲིབ་པ་སོགས་གེགས་དུ་མ་དང་བསྟེན་ཚུལ་བསྟན་ཡོད།།...

མིའི་རིགས་སྤྱིའི་སློབ་གསོའི་བརྒྱུད་རིམ་གྱི་ངོས་ཐད་ནས་གཞིགས་ཚེ།“མིའི་རིགས་ཀྱི་ཆེས་ཐོག་མའི་སློབ་གསོ་ནི་ཨ་མའི་སློབ་གསོ་ཡིན”ཞེས་པ་བཞིན།ཨ་མ་གཙོས་པའི་ཁྱིམ་ཚང་གི་སློབ་གསོ་ནི་ཆེས་གལ་འགངས་ཆེ་བའི་གནད་ཅིག་ཡིན་ཏེ།རྒྱུ་མཚན།མིའི་རིགས་འཚར་ལོངས་ཀྱི་བརྒྱུད་རིམ་ནི་སློབ་གསོ་མྱོང་བའི་བརྒྱུད་རིམ་ཞིག་ཏུ་འདོད་ཚེ།ཆུང་དུས་ནས་བཟུང་སློབ་གསོ་ཡག་པོ་ཞིག་བཏང་ན་ནར་སོན་རྗེས་གོམས་གཤིས་སུ་ཆགས་པར་འགྱུར་བས།ཆུང་དུས་ཀྱི་སློབ་གསོ་ནི་ཆེས་གནད་འགག་དང་མིའི་བག་ཆགས་ཟབ་ཤོས་ཀྱི་དུས་དེ་ཡིན།མདོར་ན།བོད་ཀྱི་ཕ་མ་ཚོས་རང་མི་རིགས་ཀྱི་ཕུལ་དུ་བྱུང་བའི་སྲོལ་རྒྱུན་སློབ་གསོའི་རྩ་བ་མ་དོར་བའི་ངང་ནས་བུ་ཕྲུག་རྣམས་གསོ་སྐྱོང་ཡག་པོ་བྱས་ཚེ།ཁྱེད་ཀྱི་བུ་ཕྲུག་ནི་གཞན་ལ་ཕན་བདེ་སྐྲུན་མཁན་གྱི་མི་ཞིག་ཏུ་འགྱུར་ཐུབ་ངེས་སོ།།...

དོན་གྱི་རྡོག་ཁ་གཅིག་ཏུ་བསྒྲིལ་ན།སྤྱི་ཚོགས་འཕེལ་རྒྱས་ཀྱི་གོམ་འགྲོས་དང་བསྟུན་ནས་དེང་རབས་ཀྱི་སློབ་མ་རྣམས་ལ་སློབ་སྦྱོང་གི་གནོན་ཤུགས་ཤིན་ཏུ་ཆེ།དེས་ན་སློབ་ཁྲིད་བསླབ་གཞིའི་ནང་བོད་མི་རིགས་ཀྱི་ངག་རིག་སྒྱུ་རྩལ་དམངས་ཁྲོད་གླུ་གཞས་གང་ལ་གང་འཚམས་བཀོད་སྒྲིག་བྱས་ན།སྐད་ཡིག་སློབ་ཁྲིད་བྱ་བར་རམ་འདེགས་ཤུགས་ཆེན་བྱ་ཐུབ་སྟེ།གཅིག་ནས་སེམས་ཁམས་སྟེང་ནས་གུ་ཡངས་དང་།གཉིས་ནས་ཤེས་བྱའི་སྟེང་ནས་སྐད་ཚོར་མཐོར་འདེགས་དང་དང་ཐ་སྙད་གསོག་འཇོགདེ་བཞིན་ལྟ་རྒྱ་ཐོས་རྒྱ་ཆེར་སྐྱེད་བཅས་ཀྱི་རིན་ཐང་ལྡན་པས།བསླབ་གཞིའི་ནང་དམངས་ཁྲོད་གླུ་གཞས་འགོད་རྒྱུ་གལ་འགངས་ཆེ་བར་སྣང་ངོ་།།...

དགེ་རྒན་གྱིས་ངེས་པར་སློབ་མའི་སེམས་ཀྱི་མདུད་པ་དགྲོལ་དགོས་ཤིང་།སེམས་ཁམས་བདེ་ཐང་སློབ་གསོ་ནམ་ཡང་གཙིགས་སུ་འཛིན་དགོས།གལ་ཏེ་ཕ་མ་དང་སློབ་མའི་འབྲེལ་བར་གནད་དོན་བྱུང་ཚེ་སློབ་མས་རང་གི་སེམས་འདུན་ལྷུག་པོར་བརྗོད་པར་སྐུལ་འདེད་དང་།རོགས་སྐྱོར་བྱེད་དགོས་པར་མ་ཟད་སྣེ་ཁྲིད་ཡག་པོ་བྱས་ཏེ་ཁྱིམ་བདག་དང་འབྲེལ་ཟམ་འཛུགས་དགོས།།...

བོད་ཀྱི་དམངས་ཁྲོད་བྱིས་གླུ་ནི་བོད་རིགས་བྱིས་པ་རྣམས་ཀྱི་འཚོ་བ་དང་ཆེས་ཐག་ཉེ་བའི་དམངས་ཁྲོད་ཀྱི་རིག་གནས་བྱེད་སྒོ་ཞིག་ཡིན་པས།དེས་བོད་ཀྱི་དམངས་ཁྲོད་རིག་གནས་ཀྱི་ཁྲོད་དུ་གོ་གནས་གལ་ཆེན་ཟིན་ཡོད་ལ།བྱིས་པ་རྣམས་འཚར་ལོངས་འབྱུང་བའི་སློབ་གསོའི་བརྒྱུད་རིམ་ཁྲོད་དུའང་ནུས་པ་བླ་ལྷག་འདོན་གྱིན་ཡོད།དེར་རོལ་རྩེད་ཀྱི་རང་བཞིན་མངོན་པར་གསལ་ཞིང་ཚིག་སྦྱོར་སྤེལ་ཚུལ་བབ་ཆགས་པ།བརྗོད་བྱའི་དོན་ཁ་གསལ་ཞིང་གོ་སླ་བའི་ཁྱད་ཆོས་ལྡན་པས་བྱིས་པའི་སེམས་ཁམས་ཀྱི་ཁྱད་ཆོས་དང་རིག་པའི་ཆུ་ཚད།བསམ་པའི་མོས་འདུན་དང་མཐུན་ལ།རྩེ་དགའི་སྤྲོ་བའི་ཀློང་ནས་བྱིས་པ་དག་གི་སྐད་ཆ་སྦྱོང་བ་དང་།བློ་སྒོ་འབྱེད་པ།ཀུན་སྤྱོད་གསོ་སྦྱོང་བྱེད་པ་སོགས་ལ་ནུས་པ་གལ་ཆེན་འདོན་ཐུབ་གྱིན་ཡོད།...

ཕ་མ་གང་ཞིག་གི་འཇིག་རྟེན་ལྟ་ཚུལ་དང་མི་གཤིས།ཀུན་སྤྱོད།བརྩེ་སེམས་སོགས་ཀྱིས་ཐད་ཀར་བྱིས་པའི་སེམས་ཁམས་ལ་ཤན་ཤུགས་ཐེབས་བཞིན་ཡོད་པས།ཕ་མས་རང་གི་སྣང་བརྙན་ལ་ཡིད་འཇོག་མི་བྱེད་པར་རྒྱུན་དུ་ཆང་དང་ཐ་མག་འཐེན་པ།བྱིས་པའི་མདུན་ནས་སྐད་ཆ་བཙོག་པོ་བཤད་པ།མངོན་སུམ་འཛེམ་མེད་ཀྱིས་བྱ་ངན་བསྒྲུབས་ཏེ།བྱིས་པའི་རྒྱུད་ལ་ཤན་ཤུགས་ངན་པ་མི་འཇོག་པར།ཀུན་སྤྱོད་བཟང་པོ་དང་བྱ་སྤྱོད་ལེགས་པོས་བྱིས་པར་མིག་དཔེ་སྟོན་པ་ནི་ཐབས་ཀྱི་མཆོག་ཡིན།...

ཀུན་སྤྱོད་བཟང་ངན་ནི་གོམས་གཤིས་ལ་རག་ལས་ཡོད།“བདག་པོ་བཟང་པོའི་སྒོ་ཟོག”ཅེས་པའི་དཔེ་ལྟར།སློབ་མའི་ཀུན་སྤྱོད་བཟང་ངན་ནི་ཕ་མ་དང་དགེ་རྒན་གྱི་གོམས་གཤིས་ལ་བརྟེན་ནས་བྱུང་བ་ཞིག་ཡིན་པས།ནམ་རྒྱུན་ཕ་མ་དང་དགེ་རྒན་གྱིས་རྒན་བཀུར་གཞོན་གཅེས་དང་།གཞན་ཕན་ལྷག་བསམ།མཛའ་མཐུན་མཉམ་གནས།ཡ་རབས་གཞུང་དྲང་སོགས་བྱེད་དགོས་པའི་རེ་བ་ནན་མོ་བྱེད་ཀྱི་ཡོད་པས།དེ་ནི་ཕ་མ་དང་དགེ་རྒན་གྱི་ཁ་ནས་སློབ་མ་ལ་རེ་བ་འདོན་རྒྱུ་དང་སློབ་གསོ་གཏོང་རྒྱུ་ཞིག་མ་ཡིན་པར།དུས་དང་རྣམ་པ་ཀུན་ཏུ་རང་ཉིད་ཀྱིས་འགྲོ་འདུག་སྤྱོད་གསུམ་གྱི་བྱ་སྤྱོད་ནས་རང་དཔེ་གཞན་སྟོན་གྱིས་དོན་དངོས་ལ་གཞིགས་ནས་མིག་དཔེ་བཟང་པོ་སྟོན་པ་དང་བག་ཆགས་བཟང་པོ་འཇོག་དགོས།ཕ་མ་དང་དགེ་རྒན་གྱིས་ལག་ལེན་དངོས་ལ་གཞིགས་ནས་སློབ་གསོ་མྱོང་དུ་འཇུག་དགོས།ཕ་མ་དང་དགེ་རྒན་གྱིས་ནམ་རྒྱུན་འཚོ་བའི་ནང་བྱ་སྤྱོད་ཡོད་དོ་ཅོག་ལ་སྣང་མེད་མ་བཏང་བར་གཙིགས་ཆེན་དུ་བཟུང་ནས་ཀུན་སྤྱོད་སློབ་གསོའི་མིག་དཔེ་བཟང་པོ་ཞིག་འཇོག་ཐུབ་པར་བྱེད་དགོས།...

སློབ་སྔོན་སློབ་གསོ་ནི་མི་ཞིག་གི་ཐོག་མའི་སློབ་གསོ་ཡིན་ལ།ང་ཚོའི་མི་རེ་རེར་མ་འོངས་པར་མི་ཚེའི་ལྟ་བ་དང་རིན་ཐང་ལྟ་བ།སྤྱི་ཚོགས་ཀུན་སྤྱོད་ཀྱི་ལྟ་བ་གང་འདྲ་ཞིག་རྒྱུད་ལ་འཇོག་ཐུབ་མིན་གྱི་གནད་འགངས་ཆེན་ཞིག་ཡིན།སློབ་སྔོན་སློབ་གསོ་ནི་བྱིས་སྙོར་ཁང་གི་དགེ་རྒན་དང་ཁྱིམ་བདག་དང་སྤྱི་ཚོགས་བཅས་ཀྱི་སློབ་གསོ་དང་དམ་དུ་འབྲེལ་ཞིང་།དེ་ལས་གཅིག་ཚད་ལྡན་མིན་ན་བྱིས་པ་བདེ་ཐང་ངང་འཚར་ལོངས་འབྱུང་བར་གནོད་པར་མ་ཟད་ལམ་ལོག་ཏུ་འཁྲིད་ཀྱང་སྲིད།...