ངོས་དང་པོ > སྐབས་དོན། > སྣ་ཚོགས། > འབྲུག་ཆུའི་དམངས་ཁྲོད་ཡིག་རྙིང་བྲིས་མའི་སྐོར་གྱི་རིག་གཞུང་ཚོགས་འདུ་ཀན་སུའུ་ཞིང་ཆེན་ཁྲིམས་དཔོན་སློབ་གླིང་དུ་འཚོགས།

འབྲུག་ཆུའི་དམངས་ཁྲོད་ཡིག་རྙིང་བྲིས་མའི་སྐོར་གྱི་རིག་གཞུང་ཚོགས་འདུ་ཀན་སུའུ་ཞིང་ཆེན་ཁྲིམས་དཔོན་སློབ་གླིང་དུ་འཚོགས།

རྩོམ་པ་པོ།： གཡུང་དྲུང་སྐྱབས། འཕགས་པ་དོན་ག ཡོང་ཁུངས།：ཀན་ལྷོ་རྒྱང་བསྒྲགས་བརྙན་འཕྲིན་ཁང་། དུས་ཚོད།：2021-07-22 11:00:10 ཀློག་གྲངས།：

ཟླ7པའི་ཚེས21ཉིན་གྱི་སྔ་དྲོར། འབྲུག་ཆུའི་དམངས་ཁྲོད་ཡིག་རྙིང་བྲིས་མའི་སྐོར་གྱི་རིག་གཞུང་ཚོགས་འདུ་དེ་ཀྲུང་དབྱང་མི་རིགས་སློབ་ཆེན་གྱི་ཀྲུང་གོའི་གྲངས་ཉུང་མི་རིགས་སྐད་ཡིག་རྩོམ་རིག་སློབ་གླིང་གི་གཙོ་སྒྲུབ་བྱས་པ་དང་འབྲུག་ཆུའི་རྫོང་ཨུ་དང་རྫོང་མི་དམངས་སྲིད་གཞུང་། ཀན་ལྷོ་ཁུལ་ཚགས་པར་ཁང་གི་སྒྲུབ་འགན་ཁུར་བ། ཀན་ལྷོ་ཁུལ་མདོ་ཁམས་བོད་ཡིག་དཔེ་རྙིང་ཞིབ་འཇུག་གླིང་གི་རོགས་སྒྲུབ་འོག ཀན་སུའུ་ཞིང་ཆེན་ཁྲིམས་དཔོན་སློབ་གླིང་དུ་འཚོགས།

ཚོགས་འདུར་ཆིན་ཧྭ་སློབ་གྲྭ་ཆེན་མོ་དང་བོད་ལྗོངས་སྤྱི་ཚོགས་ཚན་རིག་ཁང་། ཀྲུང་དབྱང་མི་རིགས་སློབ་ཆེན། ལྷོ་ནུབ་མི་རིགས་སློབ་ཆེན། ནུབ་བྱང་མི་རིགས་སློབ་ཆེན། མཚོ་སྔོན་དགེ་ཐོན་སློབ་ཆེན་སོགས་ནས་ཐོན་པའི་བོད་ཀྱི་ཡིག་རྙིང་ཞིབ་འཇུག་ཆེད་མཁས་པ་བཞི་བཅུ་ལྷག་ཞུགས་ཡོད།

ཚོགས་ཐོག་ཏུ། ཆེད་མཁས་པ་ཚོས་བོད་ཀྱི་ཡིག་རྙིང་ཞིབ་འཇུག་སྐོར་གྱི་རིག་གཞུང་དཔྱད་རྩོམ་སྒྲོག་འདོན་བྱས་པ་དང་། སྒོས་སུ་ལོ་འདི་འགར་འབྲུག་ཆུ་ནས་གསར་རྙེད་བྱུང་བའི་བོན་གྱི་དཔེ་རྙིང་མྱུར་སྐྱོབ་དང་བསྡུ་སྒྲིག དཔེ་སྐྲུན། བོན་གྱི་ཡིག་རྙིང་གསར་རྙེད་བྱུང་བ་ཡིས་བོད་ཀྱི་རིག་གཞུང་གི་ཞིབ་འཇུག་དང་རྒྱུད་འཛིན། དར་སྤེལ་ཐད་ཐོན་པའི་ཕན་ནུས་དང་དགེ་མཚན་སོགས་ཀྱི་ཐད་ནས་རང་ཉིད་ཀྱི་ལྟ་བ་དང་བསམ་ཚུལ་ལྷུག་བརྗོད་བྱས།།