ངོས་དང་པོ > སྐབས་དོན། > སྣ་ཚོགས། > ༄༅།།དགེ་བཅུའི་ཞིང་ཁམས་ཀན་ལྷོ་ཤམ་བྷ་ལའི་ཡུལ་སྐོར་སྒྱུ་རྩལ་དུས་ཆེན་སྐབས་ཉི་ཤུ་བ་དུང་ཕྲུག་རྩྭ་ཐང་དུ་འཚོགས།

༄༅།།དགེ་བཅུའི་ཞིང་ཁམས་ཀན་ལྷོ་ཤམ་བྷ་ལའི་ཡུལ་སྐོར་སྒྱུ་རྩལ་དུས་ཆེན་སྐབས་ཉི་ཤུ་བ་དུང་ཕྲུག་རྩྭ་ཐང་དུ་འཚོགས།

རྩོམ་པ་པོ།：མི་གསལ། ཡོང་ཁུངས།：ཀན་ལྷོའི་རྒྱང་སྒྲོག་བརྙན་འཕྲིན་ཁང་། དུས་ཚོད།：2020-09-01 09:41:59 ཀློག་གྲངས།：

དགེ་བཅུའི་ཞིང་ཁམས་ཀན་ལྷོ་ཤམ་བྷ་ལའི་ཡུལ་སྐོར་སྒྱུ་རྩལ་དུས་ཆེན་སྐབས་ཉི་ཤུ་བ་དུང་ཕྲུག་རྩྭ་ཐང་དུ་འཚོགས།

ཟླ8པའི་ཚེས31ཉིན། དགེ་བཅུའི་ཞིང་ཁམས་ཀན་ལྷོ་ཤམ་བྷ་ལའི་ཡུལ་སྐོར་སྒྱུ་རྩལ་དུས་ཆེན་སྐབས་ཉི་ཤུ་བ་གཙོས་དུང་ཕྲུག་རྩྭ་ཐང་དུ་གཟབ་རྒྱས་ངང་འཚོགས། སྒྱུ་རྩལ་དུས་ཆེན་འདི་ལོ་རེར་ཐེངས་རེ་འཚོགས་པ་ཡིན་ཞིང་། ལོ་ཉི་ཤུའི་ནང་མཚམས་མ་ཆད་པར་སྤེལ་བས། ཀན་ལྷོ་ཁུལ་གྱི་རིག་གནས་ཡུལ་སྐོར་གྱི་སྙན་གྲགས་རྒྱལ་ཁབ་ཕྱི་ནང་ཀུན་ལ་བསྒྲགས་པར་མ་ཟད། གཙོས་གྲོང་ཁྱེར་བཙུགས་པ་ནས་བཟུང་བྱ་གཞག་ཐམས་ཅད་ཡར་ངོའི་ཟླ་ལྟར་འཕེལ་བའི་ཐད་ལའང་བྱས་རྗེས་མི་དམན་པ་བཞག

རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པའམ་ཀྲུང་གོའི་བཟོ་ཚོང་མཉམ་འབྲེལ་ཚོགས་པའི་ཀྲུའུ་ཞི་ཀའོ་ཡོན་ལོན་དང་། ཀན་སུའུ་ཞིང་ཆེན་ཏང་ཨུའི་ཧྲུའུ་ཅིའམ་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ལིན་ཏའོ། ཀན་སུའུ་ཞིང་ཆེན་སྲིད་གྲོས་ཀྱི་ཀྲུའུ་ཞི་ཨོ་ཡུང་ཅན་སོགས་དུས་སྟོན་གྱི་མཛད་སྒོར་ཞུགས་པ་དང་། མཛའ་བརྩེའི་དུང་བ་ཟབ་པའི་ཞིང་ཆེན་དང་གྲོང་ཁྱེར་གཞན་པ་དག་གིས་ཀྱང་མི་སྣ་ཆེད་མངགས་བྱས་ཏེ་སྒྱུ་རྩལ་དུས་ཆེན་འཚོགས་པ་ལ་རྟེན་འབྲེལ་ཞུས།

ཆུ་ཚོད་དགུ་དང་ཕྱེད་ཀའི་ཐོག ཀའོ་ཡོན་ལོན་གྱིས་སྒྱུ་རྩལ་དུས་ཆེན་མགོ་རྩོམ་པ་ཁྱབ་བསྒྲགས་བྱས་མ་ཐག རྟེན་འབྲེལ་མཚོན་པའི་ཤོག་སྦག་སྣ་ཚོགས་ཀྱིས་རྣ་བ་འགད་པ་ལྟ་བུའི་སྒྲ་སྐད་འབྱིན་ཅིང་། ལོག་ལོག་འཕྱུར་བའི་དུ་བའི་ཕུང་བོས་རྩྭ་ཐང་གི་མཁའ་དབྱིངས་སུ་ཚོན་མདངས་རྣམ་པར་བཀྲ་བའི་རི་མོ་བྲིས།
ཀན་སུའུ་ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པའམ་ཁུལ་ཨུའི་ཧྲུའུ་ཅི་ཡུའུ་ཁྲིན་ཧེ་ཡིས་མཛད་སྒོར་གཏམ་བཤད་པ་དང་། ཁུལ་དཔོན་ཀྲའོ་ལིན་ཡོན་གྱིས་མགོ་འཛིན་བྱས།

ཡུའུ་ཁྲིན་ཧེ་ཡིས་གཏམ་བཤད་ནང་དྭངས་གཙང་གི་མཁའ་དབུགས་དང་རི་ཆུ་ནགས་གསུམ་ལ་ཐིམ་པའི་རང་བྱུང་ཁམས་ཀྱི་དྲི་བསུང་སོགས་མཛེས་སྡུག་ཡིད་དབང་འཕྲོག་པའི་ཀན་ལྷོའི་སྐྱེ་ཁམས་ཡུལ་ལྗོངས་དང་། གཤིས་རྒྱུད་བཟང་ལ་རང་བཞིན་དྲང་བའི་ཀན་ལྷོའི་མི་དམངས་ཀྱི་དཔའ་ངར་ཞུམ་མེད་ཀྱི་སྙིང་སྟོབས་ལ་བསྟོད་བསྔགས་ཕུལ། ཁོས་ལོ་མང་པོར་ཀན་ལྷོའི་སྲིད་འབྱོར་རིག་གསུམ་ལ་ཐུགས་ཁུར་དང་རྒྱབ་སྐྱོར་གནང་མཁན་དག་ལ་བཀའ་དྲིན་ཞུ་བ་དང་། ཆུ་ལོག་གི་གནོད་འཚེ་ཐེབས་པའི་ཐེ་བོ་དང་འབྲུག་ཆུའི་མི་དམངས་ལ་འཚམས་འདྲི་ཞུས། ཁོས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་བསམ་བློའི་མཛུབ་སྟོན་དང་། ཀན་སུའུ་ཞིང་ཆེན་ཏང་ཨུ་དང་སྲིད་གཞུང་གི་ཡང་དག་པའི་མགོ་ཁྲིད་འོག ལས་ལ་བརྩོན་པའི་ཀན་ལྷོའི་མི་དམངས་ཀྱིས་མི་རིགས་མཐུན་སྒྲིལ་དང་སྤྱི་ཚོགས་འཆམ་མཐུན་གྱི་ཕ་ཡུལ་འཛུགས་སྐྲུན་ལ་ཡིད་ཆེས་བརྟན་པོ་ཡོད་ཅེས་བསྟན།
གཏམ་བཤད་ཀྱི་རྗེས་སུ་རིག་རྩལ་འཁྲབ་སྟོན་གྱི་མགོ་བརྩམས་ཤིང་། གླུ་བ་གླུ་མས་སྐྱིད་པའི་གླུ་བླངས་པ་དང་གར་མཁན་རྣམས་ཀྱིས་དགའ་བའི་བྲོ་འཁྲབ། ཁྱད་པར་དུ་མི་སྟོང་གི་སྐོར་བྲོ་འཁྲབ་སྟོན་ནི་འགྲན་ཟླ་མེད་པའི་ཁྱད་ཆོས་སུ་སྣང་བས་ཀུན་གྱི་ཡིད་སེམས་དབང་མེད་དུ་འཕྲོགས། ཀན་ལྷོ་ཁུལ་ཕྱི་ནང་གི་ཡུལ་སྐོར་བ་དང་ཐ་ན་ཕྱིའི་རྒྱལ་ཁབ་ནས་ཐོན་པའི་སྐུ་མགྲོན་སྐྱེས་ཕོ་མོ་རྒན་དར་གཞོན་གསུམ་ཚང་མས་རི་ལུང་གང་ཞིང་བདེ་སྐྱིད་ཀྱི་དཔལ་ལ་རོལ།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com