རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་བའི་ཚོགས་ཆེན་དངོས་སུ་མགོ་བརྩམས་པ།

སྤྱི་ཟླ8པའི་ཚེས3ཉིན་གྱི་སྔ་དྲོར། མཚོ་ལྷོ་ཁུལ་ཚགས་པར་ཁང་དང་མཚོ་ལྷོ་ཁུལ་བརྙན་འཕྲིན་ཁང་། མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས། མཚོ་ལྷོ་ཁུལ་མི་རིགས་སྐད་ཡིག་བྱ་བའི་ལྟེ་གནས་བཅས་ཀྱིས་འགན་སྒྲུབ་གནང་བའི་རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་བའི་ཚོགས་ཆེན་དངོས་སུ་མགོ་བརྩམས་ཤིང་། ཀྲུང་གུང་མཚོ་ལྷོ་ཁུལ་ཨུའི་ཧྲུའུ་ཅི་གཞོན་པ་དང་དྲིལ་སྒྲོག་པུའི་པུའུ་ཀྲང་ཝེ་ཞིན་ཧྭ་དང་། ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཀྱི་རིམ་པ་བཞི་བའི་ལས་མི་བུ་ཆུང་ཐར། བོད་ལྗོངས་ཉིན་རེའི་ཚགས་པར་ཁང་གི་གཙོ་སྒྲིག་གཞོན་པ་བཀྲ་ཤིས་དཔལ་ལྡན། མཚོ་སྔོན་ཉིན་རེའི་ཚགས་པར་ཁང་གི་གཙོ་སྒྲིག་གཞོན་པ་ཚེ་མགོན། ཀྲུང་གུང་མཚོ་ལྷོ་ཁུལ་ཨུའི་དྲིལ་སྒྲོག་པུའི་རྒྱུན་ལས་པུའུ་ཀྲང་གཞོན་པ་ཀི་ཝུན་ཅུན། ཀྲུང་གུང་མཚོ་ལྷོ་ཁུལ་ཨུའི་དྲིལ་སྒྲོག་པུའི་པུའུ་ཀྲང་གཞོན་པ་དང་མཚོ་ལྷོ་ཁུལ་བོད་ཡིག་ཆ་འཕྲིན་ལག་རྩལ་ཞིབ་འཇུག་ལྟེ་གནས་ཀྱི་འགོ་གཙོ་ཚེ་ལོ།  ཀྲུང་གུང་མཚོ་ལྷོ་ཁུལ་ཨུའི་དྲིལ་སྒྲོག་པུའི་པུའུ་ཀྲང་གཞོན་པ་ཧྥུའུ་ཡུའུ་ལེན། དེ་མིན་ཞིང་ལྗོངས་ལྔ་ནས་ཕེབས་པའི་བོད་ཁུལ་གྱི་བོད་ཡིག་ཚགས་པར་དང་དུས་དེབ། རྒྱང་སྒྲོག་བརྙན་འཕྲིན། དྲ་རྒྱ་སོགས་སྨྱན་སྦྱོར་སྡེ་ཁག་གི་འབྲེལ་ཡོད་མི་སྣ་བཅས་ཐེངས་འདིའི་ཚོགས་འདུར་ཞུགས། མཚོ་ལྷོ་ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ་དཔལ་འབུམ་ཐར་གྱིས་གྲོས་ཚོགས་ལ་མདོ་འཛིན་མཛད།

རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་བའི་ཚོགས་ཆེན།

ཐོག་མར་ཀྲུང་གུང་མཚོ་ལྷོ་ཁུལ་ཨུའི་ཧྲུའུ་ཅི་གཞོན་པ་དང་དྲིལ་སྒྲོག་པུའི་པུའུ་ཀྲང་ཝེ་ཞིན་ཧྭས་ཤིས་ཚིག་ཕུལ་བ་དང་།དེ་ནས་བོད་ལྗོངས་ཉིན་རེའི་ཚགས་པར་ཁང་གི་གཙོ་སྒྲིག་གཞོན་པ་བཀྲ་ཤིས་དཔལ་ལྡན་གྱིས་གཏམ་བཤད་གནང་།

ཀྲུང་གུང་མཚོ་ལྷོ་ཁུལ་ཨུའི་ཧྲུའུ་ཅི་གཞོན་པ་དང་དྲིལ་སྒྲོག་པུའི་པུའུ་ཀྲང་ཝེ་ཞིན་ཧྭ། བོད་ལྗོངས་ཉིན་རེའི་ཚགས་པར་ཁང་གི་གཙོ་སྒྲིག་གཞོན་པ་བཀྲ་ཤིས་དཔལ་ལྡན།

ཐེངས་འདིའི་ཚོགས་འདུར་ཕུལ་བྱུང་གསར་རྩོམ་བརྩམས་ཆོས་དང་སྒྱུར་རྩོམ། དཔྱད་རྩོམ་སོགས་བརྙན་འཕྲིན་དང་རླུང་འཕྲིན། སྨྱན་སྦྱོར་གསར་པ་འདུས་པའི་བརྩམས་ཆོས་གང་མང་འབྱོར་ཡོད་ཅིང་། བོད་ཡིག་སྨྱན་སྦྱོར་ལས་ཁུངས50དང་སྨྱན་སྦྱོར་ལས་གཉེར་པ་མི100ལྷག་ཙམ་ཚོགས་འདུ་ཞུགས་ཡོད་པ་རེད། 

རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉི་ཤུ་བའི་ཚོགས་ཆེན།