༄༅།།ཚེས12ཉིན་གྱི་ལྗོངས་ཞིང་ལྔའི་ནད་ཡམས་གནས་ཚུལ་གསར་བ།

རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་ནས་སྤེལ་བའི་གནས་ཚུལ་ལྟར་ན། ཟླ་2ཚེས12ཉིན་གྱི་ཆུ་ཚོད15:35བར། རྒྱལ་ཡོངས་སུ་ཁྱོན་སྡོམ་ཏོག་གསར་གློ་ཚད་འགོས་པའི་ནད་པ44747 དང་། དོགས་ཡོད་ནད་པ16067། ནད་ལས་ཐར་བ4807། ཚེ་ལས་འདས་པ1115བཅས་བྱུང་ཡོད།
ཚེས12ཉིན། བོད་ལྗོངས་ལྷ་སའི་ནད་པ་གཅིག་པུ་དེ་དྲག་སྐྱེད་བྱུང་ནས་སྨན་ཁང་ལས་བུད་པས་ནད་པ་གཅིག་ཀྱང་མེད་པར་གྱུར་ཡོད་ལ། སི་ཁྲོན་དུ་ནད་པ436(དཀར་མཛེས་ཁུལ་དུ་ཚེས12ཉིན་ནད་པ9མང་དུ་ཕྱིན་ཞིང་ཁྱོན་སྡོམ་ནད་པ36ལ་སླེབས་ཡོད།  རྔ་བ་ཁུལ་དུ་ནད་པ1) ། མཚོ་སྔོན་དུ་ནད་པ18(ཟི་ལིང་དུ་ནད་པ15དང་མཚོ་བྱང་ཁུལ་དུ3། དེ་ལས་ནད་པ9དྲག་ནས་སྨན་ཁང་ལས་ཕྱིར་བུད)། ཀན་སུའུ་རུ་ནད་པ86(ཀན་ལྷོར་ཚེས11ཉིན་ནད་པ1དྲག་སྐྱེད་བྱུང་ནས་ནད་པ5བར་མར་ཆག་ཡོད)། ཡུན་ནན་དུ་ནད་པ154བཅས་ཐོན་ཡོད།