ཚེས11ཉིན་བར་ལྗོངས་ཞིང་ལྔ་རུ་ཏོག་དབྱིབས་ནད་དུག་གསར་བའི་གློ་ནད་ཀྱི་གནས་ཚུལ་གསར་པ།

རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་ནས་སྤེལ་བའི་གནས་ཚུལ་ལྟར་ན། སྤྱི་ཟླ2པའི་ཚེས11ཉིན་གྱི་ཆུ་ཚོད12:22བར། རྒྱལ་ཡོངས་སུ་ཁྱོན་སྡོམ་ཏོག་དབྱིབས་གློ་ཚད་ནད་ཡམས་གསར་པ་འགོས་པའི་ནད་པ42714 དང་། དོགས་ཡོད་ནད་པ21675 ཚེ་ལས་འདས་བའི་ནད་པ1017 ནད་ལས་ཐར་བ4022བཅས་བྱུང་ཡོད།
དེ་དག་ལས་བོད་ལྗོངས་ལྷ་ས་རུ་ནད་པ1དང་། སི་ཁྲོན་དུ་ནད་པ417(དཀར་མཛེས་ཁུལ་དུ་ནད་པ27དང་། རྔ་བ་ཁུལ་དུ་ནད་པ1) མཚོ་སྔོན་དུ་ནད་པ18(ཟི་ལིང་དུ་ནད་པ15དང་མཚོ་བྱང་ཁུལ་དུ3)ཀན་སུའུ་རུ་ནད་པ86(ཀན་ལྷོར་ནད་པ6)ཡུན་ནན་དུ་ནད་པ149བཅས་ཐོན་ཡོད། 
དཀར་མཛེས་ཁུལ་གྱི་ནད་པ27ཁྲོད། རྟའུ་རུ་ནད་པ22དང་། དར་མདོ་རུ་ནད་པ2། གསེར་རྟ་རུ་ནད་པ2། འདབ་པ་རུ་ནད་པ1བཅས་ཡོད་ཅིང་། ནད་པ2དྲག་སྐྱེད་བྱུང་ནས་སྨན་ཁང་ལས་ཕྱིར་བུད་ཡོད་པ་དང་། ནད་གཞི་ལྕི་བའི་ནད་པ1དང་། ནད་གཞི་ཤིན་ཏུ་ལྕི་བའི་ནད་པ1བཅས་ཡོད་ཅིང་། དེ་གཉིས་ཕུད་པའི་ནད་པ་གཞན་རྣམས་ཀྱི་ནད་གཞི་བརྟན་པོ་ཡིན་ལ། གཏན་འཁེལ་སྨན་ཁང་དུ་ནད་བཅོས་བྱེད་བཞིན་ཡོད།
ནད་པ་དེ་དག་ཁྲོད་སྐྱེས་པ16དང་། སྐྱེས་མ11ཡོད། ལོ་ཆེ་ཤོས66དང་། ཆུང་ཤོས13ཡིན།
གཞན། ནད་པ་དེ་དག་དང་འབྲེལ་བ་དམ་ཟབ་བྱས་མཁན་སོགས་ཀྱི་མི195ལ་ནད་འགོས་ཡོད་མེད་ཀྱི་གསོ་རིག་ལྟ་ཞིབ་བྱེད་བཞིན་ཡོད།