༄༅།།བསྟུད་མར་ཉིན་བཞི་ལ་མཚོ་སྔོན་དུ་ཏོག་དབྱིབས་ནད་དུག་གི་གློ་ཚད་རིམས་ནད་འགོས་པའི་ནད་པ་གཅིག་ཀྱང་ཇེ་མང་དུ་སོང་མེད།

2020ལོའི་ཟླ2པའི་ཚེས9ཉིན་གྱི་ཆུ་ཚོད0ནས24བ། མཚོ་སྔོན་ཞིང་ཆེན་དུ་ཏོག་དབྱིབས་ནད་དུག་གི་རིམས་ནད་འགོས་པའི་ནད་རྟགས་ཐག་བཅད་པའི་ནད་པ་གཅིག་ཀྱང་ཇེ་མང་དུ་སོང་མེད་པ་དང་། ནད་པ་ལྕི་མོའི་རིགས་གཅིག་ཀྱང་ཇེ་མང་དུ་སོང་མེད་ལ། རིམས་ནད་ལས་འདས་པའི་ནད་པ་གཅིག་ཀྱང་མེད་པ་དང་། ནད་དྲག་ནས་ཕྱིར་བུད་པའི་ནད་པའང་མེད།  ཉིན་དེར་ནད་རྟགས་ཐག་བཅད་པའི་ནད་པ་དང་དོགས་ཡོད་ནད་དཔེ་གཅིག་ཀྱང་ཇེ་མང་དུ་སོང་མེད།
སྤྱི་ཟླ2པའི་ཚེས9ཉིན་གྱི་ཆུ་ཚོད24བར་དུ། མཚོ་སྔོན་ཞིང་ཆེན་དུ་བསྡོམས་པས་ཏོག་དབྱིབས་ནད་དུག་གི་གློ་ཚད་རིམས་ནད་འགོས་པའི་ནད་རྟགས་ཐག་བཅད་པའི་ནད་པ18ཡོད་ཅིང་།  ནད་པ་ལྕི་མོ1དང་། འདས་པའི་ནད་པ་མེད།  ནད་དྲག་སྟེ་སྨན་ཁང་ནས་ཕྱིར་བུད་པ3ཡོད་ལ། དེའི་ནང་ཟི་ལིང་གྲོང་ཁྱེར་དུ་ནད་པ15ཡོད་པ་དང་། མཚོ་བྱང་ཁུལ་དུ་ནད་པ3ཡོད། ནད་རྟགས་ཐག་བཅད་ཟིན་པའི་ནད་པ15སྨན་ཁང་དུ་སྨན་བཅོས་བྱེད་བཞིན་ཡོད།
ད་སྔ། ནད་པར་འབྲེལ་འདྲིས་ཡོད་པའི་མི433ལ་རྗེས་འདེད་བརྟག་དཔྱད་བྱེད་བཞིན་ཡོད་ལ། མི45ལ་ནད་འགོས་མེད་པས་སྨན་བཅོས་ལྟ་ཞིབ་བྱེད་མཚམས་བཞག  མི388ལ་མུ་མཐུད་དུ་སྨན་བཅོས་ལྟ་ཞིབ་བྱེད་བཞིན་ཡོད།