༄༄།། མཚོ་སྔོན་དུ་བསྟུད་མར་ཉིན་གཉིས་ལ་གསར་བྱུང་ནད་པ་མེད།

2020ལོའི་ཟླ2པའི་ཚེས7ཉིན་གྱི་ཆུ་ཚོད0-24བར། མཚོ་སྔོན་ཞིང་ཆེན་གྱིས་གསར་བྱུང་ཏོག་དབྱིབས་ནད་དུག་གི་གློ་ཚད་འགོས་པའི་ནད་རྟགས་གཏན་འཁེལ་བྱས་པའི་ནད་དཔེ0ཡིན་ཞིང་ནད་གཞི་ཚབས་ཆེན་ཕོག་པའི་ནད་པ0ཡིན་ལ། ཤི་བའི་ནད་དཔེ0དང་སྨན་ཁང་ནས་བུད་པའི་ནད་པ0ཡིན། 
ཟླ2པའི་ཚེས7ཉིན་གྱི་ཆུ་ཚོད24བར། མཚོ་སྔོན་ཞིང་ཆེན་གྱིས་རིམ་རྩིས་བྱས་པ་ལྟར་ན་གསར་བྱུང་ཏོག་དབྱིབས་ནད་དུག་གི་གློ་ཚད་འགོས་པའི་ནད་པ18ཡོད་ལ། དེའི་ནང་ནད་གཞི་ལྕི་མོ་ཕོག་པའི་ནད་པ1དང་ཤི་བའི་ནད་དཔེ0ཡིན་ཞིང་།  སྨན་ཁང་ནས་བུད་པའི་ནད་པ3ཡོད་པ་རེད།   རིམ་རྩིས་བྱས་ན་ནད་གཞི་གཏན་འཁེལ་བྱུང་བའི་ནང་ཟི་ལིང་གྲོང་ཁྱེར་དུ་ནད་པ15དང་མཚོ་བྱང་ཁུལ་དུ་ནད་པ3ཡོད་ལ། ནད་པ15སྨན་ཁང་དུ་བསྡད་ནས་སྨན་བཅོས་བྱེད་བཞིན་མཆིས།
མིག་སྔར། དེ་དག་དང་འབྲེལ་བ་དམ་ཟབ་ཡོད་པའི་མི411ལ་རྗེས་སྙེག་བརྟག་དཔྱད་བྱེད་བཞིན་ཡོད་པ་དང་། ཉིན་དེར་གསོ་རིག་གི་ལྟ་ཞིབ་མེད་པར་བཟོས་པའི་མི41དང་མི370ལ་ད་དུང་སྨན་བཅོས་བརྟག་དཔྱད་དང་ལྟ་ཞིབ་བྱེད་བཞིན་ཡོད་པ་རེད།