༄༅།།མཚོ་ལྷོ་ཁུལ་རྒྱ་གྲམ་དམར་པོའི་ཚོགས་པས་རིམས་ནད་འགོག་རྒོལ་གྱི་ཞལ་འདེབས་བྱ་འགུལ་སྤེལ།

མཚོ་ལྷོ་ཁུལ་གྱི་ལས་ཁུངས་སོ་སོའི་ལས་མིས་ཞལ་འདེབས་ཕུལ་བཞིན་པ།
མཚོ་སྔོན་གཡུ་འབྲུག་འཛུགས་སྐྲུན་བཟོ་བཀོད་ཚད་ཡོད་ཀུང་ཟིས་སྒོར་ཁྲི10དང་མཚོ་ལྷོ་ཁུལ་གཙང་གསུམ་ལས་རིགས་གསོ་སྦྱོང་སློབ་གྲྭས་སྒོར་ཁྲི2ཞལ་འདེབས་སུ་ཕུལ།

མིག་སྔར། ཏོག་དབྱིབས་ནད་དུག་གསར་པའི་གློ་ཚད་རིམས་ནད་ད་དུང་མུ་མཐུད་དུ་བྱུང་གིན་ཡོད་ནའང་། སྤྲོ་འོས་པའི་གསར་འགྱུར་ཡང་བསྟུད་མར་མཐོང་གོན་འདུག་སྟེ། ད་ཆ་ག་ས་གང་དུ་ཞལ་འདེབས་ཕུལ་བའི་བྱེད་སྒོ་སྤེལ་གྱི་ཡོད་པ་དང་ནད་པ་འགའ་ཤས་གློ་ཚད་རིམས་ནད་ལས་ཐར་ཏེ་སྨན་ཁང་ལས་འབུད་ཀྱིན་ཡང་འདུག

མཚོ་ལྷོ་ཁུལ་གྱི་ལས་ཁུངས་སོ་སོའི་ལས་མིས་ཞལ་འདེབས་ཕུལ་བཞིན་པ།

མཚོ་ལྷོ་ཁུལ་གྱི་ལས་ཁུངས་སོ་སོའི་ལས་མིས་ཞལ་འདེབས་ཕུལ་བཞིན་པ།
མཚོ་ལྷོ་ཁུལ་གྱི་ལས་ཁུངས་སོ་སོའི་ལས་མིས་ཞལ་འདེབས་ཕུལ་བཞིན་པ།

ཕྱོགས་གཅིག་ལ་དཀའ་ངལ་འཕྲད་དུས་ཕྱོགས་སོ་སོས་རོགས་རམ་བྱེད་པ་བཞིན། སྤྱི་ཟླ2པའི་ཚེས6ཉིན་གྱི་སྔ་དྲོ་ནས་ཚེས7ཉིན་གྱི་སྔ་དྲོའི་ཆུ་ཚོད10:00བར། མཚོ་ལྷོ་ཁུལ་རྒྱ་གྲམ་དམར་པོའི་ཚོགས་པས་ཀྱང་ཏོག་དབྱིབས་ནད་དུག་གསར་པའི་གློ་ཚད་རིམས་ནད་འགོག་རྒོལ་གྱི་ཞལ་འདེབས་བྱ་འགུལ་སྤེལ་ཞིང་། ཁུལ་གཏོགས་ཏང་སྲིད་ལས་ཁུངས་དང་ཁེ་ལས་སྡེ་ཁག་སོགས་ལས་ཁུངས83གྱི་ལས་མི་རྣམས་ཀྱིས་སྟོབས་ཤུགས་ཡོད་རྒུས་བསྡོམས་པས་སྒོར584902ཞལ་འདེབས་སུ་ཕུལ། དེའི་ཁྲོད་མཚོ་སྔོན་གཡུ་འབྲུག་འཛུགས་སྐྲུན་བཟོ་བཀོད་ཚད་ཡོད་ཀུང་ཟིས་སྒོར་ཁྲི10དང་མཚོ་ལྷོ་ཁུལ་གཙང་གསུམ་ལས་རིགས་གསོ་སྦྱོང་སློབ་གྲྭས་སྒོར་ཁྲི2ཞལ་འདེབས་སུ་ཕུལ་ནས། གློ་ཚད་རིམས་ནད་སྔོན་འགོག་ལ་བརྩེ་བས་ལག་གདང་སྦྲེལ་ཏེ། སྔར་ལས་ལྷག་པར་ལས་བྱེད་མི་སྣའི་སྤྱི་ཚོགས་ཀྱི་འགན་འཁྲི་ཚོར་འདུ་དང་བྱས་རྗེས་འཇོག་པའི་འདུ་ཤེས་ཇེ་དྲག་ཏུ་བཏང་བ་དང་། མཚོ་ལྷོ་ཁུལ་གྱི་རྒྱ་ཆེ་བའི་ལས་བྱེད་མི་སྣས་དཀའ་ཁག་ཁྲོད་ཀྱི་སྣེ་ཁྲིད་དཔེ་སྟོན་གྱི་ནུས་པ་འདོན་སྤེལ་ལེགས་པོ་བྱས།