ཀྲུང་གོས་ཐང་གའི་རིག་གནས་ཀྱི་ཡིག་ཚགས་བསྐྲུན་རྒྱུ་རེད།

　　《ཀྲུང་གོའི་ཐང་གའི་ཡིག་ཚགས་ཀྱི་ཡུལ་དངོས་ཁྱབ་བཤེར་བྱ་བའི་ལག་དེབ》ཅེས་པའི་པར་བསྐྲུན་ཁྱབ་བསྒྲགས་ཚོགས་འདུའི་སྟེང་གསལ་བསྒྲགས་བྱས་པ་ལྟར་ན། བོད་བརྒྱུད་ནང་བསྟན་གྱི་ཐང་གའི་རིག་གནས་ལ་སྲུང་སྐྱོབ་བྱ་ཆེད་ཐང་གའི་རིག་གནས་ཀྱི་ཡིག་ཚགས་བསྐྲུན་རྒྱུ་ཡིན་ཞིང་། ཁྱོན་བསྡོམས་པོ་ཏི16ཡོད་པ་རེད།
　　ཐང་ག་ལྐོག་འཚོང་བྱེད་པ་དང་། སྤུས་ཞན་ཐང་ག་གང་སར་ཁྱབ་པ། སྤུས་ལེགས་ཐང་གར་གཏོར་བརླག་བཟོ་བ་སོགས་ཀྱི་གནད་དོན་ཁག་བྱུང་དང་འབྱུང་བཞིན་ཡོད་པས། ཀྲུང་གོའི་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས་ཀྱིས་ཐང་གའི་རིག་གནས་ལ་སྲུང་སྐྱོབ་བྱ་ཆེད་ཐང་གའི་རིག་གནས་ཀྱི་ཡིག་ཚགས་བསྐྲུན་རྒྱུའི་ཐག་བཅད། རྒྱུས་ལོན་པ་ལྟར་ན《ཀྲུང་གོའི་ཐང་གའི་རིག་གནས་ཀྱི་ཡིག་ཚགས》ཁྲོད་བོད་ལྗོངས་ཀྱི《ལྷ་སའི་པོ་ཏི》(སྟོད་སྨད)དང་། 《གཞིས་ཀ་རྩེའི་པོ་ཏི》། མཚོ་སྔོན་གྱི《སེང་གེ་གཞོངས་ཀྱི་པོ་ཏི》། 《འཛོམ་ཉག་པོ་ཏི》། སི་ཁྲོན་གྱི《རྔ་བའི་པོ་ཏི》།《སྡེ་དགེའི་ཚོ་བརྒྱད་ཀྱི་པོ་ཏི》།  ཀན་སུའུ་ཡི《ཀན་ལྷོའི་པོ་ཏི》། ཡུན་ནན་གྱི《བདེ་ཆེན་པོ་ཏི》། ས་གནས་སོ་སོ་དང་རྒྱལ་ཕྱིའི《ཐོར་བསྡུའི་པོ་ཏི》དང《རྒྱལ་ཕྱིའི་པོ་ཏི》སོགས་པོ་ཏི16འདུས་པ་རེད།