མ་འོངས་བའི་ལོ་ལྔའི་ནང་བོད་ལྗོངས་ཀྱིས་ཁྲིམས་བཙུགས་ནས་པོ་ཏ་ལར་སྲུང་སྐྱོབ་བྱ་རྒྱུ་རེད།

མ་འོངས་བའི་ལོ་ལྔའི་ནང་བོད་ལྗོངས་ཀྱིས་ཁྲིམས་བཙུགས་ནས་པོ་ཏ་ལར་སྲུང་སྐྱོབ་བྱ་རྒྱུ་རེད།

　　ཟླ1པོའི་ཚེས11ཉིན། བོད་ལྗོངས་ས་གནས་ཀྱི་དམངས་ཆེན་ཚོགས་འདུའི་སྟེང་ཁྱབ་བསྒྲགས་བྱས་པ་ལྟར་ན། མ་འོངས་པའི་ལོ་ལྔའི་ནང་བོད་ལྗོངས་དམངས་ཆེན་གྱིས《ཕོ་བྲང་པོ་ཏ་ལའི་སྲུང་སྐྱོབ་བྱ་ཐབས》གཏན་འབེབ་བྱས་ཏེ། ཕོ་བྲང་པོ་ཏ་ལར་ཁྲིམས་ལུགས་ཅན་གྱི་ལམ་ནས་སྲུང་སྐྱོབ་བྱ་རྒྱུ་རེད།
　　2013ལོར་ཆོག་མཆན་ཐོབ་པའི་ས་གནས་ཀྱི་ལོ་ལྔའི་ཁྲིམས་འཛུགས་འཆར་བཀོད་ཁྲོད་སྐྱེ་ཁམས་ཐོན་ཁུངས་དང་ས་གནས་ཀྱི་ཁྱད་ཆོས་ལ་སྲུང་སྐྱོབ་བྱེད་པ་འབུར་དུ་བཏོད་ཡོད་ཅིང་། འཆར་བཀོད་ཁྲོད《ཕོ་བྲང་པོ་ཏ་ལའི་སྲུང་སྐྱོབ་བྱ་ཐབས》གཏན་འབེབ་བྱ་འཆར་ཡོད་པར་མ་ཟད། བོད་སྐད་ཡིག་གོང་སྤེལ་དང་གཟུགས་འདས་ཤུལ་བཞག་རིག་གནས་སྲུང་སྐྱོབ་སོགས་ཀྱང་འཆར་བཀོད་ཁྲོད་བཞག་ཡོད་པ་རེད།