དངོས་བྲིས་གློག་བརྙན《དཔའ་རིས་གཉེན་སྲོལ》ཕབ་འགྲུབ་བྱུང་།

      ཉེ་སྔོན། ཀན་སུའུ་ཞིང་ཆེན་དཔའ་རིས་བརྙན་འཕྲིན་ཁང་གིས་ཕབ་བསྐྲུན་བྱས་པའི་དཔའ་རིས་བོད་རིགས་གཉེན་སྲོལ་གྱི་ཆེད་དོན་བརྙན་འཕྲིན《དཔའ་རིས་གཉེན་སྲོལ》ཞེས་པའི་དུས་མཇུག་གི་སྒྲིག་བཟོ་ལེགས་འགྲུབ་བྱུང་ཞིང་། ལོ་སར་གྱི་དུས་སུ་གཟིགས་མོ་བ་རྣམས་ཀྱི་སྤྱན་སྔར་ཕུལ་བ་ཡིན།
      དཔའ་རིས་ཡུལ་གྱི་གཉེན་སྲོལ་འདིར་མགོ་ནས་མཇུག་བར་དུ་གནའ་བོའི་ཆོ་ག་རབས་དང་རིམ་པ་སྤེལ་ཡོད་ཅིང་། སྒོས་སུ་བུ་མོ་བག་མར་མ་སོང་སྔོན་གྱི་ཉིན་དང་པོར་སྐྲ་སླས་པའི་བྱེད་སྒོའི་སྟེང་ངུ་འབོད་བྱེད་པའི་ཚུལ་ནི་དངོས་གནས་སེམས་སྡུག་པ་ཞིག་ཡིན་པ་དང་། དེས་བུ་མོས་ཕ་མའི་དྲིན་ལན་བསམ་ཞིང་ཁྱིམ་ཚང་ལ་ཞེན་ཆགས་པའི་རྣམ་པ་མངོན་པར་མཚོན་ཡོད།