བོད་ལྗོངས་ཀྱི་ཐོག་དང་པོའི་གེ་སར་གློག་རྡུལ་ཡིག་མཛོད་འཛུགས་སྐྲུན་ལེགས་འགྲུབ་བྱུང་།

      ཉེ་ཆར། བོད་ལྗོངས་ཀྱི་ཐོག་དང་པོའི་གེ་སར་རྒྱལ་པོའི་སྨྱན་གཟུགས་ཐོན་ཁུངས་ཡིག་མཛོད་དེ་བོད་རང་སྐྱོང་ལྗོངས་དཔེ་མཛོད་ཁང་དུ་བཙུགས་ཏེ་ལེགས་འགྲུབ་བྱུང་བ་མ་ཟད་བཀོལ་སྤྱོད་བྱེད་མགོ་བརྩམས། མིག་སྔར་བོད་ལྗོངས་བྱང་ཕྱོགས་ས་ཁུལ་གྱི་སྒྲུང་བ5ཡི་བརྩམས་ཆོས་དང་སྒྲུང་བཤད་སོགས་རྒྱུ་ཆ་ཡིག་མཛོད་དུ་འཇུག་པའི་བྱ་བ་གྲུབ་ཟིན།
      མཚམས་སྦྱོར་བྱས་པ་ལྟར་ན། ཐོན་ཁུངས་ཡིག་མཛོད་འདིར་ཁྱད་འཕགས་སྒྲུང་བཤད་དང་། སྒྲུང་བའི་ཁ་བཤད་ལོ་རྒྱུས། སྒྲུང་གླུ། གེ་སར་བསྟོད་གླུ། གེ་སར་རྒྱལ་པོའི་བྲོ་གར། གེ་སར་རྒྱལ་པོའི་ལོ་རྒྱུས་ཤུལ་བཞག་སོགས་ཁག6འདུས། རྗེས་མ་ནས་བཟུང་བསྟུད་མར་ནག་ཆུ་ས་ཁུལ་གྱི་མིང་གྲགས་སྒྲུང་བ80ལྷག་དང་བོད་ལྗོངས་ཀྱི་ས་ཁུལ་གཞན་པའི་སྒྲུང་བ་རྣམས་ཀྱི་སྒྲུང་བཤད་རྒྱུ་ཆ་ཡིག་མཛོད་དུ་འཇུག་རྒྱུ་ཡིན་པ་རེད།