ངོས་དང་པོ > སྐབས་དོན། > སྣ་ཚོགས། > འཛམ་གླིང་ན་བོད་ལྗོངས་གཡག་རྟེན་མཛོད་གླིང་ཐོག་མ་དེ་དངོས་སུ་ལས་སྒོ་ཕྱེ།

འཛམ་གླིང་ན་བོད་ལྗོངས་གཡག་རྟེན་མཛོད་གླིང་ཐོག་མ་དེ་དངོས་སུ་ལས་སྒོ་ཕྱེ།

རྩོམ་པ་པོ།：ལྷ་མོ་ཚེ་སྐྱིད། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2014-05-21 09:26:00 ཀློག་གྲངས།：

ཟླ5པའི་ཚེས18ཉིན་ནི་རྒྱལ་སྤྱིའི་རིག་དངོས་བཤམས་སྟོན་ཁང་ཉིན་མོ་ཡིན་ཞིང་། འཛམ་གླིང་ན་གཡག་བརྗོད་བྱར་བཟུང་བའི་རྒྱལ་ཁབ་རིམ་པའི་ཆེད་དོན་རྟེན་མཛོད་གླིང་ཐོག་མ་སྟེ་བོད་ལྗོངས་གཡག་རྟེན་མཛོད་གླིང་དངོས་སུ་ལས་སྒོ་ཕྱེ་བ་རེད།

གཡག་ནི་མདོ་དབུས་མཐོ་སྒང་གི་ཁྱད་ནོར་ཡིན་པའི་ཆ་ནས། ལོ་ངོ་སྟོང་ཕྲག་རིང་མདོ་དབུས་མི་དམངས་དང་གཅིག་ཏུ་གྲིབ་གཟུགས་འདྲིས་ཤིང་། བོད་རིགས་མི་དམངས་ཀྱི་འགྲོ་འདུག་ལྟོ་གོས་དང་། སྐྱེལ་འདྲེན། རྨོ་འདེབས། དེ་མིན་མདོ་དབུས་མཐོ་སྒང་གི་སྲིད་འབྱོར་རིག་གསུམ་དང་། ཚོང་ལས། འཐབ་འཁྲུག རྩེད་འཇོ། གསོ་རིག་སོགས་དང་དམ་པོར་འབྲེལ་བ་མ་ཟད། མདོ་དབུས་མཐོ་སྒང་མི་དམངས་ཀྱི་བསམ་པའི་སྙིང་སྟོབས་ཐད་ཤུགས་རྐྱེན་ཟབ་མོ་བཞག་ ཡོད།