རྒྱལ་སྤྱིའི་དགུན་ཁར་རྐྱལ་གྱིས་རྨ་ཆུ་གཅོད་པའི་འགྲན་བསྡུར་དེ་མཚོ་སྔོན་ཁྲི་ཀ་ནས་བསྡུས་པ།

རྨ་ཆུ་སྔོན་མོ་རྐྱལ་གྱིས་གཅོད་བཞིན་པ།

      རྒྱུས་ལོན་པ་ལྟར་ན། སྤྱི་ཟླ1པའི་ཚེས9ནས11བར། ཀྲུང་གོའི་མཚོ་སྔོན་རྒྱལ་སྤྱིའི་རྐྱལ་གྱིས་རྨ་ཆུ་གཅོད་པའི་འགྲན་བསྡུར་སྐབས་ལྔ་བ་དེ་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་དུ་བསྡུས།

རྨ་ཆུ་སྔོན་མོ་རྐྱལ་གྱིས་གཅོད་བཞིན་པ།

      ཐེངས་འདིའི་འགྲན་བསྡུར་ལ་འཁྱགས་གླིང་དང་ཧྥ་རན་སེ། སུའེ་ཏེན། དབྱི་ཐ་ལི། འཇར་མན། ཨོ་སི་ཁྲུ་ལི་ཡ། བལ་ཨུ་རུ་སུ། ཨུ་རུ་སུ། ཀྲུང་གོ་བཅས་རྒྱལ་ཁབ9ཡི་ཆུ་པ58ཙམ་ཞུགས་ཡོད་ལ། ལོ་ན་མཐོ་ཤོས་ལོ53དང་ལོ་ན་ཆུང་ཤོས་ལོ21རེད། འགྲན་བསྡུར་ལ་སྐྱེས་པ་སྨི500ཅན་གྱི་ཚོ་ཆུང་ཀ་པ་དང་ཁ་བ་གཉིས་དང་སྐྱེས་མ་སྨི500ཅན་གྱི་ཚོ་ཆུང་ཀ་པ་དང་ཁ་པ་གཉིས་སུ་ཕྱེས་ཡོད། སྐྱེས་པའི་ཚོ་ཆུང་ཀ་པ་དང་ཁ་པའི་བྱ་དགའ་ཨང་དང་པོ་སོ་སོར་ཀྲང་ཙེ་མིང་དང་སུང་ཏ་ཀོ་གཉིས་ལ་ཐོབ་ཅིང་། སྐྱེས་མའི་ཚོ་ཆུང་ཀ་པ་དང་ཁ་པའི་བྱ་དགའ་ཨང་དང་པོ་ སོ་སོར་ལིའུ་ཝུན་ཐིང་དང་ཧྲའོ་ཝུན་ཧྥང་གཉིས་ཀྱིས་རེག་པ་རེད།

བྱ་དགའ་ཐོབ་པའི་ཆུ་པ།

      རྒྱུས་ལོན་པ་ལྟར་ན། འདི་ནི་རྒྱལ་ཡོངས་ཀྱི་ས་བབ་མཐོ་བའི་ཡུལ་ཏུ་བསྡུས་པའི་དགུན་ཁའི་ཆུ་རྐྱལ་རྣམ་གྲངས་གཅིག་པུ་ཡིན་ལ། འགྲན་བསྡུར་འདིར་ས་བབ་མཐོ་ལ་མཁའ་དབུགས་འཁྱགས་པ། ཆུ་ཞེང་ཆེ་ལ་བཞུར་ཚད་མགྱོགས་པ་སོགས་ཀྱི་དབང་གིས་རྒྱལ་ཡོངས་ཀྱི་དགུན་ཁའི་ཆུ་རྐྱལ་འགྲན་བསྡུར་རྩེ་གྲར་ཆགས་ཡོད་པ་རེད།
      ཀྲུང་གོའི་མཚོ་སྔོན་རྒྱལ་སྤྱིའི་རྐྱལ་གྱིས་རྨ་ཆུ་གཅོད་པའི་འགྲན་བསྡུར་འདི་སྐབས་བཞི་ལ་བསྡུས་ཤིང་། འགྲན་བསྡུར་འདི་དང་རྒྱལ་སྤྱིའི་མཚོ་སྐོར་ལྕགས་རྟ་འགྲན་བསྡུར། འཛམ་གླིང་བུམ་པའི་བྲག་འཛེགས་འགྲན་བསྡུར་གསུམ་ལ་མཚོ་སྔོན་གྱི་ལུས་རྩལ་འགྲན་བསྡུར་གྲགས་ཅན་གསུམ་དུ་བགྲང་།