བྱིས་པའི་རྩལ་རྩེད་རོལ་དབྱངས་ཟློས་གར་ཆེན་མོ《གངས་གཟིག》ཞེས་པ་མཚོ་སྔོན་ནས་དངོས་སུ་སྒྲིག་མགོ་བརྩམས་པ།

མཛད་སྒོ་ཚོགས་འདུའི་ཡུལ་དངོས།

      མིག་སྔར། བྱིས་པའི་རྩལ་རྩེད་རོལ་དབྱངས་ཟློས་གར་ཆེན་མོ《གངས་གཟིག》ཞེས་པ་མཚོ་སྔོན་ནས་དངོས་སུ་སྒྲིག་མགོ་བརྩམས་པ་རེད།  ཟློས་གར་འདི་ཉིད་མཚོ་སྔོན་ཞིང་ཆེན་ཨུ་ཡོན་ལྷན་ཁང་དྲིལ་སྒྲོག་པུའུ་དང་ཨན་ཧུའེ་ཞིང་ཆེན་ཨུ་ཡོན་ལྷན་ཁང་དྲིལ་སྒྲོག་པུའུ་གཉིས་ནས་མཉམ་འབྲེལ་སྒོས། ཚའོ་ཧྲུའེ་ཡི་མཚན་བྱང་གཅིག་པའི་སྒྲུང་རིང་བཅོས་སྒྲིག་བྱས་པ་ཡིན་ལ། དེར་གངས་གཟིག་རྒྱལ་སྲས་ཀྱིས་ཨ་ཆེན་གངས་རྒྱབ་ཀྱི་གཞིས་ཁྱིམ་སྲུང་བའི་གཏམ་རྒྱུད་ལས་མིའི་རིགས་ཀྱིས་ས་སྒང་འདིའི་སྐྱེ་ཁམས་ཁོར་ཡུག་ལ་སྲུང་སྐྱོབ་བྱ་བའི་ཆོད་སེམས་མངོན་པར་མཚོན་ཡོད།

སྒྲིག་གཙོ་པ་ལྷན་རྒྱས།

འཁྲབ་ཁྲིད་པ་ཝང་ཁྲེང་དང་འཁྲབ་གཞུང་རྩོམ་པ་པོ་ཚའོ་ཧྲུའེ།

      རྒྱུས་ལོན་པ་ལྟར་ན། ཟློས་གར་འདི་ཉིད་ཨན་ཧུའེ་རྩལ་རྩེད་ཚོགས་པ་དང་ཡུལ་ཤུལ་གླུ་གར་ཚོགས་པ་གཉིས་ནས་མཉམ་འབྲེལ་གྱིས་འཁྲབ་སྦྱོང་བྱ་རྩིས་ཡོད་ལ། འཁྲབ་ཁྲིད་པ་གྲགས་ཅན་ཝང་ཁྲིང་ནས་འཁྲབ་ཁྲིད་དང་རྩོམ་པ་པོ་ཚའོ་ཧྲུའེ་ནས་འཁྲབ་གཞུང་རྩོམ་སྒྲིག་གི་འགན་ཁུར་ཅིང་། ཉེ་ཆར་མཚོ་སྔོན་དུ་རྒྱུ་ཆ་འཚོལ་བསྡུ་བྱ་ཡི་ཡོད།