མཚོ་སྔོན་ཞིང་ཆེན་མི་རིགས་དམངས་ཁྲོད་རིག་གནས་སྒྱུ་རྩལ་ཐོན་རྫས་ཁོ་རེ་ཡར་འགྲེམས་པ།

      ད་ལོའི་ལོ་གསར་གྱི་སྐབས་ལ། རིག་གནས་པུའུ་དང་མཚོ་སྔོན་ཞིང་ཆེན་སྲིད་གཞུང་གིས་གཙོ་སྒྲུབ་གནང་ཞིང་། ཁོ་རེ་ཡའི་སེ་འོལ༼SEOUL༽ཀྲུང་གོའི་རིག་གནས་ལྟེ་གནས་དང་མཚོ་སྔོན་ཞིང་ཆེན་རིག་གནས་ཚགས་དེབ་པར་སྐྲུན་ཐིང་གཉིས་གནས་སྒྲུབ་མཁན་ཁས་ལེན་གནང་སྟེ། ཀྲུང་སྡོད་ཁོ་རེ་ཡའི་གཞུང་ཚབ་ཁང་གིས་རྒྱབ་སྐྱོར་གནང་བའི༼མཚོ་སྔོན་མི་རིགས་དམངས་ཁྲོད་རིག་གནས་སྒྱུ་རྩལ་ཐོན་རྫས་འགྲེམས་སྟོན༽དེ་ཁོ་རེ་ཡའི་སེ་འོལ་ཀྲུང་གོའི་རིག་གནས་ལྟེ་གནས་སུ་སྤེལ་ཅིང་། དུས་མཚུངས་སུ2015ལོའི་ཀྲུང་ཧན༼སྐྱིད་པའི་ལོ་གསར༽ཞེས་པའི་ཕྲེང་སྟར་བྱེད་སྒོའི་ཡོལ་བ་ཕྱེས།
      མཚམས་སྦྱོར་ལྟར་ན། འགྲེམས་སྟོན་འདི་ནི་ད་ལོའི་མཚོ་སྔོན་ཞིང་ཆེན་དང་ཁོ་ཡེ་ཡ་རྒྱལ་ཁབ་ཀྱི་མཉམ་འབྲེལ་ལས་གཞི་ཐོག་མ་ཡིན་ལ། འགྲེམ་སྟོན་བརྩམས་ཆོས་ཚང་མ་མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་བཟོ་བཀོད་མཛེས་རྩལ་མཁན་པོ་དང་། རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཀྱི་རྒྱུན་འཛིན་པ་གྲགས་ཅན། དམངས་ཁྲོད་སྒྱུ་རྩལ་པ་གྲགས་ཅན་སོགས་ཀྱི་བརྩམས་ཆོས་བསྡུས་པ་ཡིན་ལ། དེར་ཐང་ག་དང་གོས་དྲུབ། གཙགས་དྲུབ། ཤོག་དྲས་སོགས་རིགས་མི་འདྲ་བ་ཉི་ཤུ་ལྷག་གི་འཐུས་ཚབ་བརྩམས་ཆོས40ལྷག་འགྲེམས་ཤིང་། བརྩམས་ཆོས་དེ་དག་ལ་རང་རང་གི་ཐུན་མིན་ཁྱད་ཆོས་གསལ་ལ་སྒྱུ་རྩལ་གྱི་ཚད་མཐོ་བ། མདོ་དབུས་མཐོ་སྒང་གི་དམངས་ཁྲོད་སྒྱུ་རྩལ་པའི་ཆེས་མཐོའི་སྒྱུ་རྩལ་གྱི་ཆུ་ཚད་མངོན་པར་མཚོན་ཡོད་པ་ཡིན།