དཀར་མཛེས་རྫོང་གིས་གཞི་རིམ་གྱི་ཞིང་ལས་ལག་རྩལ་མི་སྣའི་གསོ་སྦྱོང་འཛིན་གྲྭ་བཙུགས་པ།

     ཟླ་བ3པའི་ཚེས25ཉིན། དཀར་མཛེས་རྫོང་ཞིང་འབྲོག་ཚན་རྩལ་ཅུས་ཤང་དང་གྲོང་རྡལ17གྱི་ལས་བྱེད་པ42བསྡུས་ནས་ཞིང་ལས་ལག་རྩལ་གྱི་གསོ་སྦྱོང་འཛིན་གྲྭ་བཙུགས་པ་རེད།
     ཐེངས་འདིའི་གསོ་སྦྱོང་འཛིན་གྲྭ་བཙུགས་པའི་དམིགས་ཡུལ་ནི་གཞི་རིམ་གྱི་ཞིང་ལས་ལག་རྩལ་མི་སྣའི་བྱང་ཚད་དང་ནུས་རྩལ་མཐོར་འདེགས་གཏོང་བ་དང་། ཚན་རྩལ་གྱིས་ཞིང་ལས་ལ་ཕན་ནུས་བཏོན་ནས་ཞིང་སྡེའི་དཔལ་འབྱོར་འཕེལ་རྒྱས་ཡོང་ཞིང་དེང་རབས་ཅན་གྱི་ཞིང་ལས་ལ་སྐུལ་སྤེལ་གཏོང་ཆེད་རེད།
     ཐེངས་འདིའི་གསོ་སྦྱོང་བྱེད་སྒོར་གྲུབ་འབྲས་དངོས་སུ་ཐོབ་པའི་ཆེད་དུ། རྫོང་དེས་དཔྱིད་རྨོས་དུས་སྐབས་དང་ཟུང་འབྲེལ་བྱས་ནས་གསོ་སྦྱོང་གི་སློབ་ཚན་ལུགས་མཐུན་གྱིས་བཀོད་སྒྲིག་བྱས་ལ། གསོ་སྦྱོང་བྱེད་པའི་ཁྲོད་རིགས་གཞུང་འགྲེལ་བཤད་དང་ཡུལ་དངོས་ལག་ལེན་ཟུང་འབྲེལ་བྱས་ནས་སློབ་ཁྲིད་བྱས་པར་མ་ཟད། ཞིང་ལས་མཁས་ཅན་གྱིས་གྲོའི་སྙེ་ནག་ནད་སྔོན་འགོག་བྱེད་ལུགས་སྐོར་གཙོར་བཟུང་ནས་འགྲེལ་བཤད་བརྒྱབ་པ་དང་། རིམས་འགོག་ས་བོན་དང་། སྐྱོན་མེད་སོན་བཟང་། ས་བོན་སྨན་བསྲེས། ས་བོན་འདེབས་ལུགས་སྐོར་ངོ་སྤྲོད་བྱས། ད་དུང་ལས་ཡུལ་དངོས་སུ་ས་བོན་སྨན་བསྲེས་བྱེད་སྟངས་དཔེ་མཚོན་བརྗོད་གཞི་བྱས་ནས་ཞིང་ལས་ཚན་རྩལ་སྐོར་གྱི་དོགས་གནད་ཡོད་པའི་གནད་དོན་ལ་འགྲེལ་བཤད་བྱས།