འབའ་རྫོང་གིས་སྐབས་དང་པོའི་བོད་སྨན་འཇོན་ཐང་མི་སྣའི་ཟབ་སྦྱོང་འཛིན་གྲྭ་བསྡུས།

    བོད་སྨན་དང་སྨན་རྫས་ཤེས་བྱ་ཁྱབ་གདལ་ཏུ་གཏོང་བ་དང་།   འབའ་རྫོང་ཡོངས་ཀྱི་འཕྲོད་བསྟེན་ལག་རྩལ་མི་སྣའི་བོད་སྨན་དང་སྨན་རྫས་གཞུང་ལུགས་ཀྱི་བྱང་ཚད་དང་ཆུ་ཚད་ཇེ་མཐོར།  བོད་སྨན་དང་སྨན་རྫས་ནད་རིགས་སྔོན་འགོག་ལག་ལེན་བྱེད་པའི་ལག་རྩལ་ཇེ་བཟང་། བོད་སྨན་དང་སྨན་རྫས་ཁྱད་ཆོས་དང་བཟང་ཆ་གང་ལེགས་ཀྱིས་འདོན་སྤེལ་བྱས་ཏེ། འབའ་རྫོང་ཡོངས་ཀྱི་མི་དམངས་མང་ཚོགས་ལ་བདེ་ཐང་ཞབས་ཞུ་གང་བཟང་སྒྲུབ་པར།  ཟླ4བའི་ཚེས10ཉིན་ནས་བཟུང་། འབའ་རྫོང་འཕྲོད་བསྟེན་དང་འཆར་ལྡན་བུ་སྐྱེ་ཅུས་ཞིང་ཆེན་དང་ཁུལ་རིམ་པའི་བོད་སྨན་ཆེད་མཁས་མི་སྣ་ལ་འབྲེལ་གཏུག་བྱས་ནས་འབའ་རྫོང་གི་རིམ་པ་སོ་སོའི་སྨན་བཅོས་ལས་ཁུངས་དང་བོད་སྨན་སྨན་རྫས་ལས་ཞུགས་ཞབས་ཞུའི་མི་སྣ་བཅས་ལ་ཉིན9རིང་གི་ཟབ་སྦྱོང་བྱས།
     ཐེངས་འདིའི་ཟབ་སྦྱོང་གིས་ཁྱོན་ཡོངས་ནས་བོད་སྨན་སྨན་རྫས་བདེ་ཐང་ཞབས་ཞུའི་འཕེལ་རྒྱས་འཆར་འགོད་ལག་བསྟར་དོན་འཁྱོལ་བྱས་པ་དང་། རྫོང་དང་ཞང་། སྡེ་བ་རིམ་པ་གསུམ་གྱི་བོད་སྨན་སྨན་རྫས་ཞབས་ཞུའི་དྲ་རྒྱའི་མ་ལག་འཐུས་ཚང་དུ་བཏང་།   གཙོ་བོ་བོད་སྨན་སྨན་རྫས་ལུས་གསོ་ལུས་སྲུང་དང་སྨན་བཅོས་གད་གསོའི་ཞབས་ཞུ་སྐུལ་འདེད། བོད་སྨན་སྨན་རྫས་ཐོན་ཁུངས་ཀྱི་བཟང་ཆ་ཐོན་ལས་བཟང་ཆས་བསྒྱུར་བའི་གོམ་སྟབས་ཇེ་མགྱོགས་སུ་གཏོང་བ་བཅས་ཀྱིས་ཐད་ལ་སྤེལ་བའི་ཟབ་སྦྱོང་གལ་ཆེན་ཞིག་ཡིན་པ་དང་། ཟབ་སྦྱོང་ཞིང་ཆེན་དང་ཁུལ་རིམ་པའི་བོད་སྨན་སྨན་རྫས་ཆེད་མཁས་དགེ་རྒན་གདན་འདྲེན་བྱས་ཏེ་སློབ་ཁྲིད་བྱེད་པ་དང་རྒྱུགས་ལེན་པ་སོགས་ཀྱི་བྱེད་ཐབས་སྤྱད་ནས་སྤེལ་བ་དང་། རྫོང་ཡོངས་ནས་བོད་སྨན་སྨན་རྫས་ལས་ཞུགས་མི་སྣ་ཟབ་སྦྱོང་ཁྲོད་ཞུགས།
     ཐེངས་འདིའི་ཟབ་སྦྱོང་སྤེལ་ནས། འབའ་རྫོང་ནས་བོད་སྨན་སྨན་རྫས་ནད་བཅོས་བཟོ་བསྐྲུན་ལག་བསྟར་བྱེད་པར་སྐུལ་འདེད་ཀྱི་ནུས་པ་གལ་ཆེན་ཐོན་ཡོད་པ་མཉམ་དུ། འབའ་རྫོང་གི་བོད་སྨན་སྨན་རྫས་ལས་ཞུགས་མི་སྣའི་ལག་རྩལ་ཆུ་ཚད་དང་ཞབས་ཞུའི་ནུས་པ་མཐོར་འདེགས་སུ་གཏོང་བར་དོན་སྙིང་གལ་ཆེན་ལྡན།