སི་ཁྲོན་བོད་སྐད་ནང་བསྟན་སློབ་གླིང་གསར་བཞེངས་བྱེད་མགོ་བརྩམས།

     ཉེ་སྔོན། སི་ཁྲོན་བོད་སྐད་ནང་བསྟན་སློབ་གླིང་གསར་བཞེངས་ཨར་ལས་ཀྱི་འགོ་ཚུགས་དང་རྨང་འདིང་མཛད་སྒོ་དེ་ཁྲེང་ཏུའུ་གྲོང་ཁྱེར་ཕི་ཞིན་རྫོང་གི་ཐང་ཁྲང་གྲོང་རྡལ་དུ་སྤེལ་བ་རེད། སི་ཁྲོན་ཞིང་ཆེན་ཏང་ཨུའི་རྒྱུན་ཨུ་དང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཚུའེ་པའོ་ཧྭ་འགོ་ཚུགས་མཛད་སྒོར་ཞུགས་ཏེ་གསུང་བཤད་གནང་བ་དང་། ཀྲུང་གོའི་བོད་ཀྱི་སྐད་ཡིག་ཚན་ཁག་མཐོ་རིམ་ནང་བསྟན་སློབ་གླིང་དང་བོད་ལྗོངས་ནང་བསྟན་སློབ་གླིང་གིས་རྟེན་འབྲེལ་ཞུས་ཤིང་ཁྲེང་ཏུའུ་རུ་ཀྲུང་ཧྭ་རིག་གནས་དང་ནང་བསྟན་ཆོས་ལུགས་ཀྱི་གྲོས་ཞིབ་ཚོགས་འདུར་ཞུགས་པའི་ཆེད་མཁས་པ་དང་བླ་སྤྲུལ་སྐྱེས་ཆེན་དམ་པ་རྣམས་ཀྱིས་བདེན་དཔང་གནང་བ་རེད།
     སློབ་གླིང་གསར་པའི་ཁང་སའི་ཇུས་འགོད་རྒྱ་ཁྱོན་ས་མུའུ116.72ཡིན་ཞིང་དུས་རིམ་དང་པོར་མ་དངུལ་སྒོར་དུང་ཕྱུར1.615གཏང་རྒྱུ་ཡིན་ལ། སང་ལོའི་སྟོན་དུས་འཛུགས་སྐྲུན་ཨར་ལས་གྲུབ་ནས་བེད་སྤྱོད་བྱ་འགོ་བརྩམ་རྒྱུ་དང་། སློབ་འགོ་ཚུགས་དུས་འབྲིང་རིམ་སློབ་མའི་གོ་རྟགས་འཛིན་གྲྭ་དང་མཐོ་རིམ་སློབ་མའི་གོ་རྟགས་འཛིན་གྲྭ སྤྲུལ་སྐུའི་འཛིན་གྲྭ ཆེད་དོན་གསོ་སྦྱོང་འཛིན་གྲྭ་བཅས་གཟུགས་རྒྱུ་ཡིན་ཞིང་སློབ་མ400ཙམ་བསྡུ་རྒྱུ་རེད། སློབ་གླིང་བཞེངས་རྗེས་དེ་ནི་སི་ཁྲོན་བོད་བརྒྱུད་ནང་བསྟན་ཆོས་ལུགས་ཀྱི་ཆེས་མཐོ་བའི་སློབ་གླིང་ཡིན།