སྤྲིན་གྱི་ཕོ་ཉའི་ལས་གཞི་ཐོག་མ་དེ་སྦྲ་སར་དགོན་པའི་མི་ཕམ་ཤེས་རིག་སློབ་གླིང་དུ་སྤེལ།

     ཕོ་ཉ་བ་ཚེ་རིང་བཀྲ་ཤིས་ཀྱིས་སྤྲིན་གྱི་ཕོ་ཉའི་ལས་གཞི་ཐོག་དང་པོ་སྦྲ་སར་དགོན་པའི་མི་ཕམ་ཤེས་རིག་སློབ་གླིང་དུ་སྤེལ་ཞིང་། སྤྲིན་གྱི་ཕོ་ཉ་ཞེས་པ་ནི་འབྲོག་སའི་རྩྭའི་ཁོར་སྲུང་གི་ལས་གཞི་ཞིག་ཏེ་གཙོ་བོ་ཁོར་ཡུག་སྲུང་སྐྱོབ་སྐོར་གྱི་ཤེས་བྱ་དག་ཡུལ་ཤུལ་དང་མགོ་ལོག་ས་གནས་ཀྱི་ཕོ་ཉ་བ་དག་གིས་དམངས་ཁྲོད་དུ་དྲིལ་བསྒྲགས་བྱ་རྒྱུ་དེ་ཡིན། ལས་གཞི་འདི་ནི་འབྲོག་སའི་རྩྭ་དང་ཡུལ་སྡེའི་མིག་གཉིས་མཉམ་འབྲེལ་སྒོས་མགོ་བརྩམས་པ་ཡིན། 
     FFIའབྲོག་སའི་རྩྭའི་སྤྲིན་གྱི་ཕོ་ཉ་ཞེས་པའི་ལས་གཞི་དེ་ཕོ་ཉ་བ་དག་གིས་ད་ལོའི་ཟླ9བ་ནས་མགོ་ཚུགས། 2015ལོའི་ཟླ9བའི་ཚེས4ཉིན་གྱི་ཆུ་ཚོད4:30ཀྱི་སྟེང་ཕོ་ཉ་བ་ཚེ་རིང་བཀྲ་ཤིས་ཀྱིས་ཚོད་ལྟའི་ཚུལ་དུ་སྤྲིན་གྱི་ཕོ་ཉའི་ལས་གཞི་ཐོག་དང་པོ་སྦྲ་སར་དགོན་པའི་མི་ཕམ་ཤེས་རིག་སློབ་གླིང་གི་དགེ་སློབ34ཙམ་ལ་ཤིང་ཟོམ་ཞེས་པའི་གློག་བརྙན་དེ་བསྟན། ཤིང་ཟོམ་ལ་རིགས་ལྔ་རུ་ཕྱེས་ཡོད་དེ་ཆུ་ཟོམ་དང་། དཀྲུག་ཟོམ། འོ་ཟོམ། མར་ཟོམ། ཞོ་ཟོམ་བཅས་མིང་དང་བྱེད་ནུས་དག་དགེ་སློབ་ཚོར་ཤེས་སུ་བཅུག