མཚོ་སྔོན་དགེ་ཐོན་སློབ་ཆེན་དང་ཚྭ་མཚོ་བཟོ་ལས་ཀུང་སི་གཉིས་ཀྱིས་མཉམ་ལས་གྲོས་མཐུན་བཞག་པ།

     ཉེ་ལམ། མཚོ་སྔོན་ཞིང་ཆེན་དགེ་ཐོན་སློབ་ཆེན་དང་མཚོ་སྔོན་ཚྭ་མཚོ་བཟོ་ལས་མ་རྐང་ཚད་ཡོད་ཀུང་སི་གཉིས་ཀྱིས་འཐབ་ཇུས་མཉམ་ལས་ཀྱི་གྲོས་མཐུན་ལ་མིང་རྟགས་བཀོད།
     ཕྱོགས་གཉིས་ནས་ཕན་ཚུན་གྱི་དགེ་མཚན་ལ་ཁ་གསབ་བྱེད་པའི་རྨང་གཞིའི་ཐོག་སློབ་གྲྭ་དང་ཁེ་ལས་མཉམ་ལས་ཀྱི་འཐབ་ཇུས་ལག་ལེན་དུ་བསྟར་རྒྱུ་ཐག་བཅད་པ་དང་། དེ་མ་ཟད་ཚྭ་མཚོ་སློབ་གླིང་དང་། འཇོན་མི་སྐྱེད་སྲིང་། རྒྱལ་ཁབ་རིམ་པའི་ཞིབ་འཇུག་གསར་སྤེལ་རྟེན་གཞི་འཛུགས་སྐྲུན། ཆ་འཕྲིན་ཞབས་ཞུ། ཕན་ཚུན་བར་བརྗེ་སྤེལ་ལ་སོགས་ཀྱི་ཕྱོགས་ནས་མཉམ་ལས་ཀྱི་གྲོས་ཁ་གཅིག་ཏུ་འཆམ་བྱུང་བ་རེད། གྲོས་མཐུན་དེར་མཚོན་ན། སློབ་གྲྭ་དེ་དང་ཁེ་ལས་དེ་གཉིས་བར་གྱི་མཉམ་ལས་འཕེལ་རྒྱས་ལ་ཡར་སྐུལ་དང་། དཔལ་འབྱོར་དང་སྤྱི་ཚོགས་གོང་སྤེལ་ལ་ཞབས་ཞུ་འདོན་པའི་ནུས་པ་ཇེ་དྲག་ཏུ་གཏོང་བའི་འཐབ་ཇུས་ཀྱི་བདམས་ཀ་ཞིག་དང་། སློབ་གྲྭ་དང་ཁེ་ལས་ཕྱོགས་གཉིས་ཀྱི་གསར་གཏོད་གོང་སྤེལ་དང་། མཐུན་སྦྱོར་འཕེལ་རྒྱས། ལྗང་མདོག་འཕེལ་རྒྱས། ཕྱི་གློད་འཕེལ་རྒྱས། འཕེལ་རྒྱས་མཉམ་སྤྱོད་བཅས་ལེགས་འགྲུབ་འབྱུང་བའི་བྱེད་ཐབས་གལ་ཆེན་ཞིག་རེད་ལ། སློབ་ཆེན་དེའི་འཕེལ་སྟངས་ལེགས་བསྒྱུར་དང་། སློབ་གྲྭ་རང་ཉིད་བཀོལ་སྤྱོད་ལྡན་པའི་ཕྱོགས་བསྡུས་སློབ་ཆེན་ཞིག་ཏུ་བསྐྲུན་པར་འཕྲལ་ཕུགས་ཀྱི་ཆ་གང་རུང་ནས་དོན་སྙིང་གལ་ཆེན་ལྡན་པ་རེད།