ངོས་དང་པོ > སྐབས་དོན། > སྣ་ཚོགས། > ཀན་ལྷོའི་འབྲུག་ཆུར་བོད་ཡིག་ལག་བྲིས་ཀྱི་བོན་ཆོས་དཔེ་ཆ་བམ་པོ2500ལྷག་ཙམ་རྙེད་པ།

ཀན་ལྷོའི་འབྲུག་ཆུར་བོད་ཡིག་ལག་བྲིས་ཀྱི་བོན་ཆོས་དཔེ་ཆ་བམ་པོ2500ལྷག་ཙམ་རྙེད་པ།

རྩོམ་པ་པོ།：མི་གསལ། ཡོང་ཁུངས།：ཀྲུང་གོའི་བོད་ལྗོངས་དྲ་བ། དུས་ཚོད།：2016-01-13 10:28:00 ཀློག་གྲངས།：

     ཉེ་ཆར། ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་ནས་ཤེས་རྟོགས་བྱུང་བ་ལྟར་ན། ས་ཆ་དེ་གར་གནའ་གཞུང་ཡོངས་ཁྱབ་ཞིབ་བཤེར་བྱེད་རིང་། ཀན་ལྷོ་ཁུལ་འབྲུག་ཆུ་རྫོང་ཁོངས་ནས་བོད་ཡིག་ལག་བྲིས་ཀྱི་བོན་ཆོས་དཔེ་ཆ་བམ་པོ2500ལྷག་ཙམ་རྙེད་པ་རེད།
     ཀན་ལྷོ་ཁུལ་རིག་གནས་རླུང་འཕྲིན་བརྙན་འཕྲིན་ཅུས་ཀྱི་ལས་དོན་མི་སྣས་རང་བྱུང་གྲོང་ཚོ10ལྷག་ཙམ་ལ་གནའ་གཞུང་ཡོངས་ཁྱབ་ཞིབ་བཤེར་བྱེད་སྐབས། བོད་རིགས་གྲོང་མི་དུད་ཚང12ལ་བོན་ཆོས་ཀྱི་དཔེ་ཆ་པོ་ཏི180ལྷག་ཙམ་དང་བམ་པོ2500ལྷག་ཙམ་ཉར་ཚགས་བྱས་ཡོད་པར་ཁྱོན་ཤོག་ལྷེ2150ལྷག་ཙམ་ཡོད་པ་དང་གནོད་ཟློག་པར་རིས80ལྷག་ཙམ་རྙེད་བྱུང་ཞེས་ངོ་སྤྲོད་བྱས་པ་རེད། ཀན་ལྷོ་ཁུལ་རིག་གནས་རླུང་འཕྲིན་བརྙན་འཕྲིན་ཅུས་ཀྱི་ཅུས་ཀྲང་གཞོན་པ་ལུའོ་ཁྲང་ཧྲེང་གིས“ཡི་གེ་གཞིར་བཟུང་དབྱེ་འབྱེད་བྱས་པར་དཔེ་ཆ་དེ་དག་ནི་སྤྱི་ལོའི་དུས་རབས7པར་བཤུས་པ་དང་། དེ་ནི་བོད་ཡིག་བྱུང་རྗེས་ཀྱི་ཆེས་གདོད་མའི་ཟིན་ཐོ”ཞིག་རེད་ཅེས་བཤད་པ་དང་། བོན་ཆོས་ཀྱི་དཔེ་ཆ་རྙེད་རྗེས་ས་ཆ་དེ་གར་ཆིང་ཧྭ་སློབ་ཆེན་དང་། ལན་གྲུའུ་སློབ་ཆེན། ནུབ་བྱང་དགེ་འོས་སློབ་ཆེན་སོགས་སྒྲིག་གཞིའི་རིགས་གཅིག་མཁས་ཅན་གདང་དྲངས་ནས་དཔེ་ཆར་ཆོད་སྡོམ་བྱས་པ་རེད།
     རིགས་གཅིག་མཁས་ཅན་གྱིས་ཆོད་སྡོམ་རགས་ཙམ་བྱས་པར་གཞིགས་ན། དཔེ་ཆ་དེ་དག་ནང་འབྲུག་ཆུ་རྒྱུག་ཁུལ་གྱི་བོད་མི་རིགས་ཀྱི་ལོ་རྒྱུས་རིག་གནས་ཐོ་འགོད་བྱས་པ་དེ་ཏུན་ཧོང་ཡིག་ཆའི་ནང་གི་གནའ་བོའི་བོད་ཡིག་ཡིག་ཆའི་དེབ་བཤུས་མ་དང་འདྲ་ལ། དེའི་རིག་དངོས་རིན་ཐང་དང་ལོ་རྒྱུས་དཔྱད་གཞིའི་རིན་ཐང་ཆེན་པོ་ཡོད་པ་རེད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com