《མངའ་རིས་ལྡེབས་རིས》ལ་སྐབས་དགུ་བའི་ཧྲང་ཧེའི་པར་སྐྲུན་གྱི་བྱ་དགའ་ཆེན་མོ་ཐོབ་པ།

     ཉེ་ལམ་བསྡུས་པའི་སྐབས་དགུ་བའི་ཧྲང་ཧེའི་པར་སྐྲུན་གྱི་བྱ་དགའ་ཆེན་མོ་ཁྲོད། 《མངའ་རིས་ལྡེབས་རིས》ལ་པར་སྐྲུན་དངོས་པོའི་ཚོང་ལས་པར་སྐྲུན་རིགས་ཀྱི་བྱ་དགའ་ཆེན་མོ་ཐོབ།
     རྒྱུས་ལོན་པ་ལྟར་ན། སྐབས་དགུ་བའི་ཧྲང་ཧེའི་པར་སྐྲུན་གྱི་བྱ་དགའ་ཆེན་མོར་བསྡོམས་པས་པར་སྐྲུན་བྱ་དགའ་ཆེན་མོ2ལེགས་འདེམ་བྱས་ཤིང་། དེ་ལས་ཀྲེའེ་ཅང་སློབ་ཆེན་དང་མངའ་རིས་ས་ཁུལ་རིག་གནས་ཅུའུ་གཉིས་ཀྱིས་མཉམ་འབྲེལ་དང་ཧྲང་ཧེ་ཡཱ་ཁྲང་སྒྱུ་རྩལ་པར་སྐྲུན་ཚད་ཡོད་ཀུང་ཟིས་པར་སྐྲུན་བྱས་པའི་ལྡེབས་རིས་ཨང་ཀི་ཅན་གྱི་གྲུབ་འབྲས《མངའ་རིས་ལྡེབས་རིས》ལ་པར་སྐྲུན་དངོས་པོའི་ཚོང་ལས་པར་སྐྲུན་རིགས་ཀྱི་བྱ་དགའ་ཆེན་མོ་ཐོབ།
     སྐབས་དགུ་བའི་ཧྲང་ཧེའི་པར་སྐྲུན་གྱི་བྱ་དགའ་ཆེན་མོའི་ལེགས་འདེམ་མིང་ཐོ་འགོད་པའི་བྱ་བ་ནི2015ལོའི་སྤྱི་ཟླ6པར་མགོ་བརྩམས་ཤིང་བསྡོམས་པས་རྒྱལ་ཡོངས་ས་ཁུལ་སོ་སོའི་ཞིང་ཆེན(གྲོང་ཁྱེར)7ཡི་སྡེ་ཁག141གིས་འདེམ་སྐྱེལ་བྱས་པའི་ཐོན་རྫས896འབྱོར་བ་དང་། མཐའ་མཇུག་གི་ལེགས་འདེམ་ལ་ཚུད་པའི་ཐོན་རྫས320ཡིན།