མཚོ་སྔོན་ཞིང་ཆེན་གྱིས་ཆེས་ཐོག་མའི་ཚལ་རྔ་འགག་རྟགས་མའི་རྒྱང་རྒྱུགས་ལུས་རྩལ་འགྲན་ཚོགས་བསྡུ་རྒྱུ་ཡིན་པ།

     གསར་འགོད་པས་རྒྱུས་ལོན་པ་ལྟར་ན། སྤྱི་ཟླ6པའི་ཚེས25ནས26ཉིན་བར། མཚོ་སྔོན་ཞིང་ཆེན་གྱིས་ཆེས་ཐོག་མའི་ཚལ་རྔ་འགག་རྟགས་མའི་རྒྱང་རྒྱུགས་ལུས་རྩལ་འགྲན་ཚོགས་དེ་ཚལ་རྔ་འགག་ལྗོངས་ཁུལ་ནས་བསྡུ་རྒྱུ་རེད།
     ཐེངས་འདིའི་བྱ་འགུལ་ཁྲོད་གསར་གཏོད་ཀྱི་རྣམ་པ་བརྒྱུད་དེ་ཐོན་ཁུངས་ཧྲིལ་སྒྲིག་བྱེད་པ་དང་། རིམ་པ་ཁག་གི་ལུས་རྩལ་སྡེ་ཁག་དང་སྤྱི་ཚོགས་སྟོབས་ཤུགས་ལ་སྐུལ་སློང་དང་སྣེ་སྟོན་བྱས་ཏེ་འཚོ་བ་དངོས་ལ་ཐག་ཉེ་བའི་ལུས་རྩལ་སྦྱོང་བརྡར་བྱ་འགུལ་རྒྱ་ཆེར་སྤེལ་ཞིང་། རྒྱ་ཆེའི་མང་ཚོགས་རང་འགུལ་གྱིས་ལུས་སྦྱོང་བྱ་འགུལ་ཁྲོད་ཞུགས་པའི་འདུ་ཤེས་ཇེ་མཐོར་བཏང་སྟེ། མི་དམངས་མང་ཚོགས་ལ་ལུས་སྦྱོང་གི་སྤྲོ་བ་ཆེ་རུ་སྐྱེད་ནས་སྤྱི་ཚོགས་ཁྲོད་ལུས་སྦྱོང་ལ་བརྩི་བཀུར་དང་རྒྱབ་སྐྱོར། ལུས་སྦྱོང་བྱ་བར་སྐུལ་འདེད་བྱེད་པའི་སྣང་བརྙན་བཟང་བོ་ཆགས་སུ་འཇུག་པར་དོན་སྙིང་གལ་ཆེན་ལྡན།