གསེར་ཆེན་རྫོང་གིས་དམངས་ཀྱི་གར་སྟེགས་ཆེན་མོའི་ཕུལ་བྱུང་རིག་རྩལ་ལེ་ཚན་འགྲེལ་སྟོན་བྱ་འགུལ་སྤེལ་བ།

གསེར་ཆེན་རྫོང་གིས་དམངས་ཀྱི་གར་སྟེགས་ཆེན་མོའི་ཕུལ་བྱུང་རིག་རྩལ་ལེ་ཚན་འགྲེལ་སྟོན་བྱ་འགུལ་སྤེལ་བ།

     དམངས་ཀྱི་རིག་གནས་འཚོ་བ་ཕུན་སུམ་ཇེ་ཚོགས་དང་། སྔོན་ཐོན་མི་རིགས་ཀྱི་ས་ཁོངས་རིག་གནས་འཕེལ་རྒྱས་གཏོང་བ། གཟའ་མཇུག་གི་རིག་རྩལ་བྱ་འགུལ་ལ་མང་ཚོགས་ཟབ་ཞུགས་ཉུང་བའི་དངོས་ཡོད་དམིགས་ནས་གུང་ཧོ་རྫོང་རིག་གནས་རྒྱང་སྒྲོག་བརྙན་འཕྲིན་ཅུའུ་ཡིས་གཙོ་སྒྲུབ་དང་གུང་ཧོ་རྫོང་རིག་གནས་ཁང་གིས་འགན་སྒྲུབ་གནང་བའི༼དམངས་ཀྱི་གར་སྟེགས་ཆེན་མོ༽ཞེས་པའི་གཟའ་མཇུག་རིག་རྩལ་བྱ་འགུལ་དེ་སྤྱི་ལོ2016ལོའི་ཟླ5བའི་ཟླ་དཀྱིལ་ནས་སྤེལ་མགོ་བརྩམས་པ་ཡིན། འདི་ནི་ཆབ་ཆ་གྲོང་རྡལ་མང་ཚོགས་ཀྱི་རིག་གནས་འཚོ་བའི་ཁྲོད་ཀྱི་དོན་བཟང་ཞིག་ཡིན་པར་མ་ཟད། གུང་ཧོ་རྫོང་རིག་གནས་རྒྱང་སྒྲོག་བརྙན་འཕྲིན་ཅུའུ་ཡིས་ཆབ་ཆའི་མང་ཚོགས་ལ་བསྒྲུབས་པའི་རིག་གནས་ཀུན་ཕན་གྱི་དོན་ཆེན་བཟང་བོ་ཞིག་ཀྱང་ཡིན།

ཡུལ་དངོས་ཀྱི་འཁྲབ་སྟོན།

     སྤྱི་ཟླ10བའི་ཚེས27ཉིན་གྱི་ཕྱི་དྲོར། མཚོ་སྔོན་པོ་ཐང་ཆེན་དུ2016ལོའི༼དམངས་ཀྱི་གར་སྟེགས་ཆེན་མོ༽འི་རིག་རྩལ་ཆེད་འཚོགས་ཀྱི་ཕུལ་བྱུང་ལེ་ཚན་འགྲེམ་སྟོན་དང་བྱ་དགའ་སྟེར་བའི་མཛད་སྒོ་བསྡུས་པ་རེད། དམངས་ཀྱི་གར་སྟེགས་ཆེན་མོའི་བྱ་འགུལ་འདི་ལོ་ཧྲིལ་བོར་ཐེངས4ལ་སྤེལ་ཅིང་། ལས་ཁུངས30ལྷག་ཞུགས་པ་སྟེ། འཕྲོད་བསྟེན་སྡེ་ཁག་དང་ཁྲིམས་འཛིན་སྡེ་ཁག སློབ་གྲྭ་སོ་སོ་དང་གཞིས་ཁུལ་བཅས་ཡོད། ཐེངས་འདིའི་བྱ་འགུལ་ནི་ད་ལོའི་ འཁྲབ་སྟོན་མཐའ་མ་དེ་ཡིན་ལ། སྔ་མའི་བྱ་འགུལ44ལས་བདམས་ཐོན་བྱུང་བའི་ཕུལ་བྱུང་ལེ་ཚན་སྟེ། དམངས་གླུ་དང་ཞབས་བྲོ། རྡུང་ལེན་སོགས་ཡིན། འདིས་སྟོན་ཟླ་བཅུ་བའི་ཆབ་ཆ་ལ་ཕུན་སུམ་་ཚོགས་པའི་རིག་གནས་སྒྱུ་རྩལ་གྱི་མཆོད་པ་ཞིག་བཤམས་ཤིང་། ས་གནས་མི་དམངས་ཀྱི་ནད་མེད་བདེ་སྐྱིད་ཀྱི་འཚོ་བ་དང་ལྷོད་མེད་མདུན་སྐྱོད་ཀྱི་སྙིང་སྟོབས་གསོན་པོ་དེ་མངོན་པར་མཚོན་ཡོད་པ་རེད།

བྱ་དགའ་ཐོབ་པའི་མི་སྒེར་དང་ལས་ཁུངས།