ངོས་དང་པོ > སྐབས་དོན། > སྣ་ཚོགས། > གམ་པ་རྫོང་གླིང་དཀར་གྲོང་ཚོས་སོ་ནམ་ལོ་གསར་དགའ་གཏོང་བྱེད།

གམ་པ་རྫོང་གླིང་དཀར་གྲོང་ཚོས་སོ་ནམ་ལོ་གསར་དགའ་གཏོང་བྱེད།

རྩོམ་པ་པོ།：ཚེ་དབང་དཔལ་འབྱོར། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2017-02-06 08:43:00 ཀློག་གྲངས།：

གྲོང་མི་རྣམས་འཁྲུག་ཆ་དོད་པའི་སྒོ་རའི་ནང་གྲལ་གྱི་བཞུགས་པ།

གཙང་ཁུལ་དུ་བོད་ཟླ་བཅུ་གཉིས་པའི་ཚེས་གཅིག་ལ་ལོ་གསར་གཏོང་སྲོལ་ཡོད་པ་དང་དེའི་རྒྱུ་མཚན་གཙོ་བོ་ནི་གཙང་ཁུལ་དུ་ཞིང་ལས་ཀྱི་དུས་ཚིགས་དང་བསྟུན་ནས་སོ་ནམ་ལོ་གསར་ཞེས་པ་ཞིག་གཏོང་སྲོལ་ཆགས་ཡོད་པ་དེ་ཡིན། འདི་ལོའི་བོད་ཟླ་བཅུ་གཉིས་གྱི་ཚེས་གཅིག་ནས་བཟུང་གཞིས་རྩེའི་ས་ཕྱོགས་གང་སར་ལོ་གསར་དགའ་གཏོང་གི་རྣམ་པས་རབ་ཏུ་ཁེངས་ཡོད།
གླིང་དཀར་གྲོང་ཚོ་ནི་གཞིས་རྩེ་གྲོང་ཁྱེར་གམ་པ་རྫོང་གྲང་ལུང་ཤང་དུ་ཆགས་ཡོད་པའི་མཐའ་མཚམས་ཀྱི་ས་མ་འབྲོག་གྲོང་ཚོ་ཞིག་རེད་ལ་རྒྱ་མཚོའི་ངོས་ལས་ཆ་སྙོམས་མཐོ་ཚད་སྨི4500ཙམ་ཡོད། གྲོང་ཚོ་འདི་ནི་ཏང་གི་ཡང་དག་སྲིད་ཇུས་བཟང་པོའི་འོག་འཕེལ་རྒྱས་མྱུར་པོར་འགྲོ་བཞིན་པའི་སྔོན་ཐོན་གྲོང་ཚོ་ཞིག་ཡིན། འདི་ལོའི་སོ་ནམ་ལོ་གསར་གྱི་ཚེས་བཞི་ཉིན་གྱི་ཞོགས་པའི་ཆུ་ཚོད་བཅུ་པ་ཙམ་ལ་གྲོང་ཚོའི་མང་ཚོགས་རྣམས་ཀྱི་ལུས་ལ་དུས་ཆེན་གྱི་གཟབ་མཆོར་ལེགས་པར་སྤྲས་ཏེ་དགའ་སྤྲོའི་ངང་གྲོང་ཚོ་ཨུ་ཡོན་ལྷན་ཁང་གི་སྒོ་རའི་ནང་མཉམ་འཛོམས་གྱིས་སྒོ་ནས་འཁྲུག་ཆ་དོད་པའི་ཞབས་བྲོ་འཁྲབ་པ་དང་སྙན་པའི་ཆང་གཞས་ལེན་པ་ད་དུང་ཐག་པ་འཐེན་པ་དང་བང་རྒྱུགས་འགྲན་བསྡུར་སོགས་སྣ་མང་ཕུན་སུམ་ཚོགས་པའི་རྟེན་འབྲེལ་གྱི་བྱེད་སྒོ་སྣ་ཚོགས་སྤེལ་ཏེ་དགའ་སྤྲོའི་ངང་ནས་སོ་ནམ་ལོ་གསར་དགའ་གཏོང་བྱས་ཡོད།

ལོ་གསར་རྣམས་པའི་ཡོངས་སུ་ཁེངས་པའི་གྲོང་ཚོའི་ཟུར་ཞིག

འཁྲུག་ཆ་དོད་པའི་སྟོད་གཞས་འཁྲབ་བཞིན་པ།

ཐག་འཐེན་འགྲན་བསྡུར།

ཕན་ཚུན་ལོ་གསར་བཀྲ་ཤིས་བདེ་ལེགས་ཞུ་བཞིན་པ།