མཚོ་ལྷོ་ཡིས་ཚན་རྩལ་དང་རིག་གནས་འཕྲོད་བསྟེན་གཞི་རིམ་དུ་བསྐྱོད་པ་གསུམ་གྱི་བྱ་འགུལ་སྤེལ་བ།

            ཀྲུང་དབྱང་དང་ཞིང་ཆེན་ཏང་ཨུའི་ཡིག་ཆ་དང་པོའི་དགོངས་དོན་ལག་ལེན་གཏིང་ཟབ་བྱེད་ཆེད། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གྱིས་ཆུ་བེད་བསྒྱུར་བཀོད་འཕེལ་རྒྱས་ཇེ་མགྱོགས་སུ་གཏོང་བ་བརྗོད་བྱ་གཙོ་བོ་ཡིན་པར་དམ་པོར་དམིགས་སྟེ། རིག་གནས་དང་འཕྲོད་བསྟེན། ཚན་རྩལ་དང་ཆུ་བེད་སོགས་ཀྱི་འབྲེལ་ཡོད་སྡེ་ཁག་རྩ་འཛུགས་བྱས་ནས། མི་སྣ་ཆེད་དུ་སྐོང་འཐེན་བྱས་ནས་གཞི་རིམ་དུ་བསྐྱོད་པ་གསུམ་གྱི་བྱ་བའི་ཚན་ཆུང་བཙུགས་སྟེ། ཟླ་གཅིག་རིང་གི་དུས་ཚོད་སྤྱད་ནས་ས་ཆ་སོ་སོར་སོང་སྟེ། མང་ཚོགས་ཀྱིས་ལྟ་འདོད་དང་ཉན་འདོད་ཆེ་བའི་ཞིང་གསུམ་བྱ་བ་དམིགས་འབེན་གཙོ་བོ་ཡིན་པའི་ཚན་རྩལ་དང་རིག་གནས། འཕྲོད་བསྟེན་བཅས་ཀྱི་གཞི་རིམ་དུ་བསྐྱོད་པ་གསུམ་གྱི་བྱ་འགུལ་སྣ་ཚོགས་སྤེལ་བས་རྒྱ་ཆེའི་འབྲོག་པ་མང་ཚོགས་ཀྱིས་དགའ་བསུ་ཆེན་པོ་ཐོབ།