བསོད་ནམས་རྡོ་རྗེ་ཀྲུང་གོ་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས་ཀྱི་ཀྲུའུ་ཞི་གཞོན་པར་བདམས་པ།

             ཀྲུང་གོ་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས་ཀྱི་རྒྱལ་ཡོངས་འཐུས་མིའི་ཚོགས་ཆེན་ཐེངས་བརྒྱད་པ་ཉེ་ལམ་པེ་ཅིན་ནས་ཚོགས་པ་དང་། མཚོ་སྔོན་ཞིང་ཆེན་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས་ཀྱི་རྒྱུན་ལས་ཀྲུའུ་ཞི་གཞོན་པ་བསོད་ནམས་རྡོ་རྗེ་ཀྲུང་གོ་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས་ཀྱི་ཀྲུའུ་ཞི་གཞོན་པར་བདམས།
             བསོད་ནམས་རྡོ་རྗེ་ནི་བོད་རིགས་ཡིན་ལ། རབ་འབྱམས་པའི་ཐོབ་ཐང་ཡོད་པ་དང་། ད་ལྟ་ཀྲུང་གོ་གྲངས་ཉུང་མི་རིགས་སྐད་བརྡའི་རྩོམ་རིག་གི་འབུམ་རམས་པའི་ཐོབ་ཐང་ལེན་པར་སློབ་གཉེར་བྱེད་བཞིན་ཡོད། ཁོས་ད་སྐབས་མཚོ་སྔོན་ཞིང་ཆེན་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས་ཀྱི་རྒྱུན་ལས་ཀྲུའུ་ཞི་གཞོན་པ་དང་ཞོར་དུ་ཀྲུང་གོ་དམངས་ཁྲོད་རྩོམ་རིག་སྒྱུ་རྩལ་པའི་མཐུན་ཚོགས་ཀྱི་ལས་འཛིན་པ་དང་མཚོ་སྔོན་ཞིང་ཆེན་རྩོམ་རིག་སྒྱུ་རྩལ་མཉམ་འབྲེལ་ལྷན་ཚོགས་ཀྱི་ཨུ་ཡོན།  མཚོ་སྔོན་ཞིང་ཆེན་གཟུགས་འདས་ཤུལ་བཞག་རིག་གནས་སྲུང་སྐྱོབ་ཨུ་ཡོན་ལྷན་ཁང་གི་ཨུ་ཡོན། མཚོ་སྔོན་ཞིང་ཆེན་བོད་ཀྱི་དྲ་བའི་གདན་ཞུའི་ཆེད་མཁས་པ་བཅས་ཀྱི་འགན་ཁུར་ཡོད།