“ཨ་མྱེ་རྨ་ཆེན་གངས་རིའི་གཏམ་རྒྱུད་དང་པདྨའི་རྡོ་མཁར་བཟོ་སྐྲུན་ལག་རྩལ”དངོས་མིན་ཤུལ་བཞག་མིང་དེབ་ཏུ་བཀོད།

            ཉེ་ལམ། རྒྱལ་སྲིད་སྤྱི་ཁྱབ་ཁང་གིས་སྐོར་ཐེངས་གསུམ་པའི་དངོས་མིན་ཤུལ་བཞག་རིག་གནས་ཀྱི་མིང་ཐོ་ཁྲོམ་བསྒྲགས་བྱས་པར། མགོ་ལོག་ཁུལ་གྱིས་སྙན་ཞུ་ཕུལ་བའི“ཨ་མྱེ་རྨ་ཆེན་གངས་རིའི་གཏམ་རྒྱུད་དང་པདྨའི་རྡོ་མཁར་བཟོ་སྐྲུན་ལག་རྩལ”འདེམས་ཐོན་ལེགས་འགྲུབ་བྱུང་། འདི་ནི་མཚོ་སྔོན་ཞིང་ཆེན་ནས་འདེམས་ཐོན་བྱུང་བའི་རྒྱལ་ཁབ་རིམ་པའི་དངོས་མིན་ཤུལ་བཞག་རིག་གནས་ཀྱི་མིང་དེབ་ཏུ་བཀོད་པའི་ལས་ཁག་ཉག་གཅིག་ཡིན། ད་བར་དུ། མགོ་ལོག་ཁུལ་ནས་རྒྱལ་ཁབ་རིམ་པའི་དངོས་མིན་ཤུལ་བཞག་རིག་གནས་ཀྱི་མིང་ཐོའི་སྟེང་བཀོད་པའི་ལས་ཁག4ཡོད་དེ། “མཚོ་སྔོན་རྟ་འཆམ”དང་“སྡེར་ནང་ས་བྲིས” “ པདྨའི་རྡོ་མཁར་བཟོ་སྐྲུན་ལག་རྩལ”  “ཨ་མྱེ་རྨ་ཆེན་གངས་རིའི་གཏམ་རྒྱུད”བཅས་ཡིན། ཞིང་ཆེན་རིམ་པའི་དངོས་མིན་ཤུལ་བཞག་རིག་གནས་ཀྱི་མིང་དེབ་ཏུ་བཀོད་པའི་ལས་ཁག3ཡོད་དེ། “གཉན་པོ་གཡུ་རྩེའི་གཏམ་རྒྱུད”དང་“སེང་ལྕམ་འབྲུག་མོའི་གཏམ་རྒྱུད” “རྨ་ཡུལ་གེ་སར་གྱི་ལོ་རྒྱུས་སྙན་རྩོམ”བཅས་ཡིན།
            མགོ་ལོག་ཁུལ་སྲིད་གཞུང་གིས་ཁུལ་དང་རྫོང་རིག་གནས་སྲིད་འཛིན་སྡེ་ཁག་ལ་དངོས་མིན་ཤུལ་བཞག་རིག་གནས་ཀྱི་སྲུང་སྐྱོང་དང་རྒྱུད་འཛིན། དོ་དམ་བྱ་བའི་ཁྲོད་ཀྱིས“སྲུང་སྐྱོང་གཙོ་བོ་དང་མྱུར་སྐྱོབ་དང་པོ། འོས་འཚམ་བེད་སྤྱོད། རྒྱུད་འཛིན་འཕེལ་རྒྱས”ཀྱི་བྱ་བའི་བྱེད་ཕྱོགས་ལག་ལེན་མཐིལ་ཕྱིན་བྱས་ནས་དངོས་མིན་ཤུལ་བཞག་རིག་གནས་ཀྱི་ཡིག་ཚགས་དང་སྙན་ཞུ་སོགས་ཀྱི་བྱ་བར་དངོས་ཤུགས་སྣོན་པ་དང་། ཁུལ་ཡོངས་ཀྱི་དངོས་མིན་ཤུལ་བཞག་རིག་གནས་སྲུང་སྐྱོང་བྱ་བ་སྐས་རིམ་གསར་བ་ཞིག་ཏུ་སླེབས་པར་ནུས་ཤུགས་ཡོད་དགུས་སྐུལ་འདེད་གཏོང་བར་རེ་འདུན་བཏོན།