ཀྲུང་དབྱང་མི་རིགས་སློབ་ཆེན་གྱི་དངོས་མང་བཤམས་སྟོན་ཁང་དུ་བོད་ཡིག་སོགས་ཡིག་རིགས་བཤམས་སྟོན་བྱས་པ།
《རྩ་རྒྱུད》（བོད་ཡིག）
《གསང་འདུས།》（བོད་ཡིག）
ཀྲུང་དབྱང་མི་རིགས་སློབ་གྲྭ་ཆེན་མོའི་དངོས་མང་བཤམས་སྟོན་ཁང་གི་ཀྲུང་གོའི་མི་རིགས་ཀྱི་གནའ་ཡིག་དང་དཔེ་རྙིང་བཤམས་སྟོན་ཁང་དུ། བོད་ཡིག་སོགས་ཡིག་རིགས30ལྷག་བཤམས་སྟོན་བྱས་ཡོད་ཅིང་། དེ་དག་རྒྱ་ཡིག་གི་མ་ལག་ཏུ་གྱུར་བའི་མི་རིགས་ཀྱི་གནའ་ཡིག་དང་ཕྱི་ཡོང་མ་ལག་གི་མི་རིགས་ཀྱི་གནའ་ཡིག གདོད་མའི་བརྡ་འཕྲིན་མཚོན་རྟགས་དང་དཔེ་རྙིང་དཔར་མ། རང་སའི་མི་རིགས་ཀྱི་གནའ་ཡིག་བཅས་ཁག་བཞིར་བགོས་ཡོད།
རྣམ་བཅུ་དབང་ལྡན།
བརྐོས་ཡིག་ཡོད་པའི་གླེགས་ཤིང་། （བོད་ཡིག）
རང་རྒྱལ་ནི་མིའི་རིགས་ཀྱི་ཡི་གེའི་འབྱུང་གནས་ཤིག་ཡིན་པ་མ་ཟད། འཛམ་གླིང་སྟེང་གི་ཡིག་རིགས་ཆེས་མང་ཞིང་རྣམ་གྲངས་ཆེས་ཆ་ཚང་བའི་ཡི་གེའི་རྒྱལ་ཁབ་ཆེན་མོ་ཞིག་ཡིན། ཐེངས་འདིའི་བཤམས་སྟོན་གྱི་དམིགས་ཡུལ་ནི། རང་རྒྱལ་གྱི་རིན་ཐང་བྲལ་བའི་ཤུལ་བཞག་ཡི་གེ་ལ་སྲུང་སྐྱོབ་དང་དེ་དག་བཤམས་སྟོན་བྱས་ནས། མི་སྔར་ལས་མང་པོ་ཞིག་ལ་མི་རིགས་སོ་སོའི་མེས་པོ་རྣམས་ཀྱི་ཤེས་རབ་དང་བརྩོན་འགྲུས་ཤེས་སུ་འཇུག་པ་དང་། ཀྲུང་ཧྭ་མི་རིགས་ཀྱི་གཟི་འོད་འབར་བའི་རིག་གནས་ཉམས་སུ་མྱོང་ཐུབ་པར་བྱ་རྒྱུ་དེ་རེད།
ན་མུའུ་དབྱི་ཡི་མོ་འདེབས་བྱེད། （ན་མུའུ་དབྱིའི་ཡི་གེ）
ལྷོ་ཕྱོགས་ཀྱི་ཡུལ་སྐད་དབྱི་ཡིག་གི་དཔེ་གཞུང་།
བཤམས་སྟོན་ཁང་དུ་བོད་ཡིག་ལས་གཞན་ད་དུང་རྒྱ་ཡིག་དང་། མི་ཉག་གི་ཡི་གེ ཁི་ཏན་གྱི་ཡི་གེ ཉུས་ཀྲེན་གྱི་ཡི་གེ ལི་ཡུལ་གྱི་ཡི་གེ འཕགས་པའི་ཡི་གེ ཏའེ་ཡིག སོག་ཡིག མན་ཇུའི་ཡི་གེ ཆུས་ལུའུ་ཡི་གེ ཁྲ་ཧོ་ཐའེ་ཡི་གེ ཞའོ་ཅིང་ཡི་གེ ཕ་ཀའོ་ལི་མིའོ་ཡིག ལའོ་སུའུ་སུའུ་ཡིག ཁོ་རེ་ཡའི་ཡི་གེ ཡའོ་ཡིག པུའུ་དབྱིའི་ཡི་གེ ཀུའུ་ཀྲོང་ཡི་གེ ཧྲུའེ་རིགས་ཡི་གེ སུའུ་སུའུ་ཡི་སྒྲ་སྦྱོར་ཡི་གེ ཏ་པ་ཡི་གེ ཨེར་སུའུ་ཧྲ་པ་ཡི་གེ ན་མུའུ་དབྱི་ཡི་གེ ཀོ་པ་ཡི་གེ ན་ཞི་སྟོན་པའི་ཡི་གེ དབྱི་ཡིག་སོགས་ཡོད། དེ་ལས་ཡིག་རིགས་ལ་ལ་སྔ་མོ་ནས་ཉམས་ཟིན་པ་དང་། ལ་ལ་ལོ་ངོ་སྟོང་ཕྲག་མང་པོ་བརྒྱུད་ཅིང་ད་ལྟ་ད་དུང་བཀོལ་སྤྱོད་བྱེད་བཞིན་ཡོད་པ་རེད།
ཕོ་ཡ་ཀོ་ཡི་གེ་ནི་ཡུན་ནན་ཞིང་ཆེན་ཧྥུ་ཉིང་རྫོང་པའོ་ཨའེ་གྲོང་རྡལ་ཀྲོང་རིགས་ཀྱི་ས་གནས་ཁག་ཏུ་དར་
ཁྱབ་ཆེ་བ་དང་། ད་ལྟ་བརྡ་རྟགས81ལས་ལྷག་མེད་ལ་གོ་རིམ་བཞིན་བསྒྲིགས་ཡོད་ཅིང་།
ཚང་མ་རི་སྐྱེས་སིལ་ཏོག་གི་ཁུ་བས་རས་དཀར་པོའི་སྟེང་དུ་བྲིས་ཡོད།
ཧྲུའེ་རིགས་ཡི་གེའི་བཟོ་རྩལ་ཐོན་རྫས། （ཧྲུའེ་རིགས་ཡི་གེ་ནི་གཙོ་བོ་རྒྱ་ཡིག་གི་གཟུགས་
འགྱུར་བ་ཡིན་ཞིང་ཧྲུའེ་རིགས་ཡིག་མཁན་གྱིས་བཀོལ་སྤྱོད་བྱེད་པ་ཡིན།
བོད་ཡིག་ནི་དུས་རབས་བདུན་པར་ཐོན་མི་སམ་བྷོ་ཊས་རྒྱ་གར་གྱི་ཡི་གེར་དཔེ་བླངས་ནས་བཟོས་པའི་སྒྲ་སྦྱོར་གྱི་ཡི་གེ་ཞིག་ཡིན་ལ། བཀས་བཅད་ཐེངས་གསུམ་བྱས་ཤིང་ད་ལྟ་ཧ་ཅང་འཐུས་ཚང་དུ་གྱུར་ཡོད། དེ་ལ་གསལ་བྱེད་སུམ་ཅུ་དང་དབྱངས་བཞི་ཡོད་ཅིང་། ཡིག་གཟུགས་ལ་གཙོ་བོ་དབུ་ཅན་དང་དབུ་མེད་གཉིས་ཡོད་པ་དང་། བཤམས་སྟོན་ཁང་དུ《མངོན་པ་མཛོད》དང《རྩ་རྒྱུད》སོགས་ཆོས་གཞུང་བསྟན་བཅོས་དང་ཤིང་དཔར། མཆོད་རྒྱན་སོགས་ཀྱིས་བོད་ཡིག་གི་རྒྱུན་རིང་བའི་ལོ་རྒྱུས་དང་དེའི་རིག་གཞུང་ཞིབ་འཇུག་གི་རིན་ཐང་མངོན་པར་བསྟན་ཡོད།
-
暂无相关信息roking
འབྲེལ་གཏུག་ཁ་པར།：0974-8512858
འཕྲིན་སྐུར་ཡིག་ཟམ།：amdotibet@163.com
青公网安备63252102000006号