མཐོ་སྒང་དུ་བཞད་པའི་རེབ་གོང་ལྷ་རིས་སྒྱུ་རྩལ།

རྨ་ལྷོ་བོད་རིགས་རང་སྐྱོང་ཁུལ་ཐུན་རིན་རྫོང་ཝུའུ་ཐུན་སྡེ་བའི་སྐལ་བཟང་ལྷུན་འགྲུབ་ཀྱིས་ཐང་ཀ་འབྲི་བཞིན་པ།  

　　རེབ་གོང་ནི་བོད་རིགས་གཙོ་ཡིན་ཞིང་མི་རིགས་མང་པོ་མཉམ་དུ་འདུས་སྡོད་བྱེད་པའི་ས་ཁུལ་ཞིག་ཡིན།  གནས་འདིའི་བོད་ཀྱི་རིག་གནས་ལོ་རྒྱུས་ཅུང་རིང་བ་དང་མི་རིགས་བར་གྱི་རིག་གནས་ཕན་ཚུན་འབྲེལ་འདྲིས་ཟབ་ལ།  ཁྱད་དུ་འཕགས་པའི་ལོ་རྒྱུས་རིག་གནས་ཀྱི་རྣམ་པ་གྲུབ་ཡོད།   གནས་འདིའི་ཡུལ་མི་རྣམས་ཀྱིས་ཤེས་རབ་དང་བློ་རིག་ལ་བརྟེན་ནས་ཕུན་སུམ་ཚོགས་པའི་རིག་གནས་བསྐྲུན་པ་རེད། 
　　རེབ་གོང་སྒྱུ་རྩལ་ནི་བོད་བརྒྱུད་ནང་བསྟན་གྱི་གྲུབ་ཆ་གལ་ཆེ་ཤོས་དེ་ཡིན་ལ།  དུས་རབས15ནས་བཟུང་རྨ་ལྷོ་བོད་རིགས་རང་སྐྱོང་ཁུལ་ཐུན་རིན་རྫོང་རོང་བོ་དགུ་ཆུ་ཉེ་འགྲམ་དུ་འདབ་ལག་རྒྱས་ཤིང་།   ལོ་ངོ100ལྷག་གི་རིང་ལ་གནས་འདི་རུ་དམངས་ཁྲོད་དུ་སངས་རྒྱས་ཆོས་ལུགས་ལྷ་རིས་སྒྱུ་རྩལ་གྱི་ལས་ལ་བརྩོན་པའི་སྒྱུ་རྩལ་པ་གང་མང་མཆིས་ལ།   བོད་ཁུལ་གཞན་དུ་ཧ་ཅང་དཀོན་པོར་སྣང་།  དེར་རྟེན།  རེབ་གོང་སྒྱུར་རྩལ་གྱི་ཞིང་ཁམས་ཞེས་པའི་མཚན་སྙན་གསོལ་ཡོད་པ་རེད། 
　　དུས་རབས14ཡི་སྔ་གཞུག་ཏུ།  བོད་བརྒྱུད་ནང་བསྟན་རེབ་གོང་ས་ཁུལ་དུ་དར་བ་དང་།   དུས་རབས15རྗེས་སུ་ས་སྐྱའི་གྲུབ་མཐའ་དང་དགེ་ལུགས་པའི་གྲུབ་མཐའ་མགྱོགས་མྱུར་སྒོས་འཕེལ་རྒྱས་བྱུང་ཞིང་།  ས་གནས་མང་ཆེ་བར་དགོན་པ་འཛུགས་སྐྲུན་རྒྱ་ཆེར་སྤེལ་ལ།   དེ་མུར་བོད་རིགས་སེར་སྐྱ་མི་དམངས་དང་གྲྭ་བཙུན་འགའ་ཤས་ལྷ་རིས་སྒྲུ་རྩལ་གྱི་ལས་ལ་བརྩོན་པ་རེད། 
　　དུས་རབས་འགའི་རིང་ལ།   རེབ་གོང་སྒྱུ་རྩལ་པ་རྣམས་ཀྱིས་ག་ས་གང་དུ་ལྷ་སྐུ་བཞེངས་པ་ཡིན་ཏེ།   མཚོ་སྔོན་དང་བོད་ལྗོངས།  སི་ཁྲོན།  ནང་སོག     དེ་མིན་རྒྱ་གར་དང་།   བལ་བོ།   ཐའེ་ལན་ཌ།  ཕྱི་སོག་སོགས་སུ་ལྷ་རིས་སྒྱུ་རྩལ་གྱི་ཞབས་རྗེས་འཐིམ་ཞིང་སྙན་གྲགས་མི་དམན་པ་རྒྱས་ཡོད།  དེར་མ་ཟད།   བོད་ལྗོངས་ལྷ་རིས་སྒྱུ་རྩལ་དང་།  ཏུང་ཧོང་སྡེབས་རིས།  རིགས་འདྲའི་ཕྱི་རྒྱལ་བརྩམས་ཆོས་ལས་ཕུན་སུམ་ཚོགས་པའི་སྒྱུ་རྩལ་གྱི་ཉིང་བཅུད་དང་།  མཚོ་སྔོན་རང་ས་གནས་ཀྱི་དམངས་ཁྲོད་སྒྱུ་རྩལ་ཉིང་བསྡུས་བྱས་ཡོད་ཅིང་།  ཀྲུང་གོའི་ནུབ་ལྷོ་དང་ནུབ་བྱང་ས་ཁུལ་དང་།   ཡ་གླིང་ཤར་ལྷོའི་རྒྱལ་ཁབ་འགའ་ཤས་སུ་ཡུན་རིང་དུ་མཚན་སྙན་འབར། 
　　རེབ་གོང་སྒྱུ་རྩལ་ལ་རིགས་ཀྱི་ཆ་ནས།   ཐང་ཀའི་སྒྱུ་རྩལ་དང་།  འདམ་བཟོ་དང་ཤིང་བཟོའི་སྒྱུ་རྩལ།  གཙགས་དྲུབ་སྒྱུ་རྩལ།  ཚོན་བྱུག་པའི་སྒྱུ་རྩལ།  མཆོད་མར་མེ་ཏོག་སོགས་རྣམ་པ་སྣ་མང་གི་སྒྱུ་རྩལ་མཆིས་ཤིང་།  ནང་དོན་གྱི་ཆ་ནས་ཇོ་བོ་ཤཱཀྱ་མུ་ནེ་དང་།  སྤྱན་རས་གཟིགས།  ཆོས་སྐྱོང་སྲུང་མ།  ནང་ཆོས་གཏམ་རྒྱུད།   ལྷ་མོའི་སྐུ་པར་སོགས་འདུས་པ་རེད། 
　　དང་ཐོག་གི་རེབ་གོང་སྒྱུ་རྩལ་བརྩམས་ཆོས་ལ་རྒྱ་གར་དང་བལ་བོའི་ཤན་ཞུགས་ཡོད་པ་དང་།  དུས་རབས17པའི་དུས་དཀྱིལ་དུ། རེབ་གོང་སྒྱུ་རྩལ་དེ་འཕེལ་རྒྱས་ཀྱི་རྩེར་གསོན་འདུག་ཅིང་།   དེའི་རྗེས་ཀྱི་དུས་རབས་འགར་དཀའ་ངལ་གང་མང་བརྒྱུད་པའི་དུས་འགོ་དང་དུས་དཀྱིལ་གྱི་ཁྱད་འཕགས་བརྩམས་ཆོས་གང་མང་ཡལ་མེད་དུ་གྱུར་ནའང་།  རོང་བོ་དགོན་པ་དང་།  གཉེན་ཐོག་དགོན་པ།   ཝུའུ་ཐུན་དགོན་པ་སོགས་སུ་ད་དུང་དུས་འགོ་དང་དུས་དཀྱིལ་གྱི་སྒྱུ་རྩལ་པའི་ཐང་ཀ་དང་སྡེབས་རིས་ཁ་ཤས་ལྷག་ཡོད་པ་རེད། 
　　རྨ་ལྷོའི་རེབ་གོང་སྒྱུ་རྩལ་ནི་ད་ལོར་ཀྲུང་གོའི་མི་རིགས་དམངས་ཁྲོད་རིག་གནས་སྲུང་སྐྱོབ་ལས་གཞི་རྒྱལ་ཁབ་རིམ་པའི་ཚོད་ལྟའི་རྫོང་གི་གྲས་སུ་ཚུད་སོང་བ་རེད།