ངོས་དང་པོ > སྐབས་དོན། > སྣ་ཚོགས། > “མཛེས་པའི་མཚོ་སྔོན། ཡིད་འོང་མཚོ་ལྷོ”ཞེས་པའི་རིག་རྩལ་བྱ་འགུལ་ཁྲི་ཀ་ཆུ་ཟོམ་འཁོར་ལོ་ཐང་ཆེན་དུ་སྤེལ་པ།

“མཛེས་པའི་མཚོ་སྔོན། ཡིད་འོང་མཚོ་ལྷོ”ཞེས་པའི་རིག་རྩལ་བྱ་འགུལ་ཁྲི་ཀ་ཆུ་ཟོམ་འཁོར་ལོ་ཐང་ཆེན་དུ་སྤེལ་པ།

རྩོམ་པ་པོ།：ལྷ་མོ་ཚེ་སྐྱིད། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2011-08-11 11:46:00 ཀློག་གྲངས།：

“མཛེས་པའི་མཚོ་སྔོན། ཡིད་འོང་མཚོ་ལྷོ”ཞེས་པའི་རིག་རྩལ་བྱ་འགུལ་སྟེང་གི་མདོ་འཛིན་པ་རྣམ་གཉིས།

“རྨ་འགྲམ”ཞེས་པའི་བོད་རིགས་ཞབས་བྲོ་འཁྲབ་པ།

ཟླ8ཚེས7ཉིན་གྱི་སྔ་དྲོར་ཁྲི་ཀ་རྫོང་མི་རིགས་བཅའ་སྡོད་སློབ་གྲྭས་སྤེལ་པའི་མཚོ་ལྷོ་ཁུལ་གྱི་རྒྱལ་ཁབ་ཀྱི་རྒྱུན་སྐྱོང་ཐུབ་པའི་འཕེལ་རྒྱས་དང་མཐུན་པའི་སྐྱེ་ཁམས་ཕྱུགས་ལས་ཚོད་ལྟའི་ཁུལ་འཛུགས་སྐྲུན་བྱེད་འགོ་རྩོམ་པའི་ཚོགས་འདུ་མཇུག་རྫོགས་རྗེས། ཕྱི་དྲོའི་ཆུ་ཚོད3ཡས་མས་སུ། སྐྱེ་ཁམས་ཕྱུགས་ལས་རིག་རྩལ་བྱ་འགུལ་ཏེ“མཛེས་པའི་མཚོ་སྔོན། ཡིད་འོང་མཚོ་ལྷོ”ཞེས་པ་ཁྲི་ཀ་རྫོང་ཆུ་ཟོམ་འཁོར་ལོའི་ཐང་ཆེན་དུ་གཟབ་རྒྱས་ངང་སྤེལ་ཞིང་། སྔ་དྲོར་ཚོགས་འདུ་ལ་ཞུགས་པའི་འགོ་ཁྲིད་རྣམ་པ་དང་མགྲོན་པོ་རྣམས་རྨ་ཆུ་འགྲམ་དུ་གདན་དྲངས་ཏེ་ཡིད་དུ་འོངས་བའི་རིག་རྩལ་འཁྲབ་སྟོན་ལ་རོལ་མྱོང་བྱེད་དུ་བཅུག་པ་རེད།

མཚོ་ལྷོ་ས་གནས་ཀྱི་གླུ་མས་དྲུག་འགྱུར་དབྱངས་ལ་འགུག་བཞིན་པ།

ཁྲི་ཀའི་གླུ་མས་སྙན་དབྱངས་སུ་འགུག་བཞིན་པ།

རིག་རྩལ་འཁྲབ་སྟོན་ནི་མཚོ་ལྷོ་ས་ཁུལ་ས་གནས་དམངས་ཁྲོད་གླུ་གར་གཙོར་བྱས་ལ། གླུ་གར་རིག་རྩལ་གྱི་ཐབས་ལམ་བརྒྱུད་དེ་མཚོ་ལྷོའི་སྐྱེ་ཁམས་མཛེས་རྣམ་དང་། རང་བྱུང་མཛེས་རྣམ། འཆམ་མཐུན་མཛེས་རྣམ་བཅས་ལྷུག་པོར་བརྗོད་ཅིང། མཚོ་ལྷོ་ཁུལ་མང་ཚོགས་སྒྱུ་རྩལ་ཁང་དང་མཚོ་ལྷོ་ཁུལ་མི་རིགས་གླུ་གར་ཚོགས་པ་སོགས་དང་མཉམ་འབྲེལ་སྒོས་རིག་རྩལ་འཁྲབ་སྟོན་བྱས་ཏེ། ས་གནས་རིག་གནས་གཞིར་བཅོལ་ནས་མཚོ་ལྷོ་ས་ཁུལ་དམངས་ཁྲོད་སྒྱུ་རྩལ་གྱི་ཁྱད་དུ་འཕགས་པའི་རིག་གནས་བརྗོད་དོན་མཚོན་པར་བྱེད་ཀྱི་ཡོད།

2011ལོའི་མཚོ་སྔོན་མཚོ་ལྷོའི་སྐབས་དང་པོའི་རང་བྱུང་མཛའ་གཞས་འགྲན་བསྡུར་གྱི་བྱ་
དགའ་ཐོབ་མཁན་གླུ་མས་ཡུལ་དངོས་སུ་མཛའ་གཞས་ལེན་པ།

བོད་རིགས་ཞབས་བྲོ།

མིང་དུ་གྲགས་པའི་བོད་རིགས་གླུ་མ་འཕྱོངས་ཞོལ་སྒྲོལ་མས《ང་ཡི་ཕ་ཡུལ》ཞེས་པའི་གཞས་གཏོང་བཞིན་པ།

དེ་ཡང་དེང་རབས་ཀྱི་ལངས་ཕྱོགས་ལས་སྲོལ་རྒྱུན་གླུ་གར་ལ་ཁ་གསབ་གསར་གཏོད་གནང་སྟེ་དེའི་སྐྱེ་སྟོབས་རང་བཞིན་དང་མཛེས་ཉམས་མངོན་པར་བྱེད་ཅིང་། རང་བྱུང་གླུ་གར་དང་། རྡུང་ལེན། ལ་གཞས། རྩེད་རིག་སོགས་འཁྲབ་སྟོན་སྒོས་མཚོ་ལྷོ་ས་ཁུལ་གྱི་སྣ་མང་ཕུན་སུམ་ཚོགས་པའི་དམངས་ཁྲོད་སྒྱུ་རྩལ་དང་མི་རིགས་ཀྱི་གསོན་ཉམས་མངོན་པ་རེད།

སྒྲོལ་མ་མཚོས《ཚངས་དབྱངས་རྒྱ་མཚོ་མགུར་གླུ》ལེན་བཞིན་པ།

གླུ་མ་བྱང་མོ་འཚོས་གཞས་གཏོང་བཞིན་པ།

སྔོན་མ་ནས་དགའ་བསུ་ཆེན་པོ་ཐོབ་པའི《མཚོ་སྔོན་པོ》ཞེས་པའི་གླུ་འདིས་
ཡུལ་དངོས་མང་ཚོགས་ཀྱི་ཡིད་སེམས་ཀུན་ནས་འཕྲོག

ཐེངས་འདིའི་རིག་རྩལ་འཁྲབ་སྟོན་དུ་ད་དུང་ལྟད་མོ་བ་རྣམས་ཀྱི་དགའ་ཞེན་ཆེན་པོ་ཐོབ་པའི་བོད་རིགས་གླུ་མ་རིག་འཛིན་སྒྲོལ་མ་དང་། བྱང་མོ་འཚོ། “མེ་ཏོག་ཆུན་པོ”འི་འགྲན་ཞུགས་པ་སྒྲོལ་མ་མཚོ་སོགས་གདན་འདྲེན་ཞུས་ནས་འཁྲབ་སྟོན་བྱས་པ་རེད།

ས་གནས་མང་ཚོགས་ཀྱིས་འཁྲབ་སྟོན་ལ་གཟིགས་བཞིན་པ།

འཁྲབ་སྟོན་མཇུག་རྫོགས་རྗེས། 2011ལོའི་མཚོ་སྔོན་མཚོ་ལྷོའི་སྐབས་དང་པོའི་ཞིང་ཆེན་ཡོངས་ཀྱི་རང་
བྱུང་མཛའ་གཞས་འགྲན་ཚོགས་སུ་བྱ་དགའ་ཐོབ་མཁན་ལ་དགའ་རྟགས་གནང་བ།