དཀར་མཛེས་བཀྲ་ཤིས་དར་རྒྱས་དགོན་གྱི་སྔགས་ཁང་ཆེན་མོ་དང་ཆོས་ར་ཉམས་གསོ་བྱེད་མཇུག་བསྒྲིལ་བའི་མཛད་སྒོ།

            ཉེ་སྔོན། དཀར་མཛེས་དར་རྒྱས་དགོན་གྱི་སྔགས་ཁང་ཆེན་མོ་དང་ཆོས་ར་ཉམས་གསོ་བྱེད་མཇུག་སྒྲིལ་བའི་མཛད་སྒོ་དེ་དཀར་མཛེས་རྫོང་དུ་སྤེལ་ཞིང། ཁུལ་ཨུ་ཧྲུའུ་ཅི་ལིའུ་ཏའོ་ཕིང་དང་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་འགྱུར་མེད། ཁུལ་དཔོན་ལི་ཁྲང་ཕིང་། ཁུལ་སྲིད་གྲོས་ཀྲུའུ་ཞི་ཨ་རྒྱས་ཕུན་ཚོགས། ཁུལ་ཨུའི་ཧྲུའུ་ཅི་གཞོན་པ་ལི་ཁང་། ཁུལ་ཨུའི་རྒྱུན་ལས་ཨུ་ཡོན། དྲུང་ཡིག་ཆེན་མོ་ཏོན་དབྱི་ཅུན་སོགས་ཀྱིས་གློག་འཕྲིན་བཏང་ནས་རྟེན་འབྲེལ་ཞུས་པ་དང་། ཞིང་ཆེན་སྲིད་གཞུང་ཆོས་ལུགས་ཅུ་དང་ཞིང་ཆེན་ནང་བསྟན་མཐུན་ཚོགས་བཅས་ཀྱིས་གློག་འཕྲིན་བཏང་ནས་རྟེན་འབྲེལ་ཞུས་ཡོད་པ་རེད།
            ཁུལ་རྟེན་འབྲེལ་ཚོགས་པའི་ཚོགས་གཙོ། ཁུལ་ཨུའི་རྒྱུད་ལས་ཨུ་ཡོན། འཐབ་ཕྱོགས་གཅིག་གྱུར་པུའུ་པུའུ་ཀྲང་དབྱང་ཁའེ་དང་ཁུལ་སྲིད་གཞུང་གི་ཁུལ་དཔོན་གཞོན་པ་བྱང་ཆུབ། སྔར་ཁུལ་དམངས་ཆེན་གྱི་ཀྲུའུ་རེན་ཧྥུ་ཁོ་ལི། སྔར་ཁུལ་སྲིད་གྲོས་ཀྱི་ཀྲུའུ་ཞི་བློ་བཟང་ཆོས་འཕེལ་སོགས་མཛད་སྒོ་ཚོགས་འདུའི་ནང་ཞུགས་པ་རེད།
            ཚོགས་ཐོག་ཏུ་ཁུལ་སྲིད་གྲོས་ཀྱི་ཀྲུའུ་ཞི་གཞོན་པ། བཀྲ་ཤིས་དར་རྒྱས་དགོན་པའི་བདག་གཉེར་ཨུ་ཡོན་ལྷན་ཁང་གི་ཀྲུའུ་རིན་རྒྱལ་བསྟན་བློ་བཟང་བྱམས་པས་བཀྲ་ཤིས་དར་རྒྱས་དགོན་པའི་ཚབ་བྱས་ནས་ཤིས་ཚིག་གསུང་བ་དང་དབྱང་ཁའེ་ཡིས་གསུང་བཤད་གནང་ལ། བྱང་ཆུབ་ཀྱིས་ཁུལ་ཚོགས་པ་ཆེན་པོ་བཞིའི་ཚབ་བྱས་ནས་དཀར་མཛེས་དར་རྒྱས་དགོན་པར་བཀྲ་ཤིས་བའི་ལེགས་སྐྱེས་ཕུལ་བ་རེད།
            རྒྱལ་བསྟན་བློ་བཟང་བྱམས་པས་གསུངས་དོན། བཀྲ་ཤིས་དར་རྒྱས་དགོན་གྱི་ལོ་རྒྱུས་ནི་ཐོག་མཐའ་བར་གསུམ་དུ་མཚན་སྙན་ཅན་གྱི་དགོན་སྡེ་ཞིག་དང་། ལོ་རྒྱུས་ཐོག་ཏུ་སྐྱེས་ཆེན་དམ་པ་མང་པོ་བྱུང་མྱོང་བའི་དགོན་སྡེ་ཞིག་ཡིན། ཀྲུང་དབྱང་འཐབ་ཕྱོགས་གཅིག་གྱུར་པུའུ་དང་རྒྱལ་ཁབ་ཆོས་ལུགས་ལས་དོན་ཅུས། སི་ཁྲོན་ཞིང་ཆེན་ཏང་ཨུ་དང་སྲིད་གཞུང་གིས་མཐོང་ཆེན་དང་ཐུགས་ཁུར། ཡང་དག་པའི་འགོ་ཁྲིད་འོག་སྐབས་རིམ་བྱུང་གི་དགོན་པའི་དོ་དམ་ཨུ་ཡོན་ལྷན་ཁང་གིས་གོང་རིམ་གྱི་རེ་འདུན་ལྟར་རང་ཉིད་ཀྱི་འགན་ནུས་བསྒྲུབས་པ་ཡིན། དགོན་པ་འཛུགས་སྐྲུན་དང་དོ་དམ། བཤད་སྒྲུབ་འཆད་ཉན་སོགས་ཕྱོགས་གང་གི་ཐད་ནས་སྐུལ་འདེད་གཏོང་གང་ཐུབ་བྱས་པ་ཡིན། དེ་རིང་བཀྲ་ཤིས་དར་རྒྱས་དགོན་གྱི་སྔགས་ཁང་ཆེན་མོ་དང་ཆོས་ར་ཉམས་གསོ་བྱེད་མཇུག་བསྒྲིལ་བའི་མཛད་སྒོ་སྤེལ་རྒྱུ་བྱུང་བ་འདི་ནི་ཏང་དང་སྲིད་གཞུང་གིས་མི་རིགས་སྲིད་ཇུས་དང་ཆོས་ལུགས་སྲིད་ཇུས་དོན་འཁྱོལ་བྱས་པའི་མཚོན་ཚུལ་གཙོ་བོ་ཞིག་རེད།
            ཁུལ་རྟེན་འབྲེལ་ཚོགས་པ་དང་དཀར་མཛེས་རྫོང་རྟེན་འབྲེལ་ཚོགས་པའི་གྲུབ་མི། ས་གནས་དེ་གའི་ཆོས་དད་མང་ཚོགས་རྣམས་མཛད་སྒོ་ཚོགས་འདུར་ཞུགས་ཡོད་ཅིང་། མཛད་སྒོ་མཇུག་བསྒྲིལ་རྗེས་ཡིད་དབང་འཕྲོག་པའི་ཆོས་རྩོད་མཆོད་འབུལ་གྱི་བྱེད་སྒོ་སྤེལ་བ་རེད།