ལྷ་ས་གྲོང་ཁྱེར“ཀྲུང་གོའི་རིག་གནས་ཀྱི་གྲོང་ཁྱེར་གྲགས་ཅན”ནང་དུ་བདམས་པ།

　　ཟླ8པའི་ཚེས29ཉིན། རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་དང་། རིག་གནས་པུའུ། རྒྱལ་ཁབ་ཡུལ་སྐོར་སྤྲོ་འཆམ་ཅུའུ་བཅས་ཀྱིས་ཁྲིད་སྟོན་དང་ཀྲུང་གོ་རྒྱལ་སྤྱིའི་ཀུན་ཁྱབ་རླུང་འཕྲིན་ལས་ཁུངས་ཀྱིས་གཙོ་གཉེར་བྱས་པའི“2011ལོའི་ཀྲུང་གོའི་གྲོང་ཁྱེར། གོ་ལ་ཧྲིལ་པོའི་དྲ་དམངས་ཀྱིས་འོས་སྦྱོར་བྱས་པའི་ཀྲུང་གོའི་རིག་གནས་ཀྱི་གྲོང་ཁྱེར་གྲགས་ཅན”གྱི་དྲ་སྦྲེལ་མཉམ་འགུལ་བྱེད་སྒོའི་འབྲས་བུ་དངོས་སུ་ཁྱབ་བསྒྲགས་བྱས་པ་དང་གོ་ལ་ཧྲིལ་པོའི་དྲ་གྲོགས་ཀྱིས་འདེམས་ཤོག་ས་ཡ5ལྷག་ཙམ་འཕངས་ནས་སེམས་ནང་གི“ཀྲུང་གོའི་རིག་གནས་ཀྱི་གྲོང་ཁྱེར་གྲགས་ཅན”བདམས་པ་དང་། བྱེད་སྒོ་གཙོ་གཉེར་མཁན་གྱིས་ཟླ་དགུ་པར་པེ་ཅིང་དུ་བྱ་དགའ་སྤྲོད་པའི་མཛད་སྒོ་ཚོགས་རྒྱུ་རེད།
　　“2011ལོའི་ཀྲུང་གོའི་གྲོང་ཁྱེར། གོ་ལ་ཧྲིལ་པོའི་དྲ་དམངས་ཀྱིས་འོས་སྦྱོར་བྱས་པའི་ཀྲུང་གོའི་རིག་གནས་ཀྱི་གྲོང་ཁྱེར་གྲགས་ཅན”གྱི་བྱེད་སྒོ་སྤེལ་ཚུལ་རྒྱལ་སྤྱིའི་དྲ་ཐོག་གི་སྐད་རིགས་སྣ་ཚོགས་ཀྱི་དྲ་ཚིགས་ལ་བརྟེན་ནས་ཁྱོན་སྡོམ་སྐད་ཡིག26སྤྱད་དེ་འོས་སྦྱོར་ངོ་སྤྲོད་བྱས་པར་བརྟེན་མངའ་ཁོངས་ཕྱིའི་སྨྱན་སྦྱོར་བཅུ་ཙམ་གྱིས་དེའི་སྐོར་གྱི་གནས་ཚུལ་སྤེལ་ཡོད། བྱེད་སྒོ་དེར་རིག་ས་གཅིག་མཁས་ཅན་གྱིས་མིང་འདོན་པ་དང་། འཕྲིན་ཐུང་སྐུར་བ། དྲ་ཐོག་ནས་འདེམས་ཤོག་འཕེན་པ་སོགས་བརྒྱུད་མཐར་འདེམས་ཤོག་ཁྲི576.131ཐོབ་ཡོད་པ་རེད།