ཕོ་བྲང་པོ་ཏ་ལའི་ཐང་ཆེན་དུ2011ལོའི་ལྷ་སའི་ཞོ་སྟོན་དུས་ཆེན་ཚོགས་པ།

ཕོ་བྲང་པོ་ཏ་ལའི་ཐང་ཆེན་དུ2011ལོའི་ལྷ་སའི་ཞོ་སྟོན་དུས་ཆེན་གཟབ་རྒྱས་ངང་ཚོགས་པ།

འགོ་རྩོམ་མཛད་སྒོའི་ཡུལ་དངོས། 

             ཟླ8ཚེས29ཉིན་གྱི་དགོང་མོ།    ཕོ་བྲང་པོ་ཏ་ལའི་ཐང་ཆེན་དུ2011ལོའི་ལྷ་སའི་ཞོ་སྟོན་དུས་ཆེན་གཟབ་རྒྱས་ངང་ཚོགས་པ་རེད།  རྒྱུས་ལོན་བྱས་པ་ལྟར་ན།  འདི་ནི་ཐོག་དང་པོ་དགོང་མོར་འགོ་རྩོམ་མཛད་སྒོ་བསྡུས་པའི་ཞོ་སྟོན་དུས་ཆེན་ཞིག་ཡིན་པ་མ་ཟད།   ད་ལོའི་ཞོ་སྟོན་དུས་ཆེན་ལ་ཞུགས་པའི་མི་གྲངས་ཁྲི་ལས་བརྒལ་ཞིང་ལོ་རྒྱུས་སྟེང་མི་ཚོགས་ཆེས་མང་བའི་ལོ་ཞིག་ཡིན།  གྲོང་ཁྱེར་གླེང་སྟེགས་ལ་ཞུགས་པའི་གྲོང་ཁྱེར་གྱི་འགོ་གཙོ20ལྷག་དང་ལྷ་ས་གྲོང་ཁྱེར་ཁུངས་གཏོགས་ཀྱི་ལས་ཁུངས་དང་།  རྫོང་དང་ས་ཁུལ་གྱི་ལས་བྱེད་མི་སྣ་དང་སྡོད་དམངས་མང་ཚོགས་རྣམས་ཐེངས་འདིའི་དགོང་ཚོགས་ལ་ཞུགས་པ་རེད།   

སྒྱུ་རྩལ་པ་ཐུབ་བསྟན་གྱིས་གེ་སར་སྒྲུང་བཤད་པ། 

གེ་སར་སྒྲུང་བཤད་པའི་འཁྲབ་སྟོན། 

གླུ་བ་འཕགས་པ་སྐྱབས་ཀྱིས་ཞོ་སྟོན་རྟེན་འབྲེལ་གྱི་གླུ་གཞས་ཕུལ་པ། 

             མཛད་སྒོའི་དགོང་ཚོགས་ཁག་གསུམ་དུ་དབྱེ་ཡོད་དེ།  སྔོན་འགྲོའི་དབྱངས《བཀྲ་ཤིས་བའི་ཞོ་སྟོན》དང་།   ཞོ་སྟོན་དུས་ཆེན་ལ་ངེས་པར་དུ་ལྟ་འོས་པའི་བོད་ཀྱི་ཟློས་གར།   བྲོ་གར་བཅས་ཡིན་ཏེ།  འདིས་དགོང་ཚོགས་ལ་དགའ་སྤྲོའི་རྣམ་པ་གསར་བར་སྐྱེལ་གྱི་ཡོད།  《ལྷ་སར་རེ་སྙེག་བྱེད་པ》དང་།   《དགའ་སྐྱིད་ཀྱི་ལྷ་ས》།  《ལྷ་སར་སྨོན་འདུན་ཞུ》བཅས་པར་ངོས་གསུམ་གྱི་ལེ་ཚན15ལྷག་མི་རིགས་ཀྱི་ཞབས་བྲོ་དང་གླུ་གཞས་ཀྱི་ཐབས་ལམ་བརྒྱུད་དེ་དགོང་ཚོགས་ཀྱི་རྣམ་པ་ཡང་རྩེ་རུ་སོན་པར་གྱུར་ཞིང་།   དགོང་ཚོགས་མཇུག་སྒྲིལ་རྗེས།  དཔལ་འབར་འཁྲབ་སྟོན་གྱིས་མི་རྣམས་ཀྱི་གོམ་ཁ་ཕྱིར་གསོས་ཏེ་ཚང་མས་ལག་འཁྱེར་ཁ་པར་དང་པར་ཆས་སོགས་ལས་མཛེས་སྡུག་གི་སྣང་བརྙན་འདི་ཕབ་པ་རེད།