ལྷ་སའི་ཤོག་བྱའི་སྲོལ་རྒྱུན་འགྲན་སྡུར་གྱི་གནས་སྐོར་རིག་གནས་དུས་ཆེན་འགོ་བརྩམས་པ།

འགྲན་ཞུགས་པས་བོད་ཀྱི་ཁྱད་ཆོས་ལྡན་པའི་ཤོག་བྱ་བཟུང་ནས་གྲ་སྒྲིག་བྱེད་བཞིན་པ།
ཕྱི་གླིང་བ་རྣམས་ཀྱིས་ཤོག་བྱ་སྤུར་བཞིན་པ།

ཕྱི་གླིང་བ་རྣམས་ཀྱིས་ཤོག་བྱ་སྤུར་བཞིན་པ།

　　2011ལོའི་ལྷ་སའི་ཤོག་བྱའི་སྲོལ་རྒྱུན་འགྲར་སྡུར་གྱི་གནས་སྐོར་རིག་གནས་དུས་ཆེན་དེ་བོད་ལྗོངས་ལྷ་སར་འགོ་བརྩམས་པ་རེད། སྐབས་འདིའི་རིག་གནས་དུས་ཆེན་གྱི་ཚོགས་ཡུན་ཉིན་གཉིས་ཡིན་ཞིང་། བྱ་འགུལ་ཁྲོད་ཤོག་བྱའི་འཁྲབ་སྟོན་དང་། ཤོག་བྱའི་འགྲན་སྡུར། གནས་སྐོར་བས་ཉམས་སུ་མྱོང་བ་སོགས་རིམ་པ་མང་པོ་འདུས་པ་རེད།
　　ཤོག་བྱ་སྤུར་བ་དེ་གཙོ་བོ་ལྷ་ས་དང་གཞིས་ཀ་རྩེ་སོགས་སུ་དར་ཁྱབ་ཆེ་ལ། བོད་ལྗོངས་མི་དམངས་ཀྱི་དགའ་བསུ་ཆེན་པོ་ཐོབ་བཞིན་ཡོད། བོད་ལྗོངས་ཀྱི་ཤོག་བྱའི་རིག་གནས་ཀྱི་བྱུང་འཕེལ་ལ་ལོ་རྒྱུས་ཀྱི་དུས་ཡུན་ཧ་ཅང་རིང་པ་སྟེ། ངག་རྒྱུན་ལྟར་ན་ལོ་ངོ1000གི་ཡར་སྔོན་དུ་བོད་ཀྱི་ཤོག་བུ་བཟོས་བ་ནས་བཟུང་བོད་ལུགས་ཀྱི་ཤོག་བྱའི་ཐོག་མའི་རྣམ་པ་གྲུབ་པ་དང་། 2006ལོར་ལྷ་སའི་ཤོག་བྱའི་སྲོལ་རྒྱུན་འགྲན་སྡུར་དེ་རྒྱལ་ཁབ་ཀྱི་གཟུགས་འདས་ཤུལ་བཞག་རིག་གནས་ཐོག་མའི་ནང་དུ་བདམས་ཐུབ་པ་བྱུང་བ་རེད།