བོད་རིགས་གླུ་མ་དབང་མོ་ལ་བྱམས་སེམས་ཅན་ཞེས་པའི་མཚན་བཟང་གསོལ་བ།

བོད་རིགས་གླུ་མ་དབང་མོ་ལ་བྱམས་སེམས་ཅན་ཞེས་པའི་མཚན་བཟང་གསོལ་བ། 

          ཉེ་ལམ།  བོད་རིགས་གླུ་མ་དབང་མོ"མ་ཡུམ་གྱི་ཆེད་དུ་འཛུམ་མདངས་བཞད་པ་དང་བདེ་སྐྱིད་ལྡན་པའི་བཟོ་སྐྲུན་རོགས་འདེགས"ཅེས་པའི་བྱམས་སེམས་བྱ་འགུལ་དུ་གདན་འདྲེན་ཞུས་པ་མ་ཟད་ཁོ་མོར་བྱམས་སེམས་ཅན་ཞེས་པའི་མཚན་བཟང་གསོལ་བ་རེད།
          འདས་བའི་ལོ་འགའི་ནང་།  གླུ་མ་དབང་མོས་རང་ཉིད་ཀྱི་སྒྱུ་རྩལ་ལས་རིགས་སུ་བརྩོན་པ་ལྷུར་ལེན་བྱེད་པ་དང་ཆབས་ཅིག་ཏུ་སྒྱུ་རྩལ་པ་ཞིག་གི་ངོས་ཐད་ནས་སྤྱི་ཚོགས་ཀྱི་འགན་སྒྲུབ་ནམ་ཡང་བརྗེད་མེད་ཅིང་།  ཝུན་ཁྲོན་ས་འགུལ་དང་ཡུལ་ཤུལ་ས་འགུལ་སོགས་རང་བྱུང་གནོད་འཚེ་བྱུང་བའི་དུས་སུ་ཁོ་མོས་ཐོག་མར་སྣེ་ཁྲིད་དེ་ཞལ་འདེབས་ཕུལ་པ་དང་།  ཐེངས་འདིར་ཁོ་མོར་བྱམས་སེམས་ཅན་གྱི་མཚན་སྙན་གསོལ་བ་ཡང་ཁོ་མོ་བྱམས་དང་སྙིང་རྗེའི་ལས་རིགས་ལ་དུངས་བའི་ཁས་ལེན་ནམ་གཟེངས་བསྟོད་ཅིག་ཏུ་ངེས། དེར་བརྟེན་ཁོ་མོས་ཀྱང་བཤད་རྒྱུར།  སྒྱུ་རྩལ་པ་ཞིག་ཡིན་པའི་ཆ་ནས་སྤྱི་ཚོགས་ཀྱི་འགན་མི་ཉུང་བ་ཁུར་འོས་ཟེར།