དར་ལྕོག་བཏགས་ནས་ལུས་དབང་ཐང་དར་བའི་སྨོན་འདུན་ཞུ་བ།

ལྷ་བསང་བཏང་ནས་བགེགས་བར་ཆད་ཞི་བའི་སྨོན་འདུན་ཞུ་བ།

              སྤྱི་ཟླ1པའི་ཚེས26ཉིན་ཏེ་བོད་ལུགས་ཀྱི་ཟླ12པའི་ཚེས3ཉིན། བོད་ལྗོངས་གཞིས་ཀ་རྩེ་ས་ཁུལ་གྱི་བོད་དམངས་རྣམས་ཀྱིས་སྔ་མའི་སྲོལ་ལུགས་ལྟར་ཁང་ཀླད་དང་། རི་རྩེ། ཆུ་འགྲམ། ཞིང་ཁ་སོགས་གང་ས་གང་དུ་ཁ་དོག་སྔོན་པོ། དཀར་པོ། དམར་པོ། ལྗང་གུ། སེར་པོ་བཅས་དར་ཚོན་སྣ་ལྔའི་གྲུབ་པའི་དར་ལྕོག་བཙུགས་ཤིང་། ཡུལ་ལྷ་གཞི་བདག་སོགས་འཇིག་རྟེན་གྱི་ལྷ་རྣམས་ལ་འབྲུ་རིགས་སྣ་ལྔའི་མཆོད་པ་ཕུལ་བ་དང་མཉམ་དུ། སྡེ་བ་ཡོངས་ཀྱི་འབངས་མི་ཡོངས་ལྷན་དུ་འཛོམས་ནས་ཆང་བསིལ་མ་དང་འོ་ཇ་མངར་མོ་མཉམ་འཐུང་བྱེད་བཞིན་སྐྱིད་པའི་སྐོར་བྲོ་འཁྲབ་སྟེ་ལོ་གསར་བའི་ནང་དུ་ནད་མེད་འཚེ་མེད་དང་། བསམ་དོན་ལྷུན་གྱིས་འགྲུབ་པ། རོང་འབྲོག་ལས་རིགས་མུ་མཐུད་དུ་བདེ་བླག་ངང་འཕེལ་བའི་བཀྲ་ཤིས་སྨོན་འདུན་ཞུས།

དར་ལྕོག་འཛུགས་པར་འགྲོ་བཞིན་པ།

དར་མཚོན་སྣ་ལྔའི་དར་ལྕོག་འདོགས་བཞིན་པ།

ལྷ་བསང་བཏང་བ་དང་དར་ལྕོག་བཏགས་རྗེས་མཉམ་དུ་སྐོར་བྲོ་འཁྲབ་བཞིན་པ།