2011ལོར་གཙང་གསུམ་འབྱུང་ཡུལ་གྱི་སྐྱེ་ཁམས་སྲུང་སྐྱོབ་དང་འཛུགས་སྐྲུན་ཐད་མ་དངུལ་དུང་ཕྱུར10བཏང་བ།

              རྒྱུས་ལོན་བྱུང་བ་ལྟར་ན། 2011ལོར་གཙང་གསུམ་འབྱུང་ཡུལ་གྱི་སྐྱེ་ཁམས་སྲུང་སྐྱོབ་དང་འཛུགས་སྐྲུན་བྱེད་པར་མ་དངུལ་དུང་ཕྱུར10ལྷག་བཏང་ནས་ལས་གཞི་སོ་སོ་གཏིང་ཟབ་ངང་སྤེལ་ནས་གྲུབ་འབྲས་གསར་བ་བླངས་པ་རེད།
              མདོ་དབུས་མཐོ་སྒང་གི་དཀྱིལ་སྙིང་དུ་ཆགས་པའི་གཙང་གསུམ་འབྱུང་ཡུལ་གྱི་སྤྱིའི་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི395ཡོད་ཅིང་། རྨ་ཆུ་དང་། འབྲུ་ཆུ། རྫ་ཆུ་གསུམ་གྱི་འབྱུང་ཡུལ་ཡིན་ལ། ཀྲུང་གོའི་སྐྱེ་ཁམས་ཕན་ནུས་ཁུལ་གཙོ་བོར་གྲུབ་པས“ཀྲུང་ཧྭའི་ཆུ་ཡི་གཏེར་མཛོད”ཅེས་པའི་མཚན་སྙན་གསོལ་ཡོད་པ་རེད།
              2005ལོར་ཀྲུང་གོས་སྒོར་དུང་ཕྱུར75བཏང་ནས་གཙང་གསུམ་འབྱུང་ཡུལ་གྱི་སྐྱེ་ཁམས་སྲུང་སྐྱོབ་དང་འཛུགས་སྐྲུན་བྱེད་འགོ་བརྩམས་ཤིང་། དེ་ནི་ཀྲུང་གོའི་ཆེས་ཆེ་བའི་སྐྱེ་ཁམས་སྲུང་སྐྱོབ་ཀྱི་ལས་གཞི་ཞིག་ཡིན་པ་རེད།
         ད་ལོར་མཚོ་སྔོན་གྱིས་སྐྱེ་ཁམས་སྲུང་སྐྱོབ་དང་། དམངས་ཀྱི་འཚོ་རྟེན་ལེགས་བསྒྱུར། ས་ཁོངས་འཕེལ་རྒྱས་ཀྱི་བླང་བྱ་ལྟར་གཙང་གསུམ་འབྱུང་ཡུལ་གྱི་སྲུང་སྐྱོབ་དང་འཛུགས་སྐྲུན་གྱི་ལས་གྲྭ་ཐེངས་གཉིས་པ་ལག་ཏུ་བསྟར་ནས་སྐྱེ་ཁམས་སྲུང་སྐྱོབ་ཀྱི་རིམ་པ་མཐོར་འདེགས་དང་སྐྱེ་ཁམས་ཁོར་ཡུག་གི་ཐེག་ཚད་ཇེ་མཐོར་གཏོང་རྒྱུ་རེད།