དཔལ་མགོན་རྫོང་གི《ལྷ་མཚོའི་བྲོ་གར》ཀྲུང་དབྱང་བརྙན་འཕྲིན་ཁང་བཅོ་ལྔའི་དགོང་ཚོགས་སྟེང་ཞུགས་རྒྱུ་རེད།

              ཟླ2པའི་ཚེས3ཉིན་རིག་གནས་པུའུ་དང་ཀྲུང་དབྱང་བརྙན་འཕྲིན་ཁང་གི་གདན་འདྲེན་ཞུས་པ་ལྟར་ནག་ཆུ་ས་ཁུལ་དཔལ་མགོན་རྫོང་ཉི་མ་ཡུལ་ཚོའི་འབྲོག་པ32པེ་ཅིང་དུ་སོང་ནས་ཀྲུང་དབྱང་བརྙན་འཕྲིན་ཁང་གི་བཅོ་ལྔའི་དུས་ཆེན་གྱི་དགོང་ཚོགས་སྟེང་ཞུགས་ཏེ་དཔལ་མགོན་རྫོང་གི་སྲོལ་རྒྱུན་གྱི་ཞབས་བྲོ《ལྷ་མཚོའི་བྲོ་གར》འཁྲབ་སྟོན་བྱེད་རྒྱུ་རེད།
              དཔལ་མགོན་རྫོང་གི་གཞས་ཆེན་ནི་བྱང་ཕྱོགས་སུ་མངའ་བའི་བོད་རིགས་རྣམས་ཀྱི་སྲོལ་རྒྱུན་གྱི་ཞབས་བྲོ་ཞིག་ཡིན་ཞིང་། རྒྱལ་ཁབ་རིམ་པའི་གཟུགས་འདས་ཤུལ་བཞག་རིག་གནས་ཁྲོད་བདམས་ཡོད་པ་རེད། དཔལ་མགོན་གཞས་ཆེན་ལས་བསྒྱུར་སྒྲིག་བྱས་པའི་ཞབས་བྲོ《ལྷ་མཚོའི་བྲོ་གར》ཞེས་པ2011ལོར་བོད་ལྗོངས་བརྙན་འཕྲིན་ཁང་གི་བོད་ཀྱི་ལོ་སར་དགོང་ཚོགས་སྟེང་ལྟ་མཁན་རྣམས་ཀྱི་དགའ་བསུ་ཆེན་པོ་ཐོབ་པས་ད་ལོར་ཀྲུང་དབྱང་བརྙན་འཕྲིན་ཁང་གི་བཅོ་ལྔའི་དུས་ཆེན་གྱི་དགོང་ཚོགས་སྟེང་ཞུགས་རྒྱུ་རེད།