པར་རིས་ལས་བོད་མིའི་བསམ་པའི་སྟོབས་ཤུགས་མངོན་པ།

ཧྥིན་ཅན་གོའི་པར་རིས་འགྲེམ་སྟོན།

　　ཉེ་སྔོན། ཆིན་ཧྭ་སློབ་ཆེན་མཛེས་རྩལ་སློབ་གླིང་གི་དགེ་རྒན་ཆེན་མོ་ཧྥིན་ཅན་གོ་ལགས་ཀོང་ཏུང་མཛེས་རྩལ་སློབ་གླིང་དང་ཆིན་ཧྭ་སློབ་ཆེན་གྱིས་མཉམ་དུ་སྤེལ་བའི“མཐོ་སྒང་གི་སྟོབས་ཤུགས། བོད་རིགས་ཀྱི་སྐུ་པར།(2007-2010)--- ཧྥིན་ཅན་གོའི་པར་རིས་འགྲེམ་སྟོན”ཞེས་པར་ཞུགས་པ་རེད། འགྲེམ་སྟོན་འདི་ཟླ3པའི་ཚེས13ཉིན་ནས་ཚེས25ཉིན་བར་དུ་ཀོང་ཏུང་མཛེས་རྩལ་གླིང་དུ་སྤེལ་རྒྱུ་རེད།
　　ཧྥིན་ཅན་གོ་ལགས་ཐེངས་མང་པོར་བོད་ལྗོངས་སུ་ཕྱིན་ནས་པར་རིས་བརྩམས་ཆོས་གང་མང་ཞིག་གསར་རྩོམ་བྱས་ཤིང་། ཁོང་གིས་ཚོན་མེད་པར་རིས་ལ་བརྟེན་ནས་སྤུས་ཀ་དང་ཞིབ་ཆ་ལེགས་པོར་མཚོན་པར་མ་ཟད། བོད་མིའི་སྐུ་པར་ལ་བརྟེན་ནས་ཁོང་རྣམས་ཀྱི་བསམ་པའི་སྟོབས་ཤུགས་མངོན་པར་མཚོན་པ་རེད།