ངོས་དང་པོ > སྐབས་དོན། > སྣ་ཚོགས། > གནམ་མཚོའི་རྒྱལ་སྤྱིའི་རྐང་ཐང་དུ་བསྐྱོད་པའི་ཚོགས་འདུ་སྐབས་བདུན་པ་ཟླ8པར་བསྡུ་རྒྱུ་རེད།

གནམ་མཚོའི་རྒྱལ་སྤྱིའི་རྐང་ཐང་དུ་བསྐྱོད་པའི་ཚོགས་འདུ་སྐབས་བདུན་པ་ཟླ8པར་བསྡུ་རྒྱུ་རེད།

རྩོམ་པ་པོ།：བདེ་ཆེན་མཚོ། ཡོང་ཁུངས།：མཚོ་སྔོན་པོ་དྲ་བ། དུས་ཚོད།：2012-06-22 13:26:00 ཀློག་གྲངས།：

རྒྱུས་ལོན་བྱུང་བ་ལྟར་ན་ལྷ་ས་གྲོང་ཁྱེར་གྱིས་དེ་སྔོན་གྱི་གནམ་མཚོའི་རྒྱལ་སྤྱིའི་རྐང་ཐང་དུ་བསྐྱོད་པའི་ཚོགས་འདུ་སྐབས་དྲུག་པོ་བདེ་བླག་ངང་སྤེལ་བའི་རྨང་གཞི་ཐོག ད་ལོར“བླ་རི་དང་ལྷ་མཚོར་བདེ་སྐྱིད་ཀྱིས་བགྲོད་པ”ཞེས་པ་བརྗོད་གཞིར་བྱས་པའི་སྐབས་བདུན་པའི་རྐང་ཐང་དུ་བསྐྱོད་པའི་ཚོགས་ཆེན་ད་ལོའི་ཟླ8པར་བསྡུ་རྒྱུ་རེད།
སྔོན་རྩིས་བྱས་པ་ལྟར་ན་རྐང་ཐང་དུ་བསྐྱོད་པའི་བྱ་འགུལ་ཁྲོད་མི50ནས70ཞུགས་རྒྱུ་ཡིན་ཞིང་། ཁོང་ཚོས་ཐེངས་འདིའི་བྱ་འགུལ་གྱི་ཁོར་ཡུག་སྲུང་སྐྱོབ་དང་དགེ་ལས་སྤྱི་ཕན་གྱི་ངོ་བོ་གཟེངས་སུ་ཐོན་ཆེད་འདམ་གཞུང་གི་སློབ་ཆུང་གཉིས་ལ་དཔེ་དེབ་གནང་བར་མ་ཟད། རེ་བའི་དཔེ་ཀློག་ཁང་བསྐྲུན་པར་རོགས་སྐྱོར་གནང་རྒྱུ་རེད། ཐེངས་འདིའི་བྱ་འགུལ་གྱི་མངོན་སུམ་གྱི་ཁྱད་ཆོས་ནི་རྐང་ཐང་བ་རྣམས་ལ་བྱང་ཐང་གི་ཁྱད་དུ་འཕགས་ཤིང་གཏིང་མཐའ་བྲལ་བའི་དམངས་སྲོལ་རིག་གནས་མྱོང་དུ་འཇུག་པ་དང་། གནམ་མཚོའི་སྤྱི་ཚོགས་སྲོལ་ལུགས་ཀྱི་སྤྲོ་ཚོགས་སོགས་མི་རིགས་ཀྱི་ཁྱད་ཆོས་གཟེངས་སུ་ཐོན་པའི་བྱ་འགུལ་སྤེལ་རྒྱུ་ཡིན་ཞིང་། མཇུག་མཐར་མཛེས་པའི་བྱང་ཐང་དང་། བརྗིད་ཆགས་ཀྱི་གཉན་ཆེན་ཐང་ལྷ། དག་གཙང་གི་གནམ་མཚོ་ཕྱུག་མོའི་འགྲམ་དུ་འཛོམས་ནས་རྐང་ཐང་དུ་བགྲོད་པའི་བྱ་འགུལ་སྤེལ་རྒྱུ་རེད།

འབྲེལ་ཡོད་འོས་སྦྱོར།

暂无相关信息roking

འབྲེལ་གཏུག་ཁ་པར།：0974-8512858

འཕྲིན་སྐུར་ཡིག་ཟམ།：amdotibet@163.com